Wepélisiananu 7:13 - Kazambale lé Sebe Sauunu 1979

¹³ Noé koo, Noé benu, Sɛm valé Sam valé Jafɛt koo, Noé na valé Noé benu nanu yaa koo, wo faa wɔra ’yitagoro gi yi do nya;

Wepélisiananu 7:13 ပူးပေါင်းရင်းမြစ်များ

Wepélisiananu 10:21

Sɛm négɔnénu yaa é ziin. Sɛm a Jafɛt zuané nya yé é a Éébɛɛ benu faa tra nya.

Wepélisiananu 10:6

Sam benu lé ke Kus koo, Misraim koo, Put koo, Kanaan koo, wo nya.

Wepélisiananu 5:32

Noé lɛɛ a wuru fié yɔ soru, yé é né yaa, Sɛm koo, Sam koo, Jafɛt koo, wo nya.

Wepélisiananu 6:10

Noé né yaa négɔné nya yaa. Sɛm koo, Sam koo, Jafɛt koo, woo lé.

Wepélisiananu 6:18

Naa, maa gi pa do i va. I dan wɔra lɛ ’yitagoro gi. Bii valé i benu koo, i na koo, i be nanu koo, ka faa lé.

Wepélisiananu 7:1

Gakelebale lé Noé lɛ léé: ’I wɔra ’yitagoro gi, bii valé ilé munu nya; naa, maa i ye mi tégélé nya bléyi ’ko vamunu méléna.

Wepélisiananu 7:14

wo valé bwiiwinu faa dɔgɔnɔ koo, flawinu faa dɔgɔnɔ koo, tawoplɛlawinu faa dɔgɔnɔ koo, mianénu faa dɔgɔnɔ koo, miané kiénénu faa koo, fɛ faa lé wo bɛa ke koo, wo faa nya.

Wepélisiananu 8:14

Moné fiézan lé yi yɔ do wɔlɛ sɔrafiézan nya, tɛrɛ boen ga.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

1 Piɛri 3:20

Lélinu ’ko, wa é vinin tɔnégiplɛplɛzannu nya, bléyian va lé Kazambale é bli kɛlɛ tiéé munu ma, Noé lé ’yitagoro kɛlɛbléyi va. Mi sɛ lé ’yi wo béli, wa ’yitagoro gi mi sɔraa.

2 Piɛri 2:5

É ’ka munu vininnu vo lɛ lo, naa, duowo, bléyian va lé é lɛɛ da Bale lé zi ma wenyané fezannu faa ta bɛ, é we tegele fezan Noé béli, é valé mi sɔrafié nya.

Weblezannu 21:22

Dé wo tinu valé wo bwenu da ko va ka tɔ fele we gi, ko dan fe lɛ wo lɛ léé: ’Ka wo nɔ ko lɛ ma, ko ’ka wo faa zé le ye lɛ guli danna lo, azama. Kaan ka wo nɔ wo lɛ lo; naa, dé é a lé ka ɛ wo nɔ wo lɛ, ’té a we a ka nwiin.