Wepélisiananu 48:5 - Kazambale lé Sebe Sauunu 1979

⁵ Sin, i be fié lé bé yaa Éjipiti tɛrɛ la an dale i va ’lɛ, wo dan kɛlɛ lɛ anzé nya. Éfraim valé Manasé é dan kɛlɛ lɛ anzé nya bélé Rubɛn valé Siméɔn zo.

Wepélisiananu 48:5 ပူးပေါင်းရင်းမြစ်များ

Wepélisiananu 46:20

Jozɛfu benu lé é wo yaa Éjipiti tɛrɛ la, wo lé ke Manasé valé Éfraim nya. Onfla balebanzan Poti‐Féra lu Asinat wo yaa Jozɛfu lɛ.

Wepélisiananu 48:1

We ’konu zuo, wo da a fe lɛ Jozɛfu lɛ léé: Gyɛ a i ti ma. Yé yee valé é be fiénu go; Manasé valé Éfraim lé.

Wepélisiananu 48:6

Naa, i nénu lé i wo yaa wo zuo, ’bɛnu ’é vo izé nya. Wo dan wo laa lɛ ’wo bwenu tɔ nya wolé zara we gi.

Lɛrɛvɔ Sɛbɛ 77:16

I bɛ nya lé i ilé munu si munu lee, I Jakɔb valé Jozɛfu benu si munu lee. Ka ye do.

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Ézékiɛl 47:13

Mizan Gakelebale léma: Tɛrɛ lé ka dan a guli lɛ zarafɛ nya Izraɛl bɛn vu ta fié ma, a glɛnu lé ke ’ko. Jozɛfu zé é dan kɛlɛ lɛ fié.

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Malasi 3:17

Lai sunyanu lé Gakelebale léma: Yian nya lé maa anlé fɛnu ma’lɛrɛ, wo dan kɛlɛ lɛ anlé fɛwezannu nya. Maa dan wezin kɛlɛ lɛ wo lɛ, bélé mi éé wezin kɛla ’é lɛdɔmabe lɛ fɛan zo, a zo.

Mi Nɔnɔle 1:10

Jozɛfu benu zé lé ke ’ko: Éfraim gi mi: Amiud be Élisama; Manasé gi mi: Pédasuu be Gamliɛl.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Éfez munu 1:5

Kaa sɔle Bale lɛ lé we ma lé, é a fe é kyɛn léé, é dan kaa si lɛ ébozen lé nénu nya Jézu Krist lé we ma, léé, alé zin blɛɛn lé é a kɛlɛ kaa lɛ élé néwezan gi, yé munu a tɔ zin fe a we ma. We ’ko a Bale lé blibɔmawe nya yé é a gi nana, amalé é a kɛlɛ.

Ébrunu 11:21

Blipale nya lé bléyian va lé Jakɔb ke gana é Jozɛfu be fiénu drɔɔ vo do do yé é Kazambale bɔ, ’té é a é kunle élé tawomayili ma, ’té a puo a é dɔrale a ’léé.

Jozué 13:7

’i tɛrɛ ’ko guli bɛn sɔraziɛn valé Manasé bɛn lɛgɔnɔ do ma.

Jozué 14:4

Jozɛfu benu kɛlɛ bɛn fié nya, Manasé valé Éfraim lé; yé wo ’ka Lévinu zé nɔ lɛ ana tɛrɛ la lo, ’té dé é ’ka wo nyanalaflanu valé fla gini ma tɛrɛnu nya lo, wolé trubɛnu valé wolé fɛnu lé we ma.