Wepélisiananu 5:22 - Kazambale lé Sebe Sauunu 1979

²² Métuséla yaale zuo Énɔk tawo Bale va lɛɛ wuru do yɔ soru, yé é négɔné valé nélomu yaa.

Wepélisiananu 5:22 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 24:40

Yé é lé maa lɛ léé, Gakelebale lé ’é tawo a ’lɛ, é dan ’élé lanje do pa lɛ maa va, yé anlé tawowe é dan vɔ lɛ a ma, yé an le do si ’é be na nya ’é ti lé kɔn gi, ’é ti lé munu va.

Wepélisiananu 48:15

É Jozɛfu drɔɔ vo yé é léé: Bale lé, an tinu Abraam valé Izak tawo a yuɛ va, ’té é ke Bale lé é an pa an yaabléyi va fɔɔ kyɔ, a nya,

Wepélisiananu 5:21

Énɔk lɛɛ yɔ yaa wɔlɛ soruzan nya é Métuséla yaa.

Wepélisiananu 5:23

Énɔk lɛɛ faa a wuru do yɔ sɔraa wɔlɛ soru.

Wepélisiananu 5:24

Énɔk tawo Bale va, yé Bale a si, bɛwemalé wo ’ka a ye lɛ lo.

Wepélisiananu 6:9

Noé lé nénu lé ke ’ko: Noé a mi zin nya, é a mi tegele nya ézé bléyi va. Noé tawoo Kazambale va.

1 Minwiinzannu 2:4

yé we lé Gakelebale a fe an lɛ, yé a lɛ é sɔɔ. Gakelebale lé an lɛ léma: Dé i benu ’wo yuɛ pa ’wolé tawobɛ va, dé wo tawo an ’lɛ yarapalale koo, wo bli faa koo, wo léli faa koo, wo nya, i ’ka dan vuru lɛ i paizan nyanale ma Izraɛl lé webleblin ta monomono lo.

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

Lɛrɛvɔ Sɛbɛ 116:9

An dan tawo lɛ Gakelebale ’lɛ, Mi yuɛmalenu lé tɛrɛ la.

Lɛrɛvɔ Sɛbɛ 128:1

Gɔ gié lɛrɛ do lé. Munu faa lé woo kanaan Gakelebale lee, ’Té woo tawoo alé zinu ta, wozé a néné.

Lɛrɛvɔ Sɛbɛ 16:8

Bléyi faa ma Gakelebale a an yuɛ gi, Dé é a an bɛyila, an ’ka diaan lo.

Lɛrɛvɔ Sɛbɛ 26:11

Maa, maa tawoo tawobɛ lé gun ’ka a ma lo, a nya; I nyanai ’é zén an ta yé ’i an si munu lee.

Lɛrɛvɔ Sɛbɛ 56:13

Oo Bale, maa i kun dérean nya, é a lé maa a lɛ sɔɔ; Maa dan i bɔ vɔ lɛ.

Lɛrɛvɔ Sɛbɛ 86:11

Oo Gakelebale, ’ilé zinu tawe paa an gi; Maa dan tawo lɛ ilé yarapale we la yɛrama; ’I an kɛlɛ yuɛidozan nya yé an kana i tɔ ma.

Fwile 16:4

Gakelebale lé Moizi lɛ léé: Bé ye, maa dan kalé buru si lɛ la gi, ’té éé dan bélé lɛɛ zo. Munu é dan bɔra lɛ yé wo dan a sia lɛ yi do do ma, wo mawe a a gi fɛan zo, a zo, anlé wo gi danle we ma, yé dé wo dan tawo lɛ an dére taa? dé wo ’ka dan tawo lɛ a ta loo? yé maa ’bɛ gi dɔɔ.

Wegɔné Ma Lɛrɛ 1:4

’I an sia ana yé ’an go i zuo; ’ko vlanburu. Minwiinzan blɛn go an nya ’é yiana. Ko gi vo drɔɔ ékeva; yé ko gi nana é baba ilé we ma; Ko sɔle i lɛ tɔ éé bɔa é mini dɔrɔ ta. I sɔle ko lɛ yara lé.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

Lévinu 26:12

Maa dan tawo lɛ ka va, yé maa dan kɛlɛ lɛ kalé Bale nya, yé ka dan kɛlɛ lɛ anlé munu nya.

Amɔs 3:3

Dé mi fié bli ’ka do lo, woo tawoo ékeva kaa?

Misé 4:5

Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Malasi 2:6

Bélidɔwe bozen a a ’léé, yé mi ’ka weple do kpen yé a ’léé lo. É tawo maa va, we drɔɔ valé we tegele kɛlɛle nya, yé é mi kiɛre nɔla wenaané zuo.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 8:1

Amalé sin, we do kpen ’ka é dɔle Jézu Krist gimunu nwiin lo.

1 Korent munu 7:17

Naa, duowo, Mizan ka bɔra bɛan gi, é ka laa ’té ka dɔbɛ a fɛan zo bɛ, ka faa do do ’é vo yee bɛ duo gi ma. ’Ko zo lé maa léglizinu gimunu faa béli dɔ.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Éfez munu 5:15

Bɛwemalé, ’ka yuɛ pa ka giégane va; té ka tawo bélé ’tugyɛmunu zo lo; naa, ’ka tawo bélé wedɔɔmunu zo.

Bélidɔwesɛbɛ Fiézan 13:4

’Ka go Gakelebale, kalé Bale ɛ zuo, yé ’ka kana yee ɛ lee; ’ka a sɔnnénu pa, ’ka a dére lɛdɔma, ’ka a bɔ, yé ’ka buvɔ yee ɛ ma.

Bélidɔwesɛbɛ Fiézan 28:9

Ka dan kɛlɛ lɛ munu lé Gakelebale wo pa é yɛrama ézé nya, wo nya, ébo ’nyɔɔn ka lɛ fɛan zo, a zo, ’té dé ka Gakelebale kalé Bale lé bélidɔwenu lɛdɔma yé ka tawo alé tawobɛ faa gi.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 4:5

’Ka we kɛlɛ béeramunu vazia wedɔɔle nya; té ka bléyi do kpen sɛrɛ é pla lo.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.