Wepélisiananu 6:8 - Kazambale lé Sebe Sauunu 1979

⁸ Naa, Noé kɛlɛ mi zin nya Gakelebale yuɛ gi.

Wepélisiananu 6:8 ပူးပေါင်းရင်းမြစ်များ

Wepélisiananu 19:19

I an ye mi zin nya kɔɔn yé i nyanai zén an ta, yé i an vo é yuɛma; naa, we tɔntɔn é dan bɔ lɛ an ma yé an zamaga wo an sile we gi ’lɛ, ’té an ’ka tan bɔ lɛ gɔ ma lo.

Lɛrɛvɔ Sɛbɛ 145:20

Munu faa lé Gakelebale éé sɔa wo lɛ, éé wo tabin‐é, Yé éé mi nyanénu faa kulu gaan.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Wegɔnévɔlenu 12:2

Mi zin éé Gakelebale lé zin yé, naa, mi lé éé miblifliwe saa kɛla, Gakelebale a gya we nya.

Wegɔnévɔlenu 3:4

’Bɛ zo lé i dan zin ye lɛ yé i gi boen é dan kini lɛ Kazambale valé munu yuɛ va.

Wegɔnévɔlenu 8:35

Naa, mi lé é maa ye, é bélile ye, Yé é Gakelebale lé zin ye.

Jérémi 31:2

Gakelebale léma: Wo zin ye an va bwi gi, munu lé wo so gwɔun ’léé, woo lé; Izraɛl munu a gona ’wo flinna.

Ézékiɛl 14:14

yé dé é kɛlɛ léé, Noé koo, Daniɛl koo, Job koo, wana wo méléna kɔɔn, ’té wo mi yaa ’ko saa ɛ dan si lɛ we gi wo kɛlɛwe tegele ma. A zo lé Mizan Gakelebale a fe.

Matio 24:37

We lé é bɔ Noé bléyi va, yee duo ɛ dan bɔ lɛ maa blami Be dabléyi va.

WENÉNÉ LÉ LUK A GYE (Évangile selon Luc) 1:30

Lanje lé a lɛ léé: Mari, té i kana lo. I Kazambale lé zin ye.

WENÉNÉ LÉ LUK A GYE (Évangile selon Luc) 17:26

Wean é bɔ Noé bléyi va, yee duo ɛ dan bɔ lɛ maa blami Be zé yinu ta.

Kelewenu 7:46

David kɛlɛ mi zin nya Kazambale yuɛ gi yé ’bɛ a laa Bale lee léé, ’é kɔn dɔa Jakɔb lé Bale zé nya;

Rom munu 11:6

Naa, dé Bale wo si a va élé zin yɛrama, ’té kɛlɛwenu ’ka a va é dɛrɛ lo; dé ’bɛ kaan lo, ’té zin ’ka zin nya é dɛrɛ lo.

Rom munu 4:4

Yé mian éé nyanama paan wo ’ka a banwoo zin kɛlɛle nya lo, naa, wa yé léé, a banwo yara lé;

1 Korent munu 15:10

Maa ke fɛan nya ’ko, Kazambale lé zin ɛ an kɛlɛ a nya. Yé Kazambale ’ka élé zin sɛrɛ lɛ an ma lo, naa, an nyanama pa é baba, é mini wo faa ta. ’Té é ’ka maabozen nya lo, naa zin lé Kazambale a kɛlɛ an lɛ, yee lé.

Galasi munu 1:15

Naa, Bale lé sɔlɛwe yɛrama é an pa é yɛrama an bu lé an yaa bléyi va, yé é an laa élé zin nya.

2 Timoté 1:18

Amalé dé Mizan lé yi blɛn bɔ, Mizan ’é zin kɛlɛ a lɛ é nyanai zénle a ta nya ma. An mawenu lé é a kɛlɛ Éfɛz, bii ɛ gi dɔɔ é zima é mini mi bɛnu lɛ.

Tite 2:11

Naa, Kazambale lé zin lé ke munu faa sile we gi punsina nya bɛ, Bale a nagɔɔn munu lɛ.

Tite 3:7

dé é ko kɛlɛ tegele élé zin ma faa yé ko bli ’é kɛlɛ vole é yuɛma lé a glɛ ’ka lo, a yele lɛ.

Ébrunu 4:16

Bɛwemalé kaa bié zinblin sɔnɔ bɔn gi kinile nya ma, a nyanai zénle kaa ta we gi, yé dé we bɔ kaa ma bléyian va, yé é zin kɛlɛ kaa lɛ yé é bɔ kaa va.

1 Piɛri 3:20

Lélinu ’ko, wa é vinin tɔnégiplɛplɛzannu nya, bléyian va lé Kazambale é bli kɛlɛ tiéé munu ma, Noé lé ’yitagoro kɛlɛbléyi va. Mi sɛ lé ’yi wo béli, wa ’yitagoro gi mi sɔraa.

2 Piɛri 2:5

É ’ka munu vininnu vo lɛ lo, naa, duowo, bléyian va lé é lɛɛ da Bale lé zi ma wenyané fezannu faa ta bɛ, é we tegele fezan Noé béli, é valé mi sɔrafié nya.