Wepélisiananu 6:13 - Kazambale lé Sebe Sauunu 1979

¹³ Yé Gakelebale lé Noé lɛ léé: Mi faa lé we nyaa; maa ɛ fe; naa, wo glawe kɛlɛle sɔɔla tɛrɛ faa la, amalé maa dan wo guru zana lɛ a gi, tɛrɛ boen koo é ziin.

Wepélisiananu 6:13 ပူးပေါင်းရင်းမြစ်များ

Wepélisiananu 49:5

Siméɔn valé Lévi a bwe valé zuané nya. Wolé gwɔunnu a migyɛfɛ naanénu nya.

Wepélisiananu 6:14

’Izé ’yitagoro kɛlɛ goféyili nya. ’I ’yitagoro gi bɔi kɔnnénu nya, yé ’i wele gié a gi valé a lala.

Wepélisiananu 6:4

’Bɛ bléyi va, ’té gɔné glaliglalinu a tɛrɛ la. Yé ’bɛ zuo é ziin, dé Bale benu go munu lunu zuo, yé ’bɛnu né yaa wo lɛ, wolé nénu kɛlɛ nyanazannu nya, yé wo ɛ tɔ ye é li.

Wepélisiananu 7:21

Fɛnu faané lé éé kɔɔan tɛrɛ la, wo ga. Mianénu koo, flawinu valé bwigiwinu faa koo, winu faa lé woo tawoo ’wo plɛ la tɛrɛ la koo, munu faa koo, wo faa ga.

Wepélisiananu 7:23

Fɛ faa lé ke é yuɛma tɛrɛ la, wo faa ga tata, munu koo, winu koo, tawoplɛlawinu koo, mianénu koo, wo nya. Wo faa si tɛrɛ la tatata. Noé valé fɛnu faa lé wo ke a va ’yitagoro gi, wo saa ɛ vo.

Wepélisiananu 7:4

Naa, é vo yi sɔrafié, yé maa dan lɛɛ da lɛ tɛrɛ la yi yɔ fié, bladi nyanadi, yé fɛ faa lé maa a kɛlɛ, maa dan wo si lɛ tɛrɛ la tata.

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Ézai 34:1

Bɛnnu, ’ka bié, ’ka we ’ma. Munu, ’ka tɔné dɔ. Tɛrɛ valé é tafɛnu faa, tɛrɛ valé fɛnu faa lé éé a dɔa, ’ka tɔné dɔ ma.

Jérémi 51:13

Bii lé i ke é nyanale ’yi blɛnnu sɔnɔ, ’té ilé fɛwezannu ke di, i bɔ izé ’wuo plana; ilé fɛyilɔrɔ glɛ dɔ.

Amɔs 3:7

Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.

Amɔs 8:2

É lé an lɛ léé: Amɔs, i mɛ fɛ yéé? Yé maa a zi pa léé: An kyɛɛné do yé, ’té yiliporo a a gi. Yé Gakelebale lé an lɛ léé: Anlé munu Izraɛl bɔ wozé ’wuoplana; an ’ka dan wo ma we vo lɛ é dɛrɛ lo.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.