Wepélisiananu 9:2 - Kazambale lé Sebe Sauunu 1979

² Tɛrɛlawinu faa koo, lagi mianénu faa koo, fɛnu faa lé woo kɔɔan tɛrɛ la koo, wɛyi va pɔnu faa koo, wo dan kana lɛ ka lee, yé kalé we ma lé gligli é dan zén lɛ wo gi. An wo faa tere pa ka lee.

Wepélisiananu 9:2 ပူးပေါင်းရင်းမြစ်များ

Wepélisiananu 1:21

Yé Kazambale pɔ blɛnblɛnnu kɛlɛ, é valé wi yuɛmalenu faa lé woo giéan ’yi va, é wo kɛlɛ kiɛre wo dɔgɔnɔ yɛrama; yé mianénu faa lé wo bɛa ke, é wo kɛlɛ é ziin wo dɔgɔnɔ yɛrama. Kazambale a ye léé, ’bɛ a é zima.

Wepélisiananu 1:26

’Bɛ zuo Kazambale léé: Kaa mi kɛlɛ kaa dɔbɛ gi, kaa bɔmazan nya, yé ’é pla wɛyi va pɔnu koo, lagi mianénu koo, winu koo, tɛrɛlafɛnu faa koo, tawoplɛlawinu faa lé woo giéan tɛrɛ la koo, wo faa nwiin.

Wepélisiananu 1:28

Kazambale wo drɔɔ vo, yé Kazambale lé wo lɛ léé: ’Ka né yaa, ’ka kɛlɛ kiɛre, ’ka fan tɛrɛ la yé ’ka pla a tafɛnu nwiin; wɛyi va pɔnu koo, lagi mianénu koo, wi faa lé éé giéan tɛrɛ la koo, ’ka pla wo nwiin.

Wepélisiananu 2:19

Gakelebale tɛrɛ si yé é a kɛlɛ tɛrɛlawinu valé lagi mianénu nya, yé é da wo faa nya gɔnézan va, dé é dan wo laa lɛ fɛan zo, yé é a gi dɔɔ, yé tɔ lé gɔnézan a pa fɛ yuɛmale faa ma, yé é vo wo tɔ nya.

Wepélisiananu 35:5

A zuo wo go. Kazambale lé kanale zén flanu faa lé é ke wo zi, wo tamunu gi, yé wo ’ka Jakɔb benu zuo bin lɛ lo.

Wepélisiananu 9:1

Bale Noé valé a benu drɔɔ vo, yé é lé wo lɛ léé: ’Ka né yaa, ’ka kɛlɛ kiɛre, ’ka fan tɛrɛ la.

Wepélisiananu 9:3

Fɛ faa lé éé giéan é yuɛma, wo dan kɛlɛ lɛ kalé fɛblele nya. Maa a faa nɔ ka lɛ bélé lu drɔɔ zo.

JOB (Job) 39:11

I bli a alé plɛplɛ blɛn lɛɛ? Ilé nyanama bɛ paan a lee?

Ézékiɛl 34:25

Maa Gakelebale, maa ɛ fe. Maa dan an gi pa lɛ do wo va, wo vole drɔɔ we ma. Yé maa dan bwigiwinu si lɛ tɛrɛ ’ko la. Wo dan nyana lɛ woboma duaa bwi gi, yé wo dan yi gyɛ lɛ pɔrɔnu guru la.

OZÉ (Osée) 2:18

Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

Lévinu 26:22

Maa dan bwigiwinu nwa lɛ ka ma, yé wo dan kalé nénu si lɛ ka lee yé wo dan kalé winu kulu ga lɛ, yé wo dan ka ke si lɛ a va yé ka vo sɛné; yé kalé zinu é dan ga lɛ.

Lévinu 26:6

Maa dan kalé tɛrɛ vo lɛ drɔɔ, yé mi do gi nyɛ ’ka dan kini lɛ yibla lo; maa dan wi nyanénu faa si lɛ kalé tɛrɛ la, yé guli ’ka dan da lɛ kalé tɛrɛ la lo.

SEBE LÉ JAK A GYE (Épitre de Jacques) 3:7

Bwigiwinu gɔnɔ faa koo, miané gɔnɔ faa koo, tawoplɛlawinu gɔnɔ faa koo, wɛyivawinu gɔnɔ faa koo, tɛrɛlamunu éé bɔalɛ léé, wo wo nɔla bélé fla trubɛ zo, yé wa kɛla a zo webozen nya;