Wepélisiananu 8:1 - Kazambale lé Sebe Sauunu 1979

¹ Noé sele dɔ Kazambale gi. Bwigiwinu valé flawinu lé wo ke ’yitagoro gi a va, wo sele dɔ Kazambale gi. Kazambale fu gié tɛrɛ la, yé ’yinu dɔ flee.

Wepélisiananu 8:1 ပူးပေါင်းရင်းမြစ်များ

Wepélisiananu 19:29

Dé Kazambale fɛna pɛblɛɛ flanu sɛrɛ Abraam sele dɔ a gi; yé dunuzén?-?milawe lé é bɔ Lɔt nyanala flanu ma yé é wo guru zana a gi bɛ, é Lɔt si ’bɛ we ’konu gi.

Wepélisiananu 30:22

Rasɛl sele dɔ Kazambale gi yé é a dére nyi si yé é a kɛlɛ néyaazan nya.

Wepélisiananu 9:10

Fɛ yuɛmalenu faa lé wo ke ka va, dé mianénu léoo, dé flawinu léoo, dé bwigiwinu léoo, ka faa lé ka si ’yitagoro gi, tɛrɛlawinu boen‐oo, maa gi pa do ka faa va.

Néémi 13:14

Oo Bale, an sele ’é dɔ i gi we ’ko lé we ma ma. Yé wezin lé maa kɛlɛ anlé Bale lé kɔn valé alé nyanama ma, té a sele é san i gi lo ma.

Néémi 13:22

Yé maa lé Lévinu lɛ é ziin léé: ’Ka kabo kɛlɛ tegele yé ’ka da ka yuɛ pa flagɔrɔ ’léénu ta, té wo flinyi sɛrɛ lo we gi. Oo, anlé Bale, an sele ’é dɔ i gi we ’ko ma ma, yé ’i an tabin ilé nyanai zénle blɛn yɛrama ma.

Néémi 13:29

Oo, anlé Bale, wo sele ’é dɔ i gi, naa, ilé baleban nyanama valé ilé gipawe lé Balebanzannu valé Lévinu a kɛlɛ, wa sɛrɛ.

Néémi 13:31

Yé kyɛ lé woo dan a nya Bale lɛ blɛ nya, ’té wa nɔyi dɔ bɛ, ’é valé féifɛ vininnu nya, an dɔ a ta. Oo, anlé Bale, an sele ’é dɔ i gi yé ’i wezin kɛlɛ an lɛ ma.

JOB (Job) 12:15

Éé ’yinu kunwo yé fɛ faana éé gaan; Éé daan wo ma yé woo tɛrɛ sɛra.

JOB (Job) 14:13

Oo, dé i an yɔɔ kɔɔn gamunu nyanana, Dé i fɛ bua kɔɔn an ta yé ilé bliflile gié, Yé dé i an sele dɔ i gi yi dɔ kɔɔn an lɛ,

Lɛrɛvɔ Sɛbɛ 105:42

Naa, a dére ’lɛzan sele dɔ a gi, Yé a wuozan Abraam sele dɔ a gi.

Lɛrɛvɔ Sɛbɛ 106:4

Gakelebale, dé i wezin kɛlɛ ilé munu lɛ, an sele ’é dɔ i gi ma; Dé i bɔ wo va, an sele ’é dɔ i gi ma,

Lɛrɛvɔ Sɛbɛ 115:12

Ko sele a Gakelebale gi; é dan ko drɔɔ vo lɛ, É dan Izraɛl munu drɔɔ vo lɛ, É dan Arɔn lé munu drɔɔ vo lɛ.

Lɛrɛvɔ Sɛbɛ 132:1

Gɔ gié lɛrɛ do lé. Gakelebale, David sele ’é dɔ i gi ma, Nyané faa lé é a ble, a sele ’é dɔ i gi ma.

Lɛrɛvɔ Sɛbɛ 136:23

Bale lé ko sele dɔ a gi bléyian va lé kobo kɛlɛ kiéné, Naa, a nyanai éé zén‐é yifaama.

Lɛrɛvɔ Sɛbɛ 137:7

Gakelebale, Édom munu sele ’é dɔ i gi ma, Munu lé, wa fe Jérusalɛm ma yi la léé: ’Ka a ’wii, ’ka a ’wii Fɔɔ yé é bɔ a gane vɔna ma, wo sele ’é dɔ i gi ma.

Lɛrɛvɔ Sɛbɛ 29:10

Lɛɛ blɛn dabléyi va, ’té Gakelebale a é nyanale élé webleblin ta; Gakelebale a é nyanale élé webleblin ta minwiinzan nya lɛɛfaama, a glɛ ’ka lo.

Lɛrɛvɔ Sɛbɛ 36:6

Gakelebale, ilé zin bɔ fɔɔ la gi, I yarapale we la éé goo fɔɔ la ma.

Fwile 14:21

Moizi é bɛ soi wɛyi ta. Yé Gakelebale wɛyi gyɛ é zuo, yirinwanazia fu lé é gié plɛplɛ é béli bléyi faa va bɛ, a nya; é wɛyi guru gi ga yé a ’yinu fén gyɛ.

Fwile 15:10

I fu fɛ ilé flinle nya Wɛyi bua wo ta; Wo go ’yi wɔlɛ ma Bélé lɛɛ zo.

Fwile 2:24

Kazambale wolé dunnule ’ma yé gipawe lé é a kɛlɛ Abraam koo, Izak koo, Jakɔb koo, wo va, a sele dɔ a gi.

Wegɔnévɔlenu 25:23

Yirinwana bɛbola fu éé dan lɛɛ nya, yé liwo nɛnɛ éé dan yara kyɛ vɔle a gi nya.

Ézai 44:27

Maa lé ’yi blɛn lɛ léé: ’I béli ma. Maa dan ilé yuunu béli lɛ.

Jérémi 50:38

Yɛrɛgabléyi ’é bɔ ’yinu ma, ’wo béli ma. Naa, tɛrɛ ’ko a é fanle miyilinu nya. Wo kɛlɛ gwegyɛzannu nya wolé miyilinu lé we ma.

Amɔs 8:7

Gakelebale Jakɔb tɔbɔmazan ’nyɔɔn léé, wo kɛlɛwe do kpen ’ka dan saan lɛ ’é gi lo.

Jonas 4:11

yé Ninive lé ke fla blɛn nya, ’té mi baa yɔ yaa lé wo ’ka wo bɛyi valé wo bɛbo dɔɔa lo, ’té wo ke ana bɛ, wo valé wi ’léé kiɛre nya, an nyanai ’ka zén‐é ’bɛnu ta loo?

Naum 1:4

Éé bon‐ɛn‐an wɛyi nya yé ’bɛ éé bélié é guru gi. Éé yuunu faa bélié; Bazan tɛrɛ la valé Kaamɛl gɔnu éé kɛla tɔɔtɔɔ, Liban tɛrɛ la lu vwinu ma éé yuruan.

Abaku 3:2

Gakelebale, we lé bé fe, maa ’ma, yé kana blɛn zén an gi. Gakelebaleoo, Gakelebale, ’i kɛlɛwenu lɛ sɔɔ lɛɛnu faa gi, ’Bé nagɔɔn lɛɛnu faa gi; Naa, dé i bli a flina, i nyanai zénle sele ’é dɔ i gi ma.

Zakari 10:11

Bale é dan nyané ble wɛyi kini lɛ, yé é dan fɛ duun lɛ wɛyi nwalenu lɛ Yé yuu gurunu faa é dan béli lɛ; Asirinu lé boblɛn é dan nyaa lɛ, Yé Éjipiti lé plaminwiinyili é dan san lɛ.

Mi Nɔnɔle 10:9

Tɛrɛ lé ka ke a ta, dé ka a gona guli dan lɛ ana, ka nyanézannu lé wo dan ka ma, wo va, ’ka bélinu fɛn plɛplɛ ma, yé ka sele é dan dɔ lɛ maa, Gakelebale kalé Bale gi, yé an dan ka si lɛ ka nyanézannu lee.

Mi Nɔnɔle 22:32

Gakelebale lé lanje lé a lɛ léé: Mɛmalé ilé sokofale tina bla tan gɔnɔ yaa? Bé ye, an da zi dɔle i lee we ma, naa, zi lé i ke gona a ta, i sanna zi lé.

Wegɔɔnle 16:19

Yé fla blɛn a é pale fɛana bɛ, ana tɛrɛ fee bo yaa, yé fla blɛn Babilɔn sele dɔ Kazambale gi yé é élé bliflile baba nɔ a lɛ kana gi bélé nwɛ zo.

Wegɔɔnle 18:5

Naa, alé wenyané gi gyɛ fɔɔ yé é bɔ la gi, yé alé weplenu sele dɔ Kazambale gi.

1 Samuɛl 1:19

Wo nwa bladi tutu yé wo dia wo bli la Gakelebale ’lɛ faa yé wo zi sia yé wo go wolé fla Rama. Elkana go é na Ane zuo kɔn gi yé Ane sele dɔ Gakelebale gi.