Wepélisiananu 5:5 - Kazambale lé Sebe Sauunu 1979

⁵ Adam lɛɛ faa kɛlɛ wuru ziɛn yɔ suiɛdo wɔlɛ vu, yé é ga.

Wepélisiananu 5:5 ပူးပေါင်းရင်းမြစ်များ

Wepélisiananu 3:19

I yara kyɛyee zi lé i dan fɛ ble lɛ fɔɔ yé i nɔla é ziin tɛrɛ lé maa i kɛlɛ a nya bɛ, a nya; naa, i a vun nya, yé i dan nɔla lɛ vun nya é ziin.

Wepélisiananu 5:11

Énɔs lɛɛ faa a wuru ziɛn yɔ soru wɔlɛ soru, yé é ga.

Wepélisiananu 5:4

Sɛt yaale zuo, Adam vo é yuɛma lɛɛ wuru ziɛn, yé é négɔné valé nélomu yaa.

Wepélisiananu 5:6

Sɛt lɛɛ yɔ soru wɔlɛ soruzan nya, é Énɔs yaa.

Wepélisiananu 5:8

Sɛt lɛɛ faa a wuru ziɛn yɔ soru wɔlɛ vu ta fié, yé é ga.

2 Samuɛl 14:14

Ko faa é dan ga lɛ webozen nya, yé ko a bélé ’yi lé wa zana tɛrɛ va yé wo ’ka bɔa a siale lɛ é ziin lo, a zo. Bale ’ka mi lé tɛrɛla nyaan lo, yé éé we kɛla fɔɔ yé vɔfliizan ’é da a va é pa gi.

Minwiinzannu lé Wezuofe Sɛbɛ 1:1

Adam Sɛt yaa, yé ’bɛ Énɔs yaa,

JOB (Job) 30:23

Naa, maa a gi dɔɔ léé, i a gona an nya an gana, Fɛana lé é a lé mi yuɛmale faa é go, ana.

Lɛrɛvɔ Sɛbɛ 89:48

Fɛan zo lé anlé tɛrɛla ’ka mɔn‐o lo, Yé i blaminu faa kɛlɛ é pla, a sele ’é dɔ i gi ma.

Lɛrɛvɔ Sɛbɛ 90:10

Ko lɛɛnu éé kɛla lɛɛ yɔ yaa wɔlɛ vu, Yé dé mi kenu zé éé kɛla lɛɛ yɔ ziɛn, ’Bɛ éé kɛla nyanéblele valé blikyɛdɔle nya, Naa, woo giéan é kele, yé ko san sɔɔn.

Bale Lé We Gifezan 12:5

bléyi do é dan bɔ lɛ yé kɔntabinmunu ma é dan nyɔɔn lɛ, yé gɔné plɛplɛnu é dan plin lɛ, yé lomu é dan daan lɛ fɛ zɔnle ma, wolé plɛplɛ nyaa, azama; yé munu lé wo yɛrɛ ginian fɛnɛtinu ta, wo yuɛ gi gunu é dan dɔra lɛ;

Bale Lé We Gifezan 12:7

wo dan kana lɛ gɔsɛnénu giéle lee, yé tawole zi ta di é dan kini lɛ mi gi; mi nwana é dan bɔ lɛ bélé amandéyili vwi bile zo; gangan ma bɛn é dan dɔ lɛ, yé zian va bla ’ka zian kɛla néné é dɛrɛ lo; naa, blami a gona ’é gona, yé wuvɔmunu éé giéan zinu ta;

Bale Lé We Gifezan 9:5

Mi yuɛmalenu we do dɔɔ, yee lé ke léé, wo dan ga lɛ; naa, migalenu ’ka we do kpen dɔɔa lo; yé wo ban ’ka é dɛrɛ lo, wo sele saan munu gi, azama.

Bale Lé We Gifezan 9:8

’I sɔ fu zén i ta yifaama, ’i nyɔnɔ gié i nwun ma yifaama.

Ézékiɛl 18:4

Ka ye, mi boennu faa a anzé nya. Dé é a né nyaoo, dé é a né ti nyaoo, wo fiénu a anzé nya. Mi lé éé wenyané kɛla, yeebozen ɛ gaan.

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Ébrunu 9:27

Naa, Bale a fe léé, mi faa é gaan gɔnɔ do kpen, ’bɛ zuo yé é wolé we ble.