Wepélisiananu 5:29 - Kazambale lé Sebe Sauunu 1979

²⁹ É a tɔ pa Noé, yé é léma: Kolé wɔlɛi nyaale valé nyanama tɔntɔn lé ko paan tɛrɛ ’ko lé, Gakelebale bale pa a ma bɛ, a ta, né ’ko é dan ko tɔrɔ paa lɛ a ma.

Wepélisiananu 5:29 ပူးပေါင်းရင်းမြစ်များ

Wepélisiananu 5:28

Lémɛk lɛɛ yɔ sɔraziɛn wɔlɛ fiézan nya é négɔné do yaa.

Wepélisiananu 5:30

Noé yaale zuo, Lémɛk vo é yuɛma lɛɛ wuru fié yɔ sɔraziɛn wɔlɛ vu ta soru yé é négɔné valé nélomu yaa.

Wepélisiananu 7:23

Fɛ faa lé ke é yuɛma tɛrɛ la, wo faa ga tata, munu koo, winu koo, tawoplɛlawinu koo, mianénu koo, wo nya. Wo faa si tɛrɛ la tatata. Noé valé fɛnu faa lé wo ke a va ’yitagoro gi, wo saa ɛ vo.

Wepélisiananu 9:24

Dɔrɔ si aan wo Noé ta, we lé a be voélazan a kɛlɛ a lɛ, é a ’ma.

Ézai 54:9

Maa dan we ’ko kɛlɛ lɛ bélé ’yinu lé we zo Noé bléyi va; Maa anbo ’nyɔɔn léé, ’yinu ’ka dan nwɛɛn lɛ tɛrɛ la é dɛrɛ bélé Noé bléyi va ’yinu zo lo; ’Bɛ bɛ duo gi léé, anbo ’nyɔɔn léé, an bli ’ka dan fli lɛ i ma é dɛrɛ lo, Yé maa ’ka dan bon‐ɛn lɛ i nya é dɛrɛ lo.

Ézékiɛl 14:14

yé dé é kɛlɛ léé, Noé koo, Daniɛl koo, Job koo, wana wo méléna kɔɔn, ’té wo mi yaa ’ko saa ɛ dan si lɛ we gi wo kɛlɛwe tegele ma. A zo lé Mizan Gakelebale a fe.

Ézékiɛl 14:20

yé dé Noé koo, Daniɛl koo, Job koo, dé wo mi yaa ana wo méléna, wo ’ka dan ’wo benu valé ’wo lunu si lɛ we gi lo, naa, wo mi yaa saa ɛ dan si lɛ we gi wo kɛlɛwe tegele ma. Maa a é yuɛma. A zo lé Gakelebale a fe.

Matio 24:37

We lé é bɔ Noé bléyi va, yee duo ɛ dan bɔ lɛ maa blami Be dabléyi va.

WENÉNÉ LÉ LUK A GYE (Évangile selon Luc) 3:36

yé Sala a Kainam be nya, yé Kainam a Aafasad be nya, yé Aafasad a Sɛm be nya, yé Sɛm a Noé be nya, yé Noé a Lamɛk be nya,

Rom munu 8:20

Gun a Kazambale kɛlɛfɛnu faa ma, wobozen pai kaan lo, Kazambale lé blibɔmawe lé.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

1 Piɛri 3:20

Lélinu ’ko, wa é vinin tɔnégiplɛplɛzannu nya, bléyian va lé Kazambale é bli kɛlɛ tiéé munu ma, Noé lé ’yitagoro kɛlɛbléyi va. Mi sɛ lé ’yi wo béli, wa ’yitagoro gi mi sɔraa.

2 Piɛri 2:5

É ’ka munu vininnu vo lɛ lo, naa, duowo, bléyian va lé é lɛɛ da Bale lé zi ma wenyané fezannu faa ta bɛ, é we tegele fezan Noé béli, é valé mi sɔrafié nya.