Wepélisiananu 45:5 - Kazambale lé Sebe Sauunu 1979

⁵ Kazambale an pa zia ka ’lɛ, ka bélile we gi. Amalé sin, té we ’ko é ’na ka ma lo. Té ka bli fli kabo ma an danle yé wo da an nya ’ko we ma lo.

Wepélisiananu 45:5 ပူးပေါင်းရင်းမြစ်များ

Wepélisiananu 37:28

Yaawomunu lé wo si Madian tɛrɛ la, wa giéna aan wo Jozɛfu bwenu wo zuané gana yé wa si ’yiguru gi. Yé wa dan Ismaɛl munu lee gɔɔli fu sikla yɔ do va, yé ’bɛnu go a nya wo lee Éjipiti tɛrɛ la.

Wepélisiananu 47:25

Wo léé: I ko béli! ’Ko kɛlɛ mi zinnu nya kozan yuɛ gi ma, yé ko dan kɛlɛ lɛ Faraɔn lé luunu nya.

Wepélisiananu 50:19

Jozɛfu lé wo lɛ léé: Kana ’é si ka gi ma. Maa ɛ Bale pagi siéé?

Wepélisiananu 50:20

Ka ’wuo gi bɔrɔ léé, ka wenyané kɛlɛ an lɛ. Kazambale a nɔla wezin nya, we lé a lɛ sɔɔ kyɔ ’ko, a kɛlɛle we gi, yé migɔnɔ kiɛre vo é yuɛma.

Wepélisiananu 50:21

Té ka kana lo ma; maa dan ka pa lɛ, ka valé kalé nénu nya. Yé é wo tɔrɔ paa, we drɔɔ fele nya wo lɛ.

2 Samuɛl 12:12

Izé kɛlɛ kyeen gi; maa, an dan we ’ko kɛlɛ lɛ gɔrɔ la Izraɛl munu faa yuɛ va.

2 Samuɛl 17:14

Abusalɔm valé Izraɛl munu faa léé: Aaki mi Usai lé weplale fila vɔ é mini Asitofɛl zé ta. Naa, é a Gakelebale gi léé, ’é Asitofɛl lé weplale zima kɛla we pla nya, wenaané bɔle Abusalɔm ma we gi.

Esitɛɛ 4:14

Naa, dé i vo é tadɔle sin, Juifinu takuunle valé wo sile we gi éé sié fɛ bɛna yé bii valé i ti lé kɔngimunu é zamaga wo. Dé we ’ko lé we ma lé i kɛlɛ minwiin le nya bléyi ’ko vaa? De ɛ ’bɛ gi dɔɔ?

JOB (Job) 1:21

yé é léé: An bɔra an bu bɔn gi é porole; yé maa dan go lɛ tɛrɛ gi é porole. Gakelebale ɛ wo nɔ yé Gakelebale ɛ wo si. ’Wo Gakelebale tɔ drɔɔ vo ma.

WENÉNÉ LÉ LUK A GYE (Évangile selon Luc) 23:34

Jézu léé: An Ti, we lé wa kɛlɛna, wo ’ka a gi dɔɔa lo, amalé ’i wo ma we vo. Wo alé sɔnu guli ’wo ke ma ’munnu zunle nya.

2 Korɛnt Munu 2:11

té Satan é ko kele lo we ma. Naa, ko ’ka ko tanyila wenu lé é sɔ a lɛ léé, ’é a kɛlɛ, wo gi lo.

2 Korɛnt Munu 2:7

Sin, é a lé ka a ma we vo, yé ka bɔ a va, dé a bli kyɛ é da dɔ yé we ’ko a kele.

Filémɔn 1:15

Dé we ’ko kɛlɛ léé, Onésim si i va bléyi sɛ nya, ilé a yele é ziin we gi, yé ’é vo i va lɛɛfaamaa?

1 Samuɛl 1:19

Wo nwa bladi tutu yé wo dia wo bli la Gakelebale ’lɛ faa yé wo zi sia yé wo go wolé fla Rama. Elkana go é na Ane zuo kɔn gi yé Ane sele dɔ Gakelebale gi.