Wepélisiananu 6:2 - Kazambale lé Sebe Sauunu 1979

² yé Bale benu munu lunu ye, léé, wa nɔnɔmi, yé wo wo si ’wo nanu nya, é sɔ wo lɛ fɛan zo, a zo.

Wepélisiananu 6:2 ပူးပေါင်းရင်းမြစ်များ

Wepélisiananu 12:11

Wo bɔ aan wo Éjipiti tɛrɛ sɔnɔ, yé é lé é na Sarai lɛ léé: Maa lé ma, maa a gi dɔɔ léé, i a le lé a yara ke é nɔnɔmi, a nya.

Wepélisiananu 24:3

Gakelebale lé ke lagi Bale valé tɛrɛ lé Bale nya, bé ’nyɔɔn léé, i ’ka dan le si lɛ an be na nya Kanaan munu lé maa nyanaan wo va ’ko, wo lunu va lo;

Wepélisiananu 26:35

Izak valé Rébéka bli gi kyɛ dɔ lomu ’konu lé we ma.

Wepélisiananu 27:46

Rébéka lé Izak lɛ léé: Anlé tɛrɛla lɔrɔ nyaa an ma Et lunu lé we ma. Dé Jakɔb ’bɛ zo le si Et lunu va, tɛrɛ ’ko la blɛnnu va, ’té mɛmalé an voo é yuɛmaa?

Wepélisiananu 3:6

Lezan a ye aan wo léé, yili ’ko poro a blefɛ zima nya, yé é a nɔnɔmi mi yuɛ gi, yé é a mi bɔn‐in kinifɛ zima nya, é a poro so yé é a ble; a zana lé ’bɛ ke a va bɛ, é a ke nɔ ’bɛ lɛ yé ’bɛ a ble.

Wepélisiananu 4:26

Sɛt né yaa gɔné nya é ziin, yé é tɔ pa a ma Énɔs. ’Bɛ bléyi va lé munu kun Gakelebale tɔ laale ma.

Wepélisiananu 6:1

Mi kɛlɛle di pélisia aan wo tɛrɛ la, wo nélomu yaa,

Wepélisiananu 6:3

Yé Gakelebale léma: An léli ’ka dan vo lɛ mi gi yifaama lo. Munu a wimi nya é pla, yé wolé tɛrɛlalɛɛ é dan kɛlɛ lɛ sin yɔ suiɛdo.

2 Samuɛl 11:2

Yi do nya nyanadi, David nwa élé yialafɛ ta; é a dɔwona minwiinzan lé kɔn gwa ta aan wo, é le do ye zuruna; le ’ko a é nɔnɔmi.

Ezidras 9:12

Amalé, té ka lunu nɔ wo benu lɛ lo, yé té ka wo lunu si ka benu nanu nya lo, yé té ka wolé fuablele valé we zin yele gi bɔrɔ pa monomono lo. ’Bɛ zo lé ka dan kɛlɛ lɛ plɛplɛ; ka dan tɛrɛ ’ko la nyɔnɔfɛnu ble lɛ, yé ka zara é dan vo lɛ ka benu zé nya lɛɛfaama.

JOB (Job) 1:6

Yi do nya Kazambale benu da wolé we zuo fe lɛ Gakelebale lɛ, yé Satan da wo va.

JOB (Job) 31:1

An gi pa an yuɛ va do léé, Té an yuɛ dɔ blɛnzan ta lo we gi.

Fwile 34:16

dé ka da wo lunu si ka benu nanu nya, yé wo lunu lé woo goo wolé balenu zuo bélé bɔrɔdɛ le éé goo gɔnénu zuo fɛan zo, a zo, dé wo da ka benu sia ana yé wo go wolé balenu zuo, bɔrɔdɛ le éé goo gɔnénu zuo fɛan zo, a zo.

Ézai 63:16

Duowo, bii ɛ ke ko ti nya. Naa, Abraam ’ka ko dɔɔa lo, yé Izraɛl ’ka a gi dɔɔa léé, ko ana lo; bii Gakelebale ɛ ke ko ti nya; a péli sia bléyi va ibo laan ko siéwegizan.

Malasi 2:11

Juda ébo gɔɔn yuɛiblanzan nya; wo bozowe kɛlɛ Jérusalɛm Izraɛl bɛn gi. Fɛ lé wa pa é yɛrama Gakelebale zé nya, ’té é sɔ Gakelebale lɛ bɛ, Juda a sɔnné sɛrɛ yé é yo lé lomu si.

Malasi 2:15

Bale ’ka wo kɛlɛ lɛ mi do nya loo? Mɛmalé é wo kɛlɛ doo? É a a va léé, wo kulu ’é kɛlɛ Bale bɔzannu nya. Amalé ’ka yuɛ pa kaboen va, té ka va mi do kpen yuɛi é blan ’é boronéla le ma lo.

1 Korent munu 7:39

Lezan a é zana na nya é zana yuɛma bléyi faa va, naa, dé a zana ga, a se a a lɛ léé, dé boan é sɔ a lɛ, ’é a si; naa, ’é kɛlɛ Mizan lé mi nya ma.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Bélidɔwesɛbɛ Fiézan 14:1

Ka a Gakelebale, kalé Bale lé nénu nya. Té ka pɔɔ gyɛ ka kɔlɛ ma lo, té ka nwin puiyɛ ka bɛlo la mi gale lé we ma lo.

2 Piɛri 2:14

Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

1 Jan 2:16

We faa lé é ke tɛrɛ la, mi dɔbɛ kyɛn lé sɔlɛwe koo, yuɛbɔle fɛ ma koo, bo kɛlɛle blɛn koo, wo ’ka sié Ti va lo. Woo sié tɛrɛlawe va.