Wepélisiananu 8:21 - Kazambale lé Sebe Sauunu 1979

²¹ Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Wepélisiananu 8:21 ပူးပေါင်းရင်းမြစ်များ

Wepélisiananu 3:17

Kazambale lé gɔnézan lɛ léé: I tɔné dɔ i na dére lɛ, yé yili lé maa a fe i lɛ léé, té bé poro ble lo, bé ble, bɛwemalé maa dan bale pa lɛ tɛrɛ ma ilé we ma.

Wepélisiananu 4:12

Dé i féi paoo, é ’ka dan fɛ dɔ lɛ i lɛ lo. I dan kɛlɛ lɛ nɔɔzan valé yɔɔzan nya tɛrɛ la.

Wepélisiananu 5:29

É a tɔ pa Noé, yé é léma: Kolé wɔlɛi nyaale valé nyanama tɔntɔn lé ko paan tɛrɛ ’ko lé, Gakelebale bale pa a ma bɛ, a ta, né ’ko é dan ko tɔrɔ paa lɛ a ma.

Wepélisiananu 6:13

Yé Gakelebale lé Noé lɛ léé: Mi faa lé we nyaa; maa ɛ fe; naa, wo glawe kɛlɛle sɔɔla tɛrɛ faa la, amalé maa dan wo guru zana lɛ a gi, tɛrɛ boen koo é ziin.

Wepélisiananu 6:17

Maa dan lɛɛ blɛn zun lɛ tɛrɛ la, fɛ faa lé éé flin‐é la wuo, wo sɛrɛle we gi. Fɛnu faa lé ke tɛrɛ la, wo dan ga lɛ.

Wepélisiananu 6:5

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

Wepélisiananu 6:7

Yé Gakelebale léé: Mɛmalé maa mi kɛlɛ tɛrɛ laa? Mi lé maa kɛlɛ bɛ, maa dan a si lɛ tɛrɛ la tata; yee koo, winu koo, tawoplɛlawinu koo, lagi mianénu koo, maa dan wo faa si lɛ tɛrɛ la tata.

JOB (Job) 14:4

É kɛla ka yé fɛ gibɔle é si fɛ tiridɔle vaa? ’Bɛ ’ka kɛla lo.

Lɛrɛvɔ Sɛbɛ 51:5

Naa, maa anlé bélidɔwe sɛrɛlenu dɔɔ, Yé anlé wenyané sele a an gi bléyi faa va.

Lɛrɛvɔ Sɛbɛ 58:3

Gba, ka weple kɛla kabo yuɛ va. Kalé tɛrɛ la, woo mi gya we nya é gi.

Lɛrɛvɔ Sɛbɛ 58:4

Mi nyanénu saan, ’té wa wo bu bɔn gi, Viézannu woo zi buuan wo yaa bléyi va.

Fwile 29:18

’I ’blawi faa kyɛ ble balebanna ta; wi lé wa kyɛ blé Gakelebale zé nya, yee lé; saraka lé kyɛ a blé, ’té a gin sɔ Gakelebale lɛ, yee lé.

Fwile 29:25

’Bɛ zuo yé bé si wo lee, yé bé kyɛ ble balebanna ta, wi lé wa kyɛ blé, a ta loru; saraka lé kyɛ a blé Gakelebale ’lɛ, ’té a gin sɔ Gakelebale lɛ, yee lé.

Wegɔnévɔlenu 20:9

Mi kyɛn ɛ dan a fe lɛ léé: Maa an bli gi bɔ, maa anlé wenyané fwii?

Bale Lé We Gifezan 7:20

Weboen nya, mi tegele lé éé wezin kɛla, té é ’ka wenyané kɛla pelo, ’bɛzan ’ka tɛrɛ la lo.

Ézai 47:12

Ilé yo kɛlɛle valé ilé ’moné kiɛre dɔle lé Ibo nɔ wo kɛlɛle lɛ i kiéné la bléyi va, ’I vo ’bɛ ma; Dé i dan tɔnɔ ye lɛ wo maa? Dé i dan kɛlɛ lɛ mikanamazan nyaa?

Ézai 47:15

Munu lé ibo wɔlɛi nyaa i ma wo va ’monédɔle nya, wozé é dan kɛlɛ lɛ fɛan zo, yee lé ke bɛ. Munu lé ka yaawole sia wo nya i kiéné la bléyi va fɔɔ kyɔ, Wo dan kini lɛ ékema do do; Mi do kpen ’ka dan bɔ lɛ i va lo.

Ézai 48:8

Ka ’ka we do kpen ’ma lɛ a gi lo, yé ka ’ka we do kpen dɔɔ lɛ a gi lo, Yé ana we do kpen ’ka go lɛ ka tɔné gi lo; Naa, maa gi dɔɔ é kyɛn léé, ka ’ka yara pa lɛ anlé we ta lo, É sia ka yaabléyi va, woo ka laama nwamimazannu

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Ézai 65:6

We lé é dɔ maa gi yé maa dɔ a ta, yee lé ke ’ko: Maa ’ka dan tadɔ lɛ lo, maa dan wolé wenyané dɔ lɛ wo nwiin. Iin, kalé wenyané blɛn koo, ka tranu lé wenyané blɛn koo, maa dan a dɔ lɛ ka nwiin. Ka tranu lasikɔrɔpo kyɛ ble gɔnu nwiin yé wo an sɔnɔ gɔpanénu nwiin; maa dan wo banwo lɛ wo kɛlɛwe kyɛnnu yɛrama ’té. Gakelebale ɛ fe.

Jérémi 17:9

Mi bli ’ka zi yɛrama lo; é a é nyané; De ɛ bɔa mi bli lé we dɔɔle lɛɛ?

Jérémi 18:12

Naa, wo léé: We pla ’bɛ. Ko dan tawo lɛ kolé bɔn‐in bɔrɔlenu yɛrama; ko faa do do, ko dan we kɛlɛ lɛ ko bligiwe naanénu yɛrama.

Jérémi 8:6

Maa a wemazan nya, an tɔné a é dɔle; wo ’ka we fé wefebɛ yɛrama lo; wo va mi do kpen ’ka é bli nɔlaan élé we lɛrɛlɛrɛ kɛlɛle ma lo. Yé é ’ka a fé léé: Mɛ we lé maa a kɛlɛ bɛɛ? lo. Wo faa zén ’wolé zinu ta bélé wisoo lé éé fɔrɔan guli danna, a zo.

Ézékiɛl 20:41

Tɛrɛnu lé maa ka nwɛɛn ana munu méléna, dé maa ka si ana bléyian va, ’bɛ bléyi va maa dan ka si lɛ bélé lasikɔrɔ gin néné zo. Yé ka dan maa kɛlɛ lɛ segele bɛnnu yuɛ va.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 1:17

É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Lévinu 1:9

Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 4:31

Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 8:28

’Bɛ zuo Moizi a si wo lee, yé é wo pa balebanwi lé wa kyɛ blé, a ta loru, yé é wo faa kyɛ ble balebanna ta; mi bɛ pale balebanle ta saraka lé, saraka lé wa kyɛ blé, ’té Gakelebale a gin sié néné, yee lé.

Mi Nɔnɔle 15:3

yé saraka lé wa kyɛ blé, dé ka a bo Gakelebale lɛ, dé é a balebanwi lé wa kyɛ blé, a nyaoo, dé é a Bale kunle gifɛ nɔle nyaoo, dé é a bli drɔɔ blɛ nyaoo, dé ’bɛ kaan lo, dé é a kalé fɛti nyaoo, yé dé kalé wi blɛn léé, dé kalé wi kiéné léé, dé ka a kyɛ ble, yé Gakelebale a gin si néné we ma,

Matio 15:19

Gibɔrɔle naané koo, migyɛle koo, leginile valé gɔnéginile koo, pɛnpɛnnégyɛle koo, kyeenwole koo, viéwole mi ma koo, mi tɔ sɛrɛle koo, woo ɛ sié mi bli gi.

WENÉNÉ LE JAN A GYE (Évangile selon Jean) 3:6

Fɛ lé wa yaa mi ma, ’bɛ a mi nya, yé fɛ lé wa yaa léli ma, ’bɛ a léli nya.

Rom munu 1:21

Naa, wo Kazambale dɔɔ aan wo, wo ’ka a bɔ lɛ ’é bɔbɛ gi lo, yé wo ’ka a bɔ vɔ lɛ lo; naa, wolé gibɔrɔle kɛlɛ boawe nya yé wo ’ka ’wo ’wuogibɔrɔ mawe ye lɛ é dɛrɛ lo.

Rom munu 3:23

Naa, munu faa wenyané kɛlɛ yé Kazambale lé fuasan vuru wo faa ma;

2 Korɛnt Munu 2:15

Naa, ko a Kazambale lé fɛ gin nya Krist gi, munu lé wo si we gi, é valé munu lé wo ke zamaga wona, wo méléna.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

1 Samuɛl 26:19

Naa sin, minwiinzan, anzan, ’i tɔné dɔ i wuozan dére lɛ ma; dé Gakelebale ɛ i nwa an ma, ’é é banfɛ gin si ma; naa, dé we ’ko si munu ɛ va, ’wo bale pa wo ma Gakelebale yara ma; wa an binna kyɔ an sile Gakelebale lé zarafɛ va we ma yé wo léé, ’an go bale bɛnu bɔ, azama.