Wepélisiananu 41:8 - Kazambale lé Sebe Sauunu 1979

⁸ ’Bɛ é tu kini, Faraɔn gi kyɛ dɔ, yé yokɛlɛmunu faa valé wedɔɔmunu faa lé ke Éjipiti tɛrɛ la, é munu nwunvɔ wo laana. Wo da aan wo, é ’élé nyɛ zuo fe wo lɛ. Naa, wo va mi do kpen ’ka bɔ lɛ wo gi fele lɛ Faraɔn lɛ lo.

Wepélisiananu 41:8 ပူးပေါင်းရင်းမြစ်များ

Wepélisiananu 40:6

Jozɛfu da wo va bladi yé é wo nagini, ’té wo bli gi kyɛ a.

Wepélisiananu 40:8

Wo lé a lɛ léé: Ko nyɛ gyɛ yé a gifezan ’ka lo. Jozɛfu lé wo lɛ léé: We gifele ’ka Kazambale ɛ lee loo? Nyɛ lé ka a gyɛ, ’ka a zuo fe an lɛ.

Wepélisiananu 41:15

Faraɔn lé Jozɛfu lɛ léé: An nyɛ gyɛ. Mi do kpen ’ka bɔ lɛ a gi fele lɛ an lɛ lo, yé maa a ’ma léé, dé wo nyɛ zuo fe i lɛ, ’té i a a gi fena.

Wepélisiananu 41:24

’Sanɛnɛ founu wo ’sanɛnɛ zima sɔrafié mini. Maa a fe yokɛlɛmunu lɛ, naa, wo va mi do kpen ’ka a gi fe lɛ an lɛ lo.

Wepélisiananu 41:7

’Sanɛnɛ blɛn lé ke é kanle é kɔlɛ nya, ’sa founu ’ko wo mini. Yé Faraɔn vuo. Nyɛ lé é a gyɛ, yee lé ke bɛ.

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Fwile 7:11

Naa, Faraɔn wedɔɔmunu valé ’monédɔzannu laa; yé Éjipiti yokɛlɛzannu é ziin, wo ’wozé kɛlɛ ’bɛ zo wolé yo kɛlɛle nya.

Fwile 7:22

Naa, Éjipiti yokɛlɛzannu yee duo kɛlɛ wolé yo kɛlɛle nya. Faraɔn bli kɛlɛ plɛplɛ, yé é ’ka tɔné dɔ lɛ Moizi valé Arɔn lɛ lo, Gakelebale a fe fɛan zo, a zo.

Fwile 8:7

Bii koo, ilé kɔnnu koo, i wuozannu valé ilé munu koo, yolunu é dan si lɛ ka ma baa; wo dan vo lɛ yuu do kpen ɛ va.

Fwile 9:11

Manɔnnu lé we ma yokɛlɛzannu ’ka bɔa bɔrale lɛ Moizi va lo; naa, manɔn a yokɛlɛzannu ma bélé Éjipiti munu faa zé zo.

Ézai 19:3

Éjipiti munu léli fuu é dan si lɛ wo ta, we lé wa plaan ’wo ke lɛ, maa dan ’bɛ faa sɛrɛ lɛ. Wolé miyilinu koo, yokɛlɛzannu koo, miléli laazannu koo, tɛlɛ tɛlama wefezannu koo, wo dan we laa lɛ wo lee.

Ézai 29:14

Bɛwemalé maa dan munu ’ko bla lɛ é ziin we blɛnblɛnnu valé gyɛzorowenu kɛlɛle nya; wolé wedɔɔmunu lé wedɔɔle é dan nyaa lɛ, yé wolé ’wuoatazannu lé ’wuoatawe é dan san lɛ.

Ézai 8:19

Dé mi do lé ka lɛ léé: Kaa we laa miléli laamunu valé tɛlɛ tɛlama wefezannu lee, ’monédɔ ’furufɛnzannu valé gungyɛzannu lee, ’ka fe ’bɛzan lɛ léé: Mi ’ka we laan élé Bale lee loo? Woo mi yuɛmalenu lé we laan migalenu lee?

Daniɛl 1:20

We faa lé é a laa wo lee, ’té é a lé wa zi pa gikinile valé wedɔɔle yɛrama, wozé gié yokɛlɛmunu valé monénénu lé wedɔɔzannu lé wo ke alé tɛrɛ la fɛfaana, wozé wedɔɔle ta gɔnɔ vu.

Daniɛl 4:18

Maa, minwiinzan blɛn Nébukanɛsaa, we lé maa a ye nyɛ fla, yee lé ke bɛ. Bii Bɛlsatasaa, ’bé gi fe an lɛ. Naa, anlé tɛrɛla wedɔɔmunu faa ’ka bɔa a gi fele lɛ lo; bii, i bɔalɛ; bale sauunnu léli a i gi, azama.

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 4:5

An nyɛ do gyɛ yé é kana blɛn zén an gi. ’Wuogibɔrɔlenu lé wo da an ’wuo gi, ’té maa a é yiale koo, yuɛzi wenu lé maa wo ye koo, wo an zuru va nyɛ kini blɛn.

Daniɛl 4:6

Maa léé, é a lé wo Babilɔn wedɔɔmunu faa laa, ’wo da an ’lɛ ’ko, yé nyɛ lé maa a gyɛ, ’wa gi fe an lɛ.

Daniɛl 4:7

Yé yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo da. Maa nyɛo fe wo lɛ, yé wo ’ka a gi fe lɛ an lɛ lo.

Daniɛl 5:11

Mi do ana ilé tɛrɛ la ’ko, ’té bale sauunnu léli a a gi. I ti bléyi va, wa ye léé, a va a é kinile, yé a gi kini, yé wedɔɔle lé ke bélé balenu lé wedɔɔle zo, é a a gi. Yé i ti minwiinzan blɛn Nébukanɛsaa, i ti boen, é a dɔ yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo nwiinzan nya.

Daniɛl 7:28

Dérenu ’wuo dɔ ’ko. Maa Daniɛl, an ’wuogibɔrɔlenu gibɔrɔ blɛn pa an ma. An kɔlɛ fuola yé an dére ’konu tadɔ an bli gi.

Daniɛl 8:27

We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Lévinu 19:31

Té ka go miléli laamunu valé ’monédɔzannu va lo; te ka we laa wo lee lo, dé wo da ka tiri dɔ. Maa a Gakelebale, kalé Bale nya.

Lévinu 20:6

Dé mi do go miléli laamunu valé ’monédɔmunu va, yé é wo kɛlɛwe kɛlɛ, maa dan dɔ lɛ a ma yé maa dan a si lɛ élé munu va.

Abaku 3:16

Maa ’ma, yé an bɔn gi kɛlɛ wɛwɛwɛ. An dére ’ko ’ma tɔɔn, an lɔlunu nyɔɔn, An wɔlɛnu éé yaan an gi, Yé an powuonu vo tɔɔtɔɔ. É a lé an we tɔntɔn bɔyi lɛbɛn an ta nya é dɔle, Yian nya lé yaamitazan é dan nwa lɛ yé é go guli dan migɔnɔnu ma, a yi nya.

Matio 2:1

Wo Jézu yaa aan wo Bɛtléɛm, Judé tɛrɛ la, minwiinzan Érɔd bléyi va, yirinwanazia wedɔɔmunu da Jérusalɛm,

Kelewenu 17:18

Migivuruzannu palu fié lé wo wo laama épikuri valé sitoisi, wo va mi kenu kun wefele ma a lɛ. Yé wo va mi kenu léé: Boawefezan ’ko, é a mɛ we ɛ fenaa? Yé dé wo va mi bɛnu a ’ma léé, é a Jézu valé mi nwale gale va lé we ɛ fena, wo léé: É dɔ ko gi léé, é a bale bɛnu ɛ lé we fena.

Kelewenu 7:22

We lé Éjipitinu a dɔɔ, wa faa paa Moizi gi. É a plɛplɛ dérenu valé we kɛlɛlenu gi.

1 Korent munu 1:19

Naa, é a é gyɛle Kazambale lé sɛbɛ gi léé: Maa dan wedɔɔmunu lé wedɔɔle sɛrɛ lɛ tata, Yé maa dan gikinimunu lé gikinile kɛlɛ lɛ we pla nya.

1 Samuɛl 6:2

Yé Filisiti munu yobanzannu valé’monédɔmunu laa yé wo léé: Ko dan a kɛlɛ lɛ kaa Gakelebale lé kɛsu nyaa? É a lé ko kɛlɛ fɛan zo yé ko a pa zia alé fɛna, ’ka fe ko lɛ.