Wepélisiananu 41:30 - Kazambale lé Sebe Sauunu 1979

³⁰ Lɔrɔdɔlɛɛ sɔrafié é dan bɔ lɛ ’bɛnu zuo, yé fɛblele kiɛre lé é bɔra Éjipiti tɛrɛ la é vinin bɛ, munu gi é dan san lɛ ’bɛ ma, yé munu é dan zamaga wo lɛ lɔrɔ lee.

Wepélisiananu 41:30 ပူးပေါင်းရင်းမြစ်များ

Wepélisiananu 41:21

Wo wo mini aan wo, mi ’ka a yé léé, fɛ do kpen go wo plɛ gi lo; yé wa naané wo dɔbɛ gi duowo. Yé an vuo.

Wepélisiananu 41:27

Dirida kwééle naanénu sɔrafié lé, wo bɔra a vininzannu zuo, wa lɛɛ sɔrafié nya. ’Sa pia sɔrafié lé ke é fou nya, ’té yirinwana fu wo kyɛ ble, wo dan kɛlɛ lɛ lɔrɔdɔlɛɛ sɔrafié nya.

Wepélisiananu 41:31

Lɔrɔ ’ko lé é dan dɔ lɛ fɛ kiɛre zuo, é dan kɛlɛ lɛ plɛplɛ, yé mi ’ka dan a gi dɔɔ lɛ léé, é vinin fɛ a kiɛre tɛrɛ ’ko la lo.

Wepélisiananu 41:51

Jozɛfu élé né vininzan tɔ pa Manasé. Naa, é léé: Anlé nyanéblele koo, an ti lé kɔngimunu koo, Kazambale wo faa sele saan an gi.

Wepélisiananu 41:54

Yé lɔrɔdɔlɛɛ sɔrafié pélisia, Jozɛfu a fe fɛan zo, a zo. Lɔrɔ dɔ tɛrɛ faa la, naa, fɛblele ana Éjipiti tɛrɛ faa la.

Wepélisiananu 41:56

Lɔrɔ dɔ fɛfaana. Jozɛfu fɛblele kɔnnu lɛ so yé é ’sa dan Éjipiti munu lee. Yé lɔrɔ dɔle Éjipiti tɛrɛ la gi gyɛ.

Wepélisiananu 47:13

Lɔrɔ dɔle kɛlɛ plɛplɛ é baba, amalé fɛblele ’ka tɛrɛ do kpen ta é ziin lo. Éjipiti tɛrɛ la munu valé Kanaan tɛrɛ la munu kɛlɛ ’yiayiané lɔrɔ lé we ma.

2 Samuɛl 24:13

Gad go David va yé é we ’ko fe a lɛ yé é léé: Lɔrɔ ’é dɔ ilé tɛrɛ la lɛɛ sɔrafié laa, taa, i vlan buru moné yaa ’té i nyanézannu i zuo bin‐é laa, taa, migyɛgyɛ ’é da ilé tɛrɛ la yi yaa? Sin, ’izé si a va, yé wean maa dan a fe lɛ an nwunvɔzan lɛ, yé maa dɔɔ.

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

2 Minwiinzannu 8:1

Élizé lé lezan lé é a be nwa gale va, a lɛ léé: ’I nwa yé ’i go, bii valé ilé kɔngimunu koo, yé ’i nyana fɛana lé i bɔalɛ, ana; naa, Gakelebale lɔrɔ dɔ yé é dan vo lɛ tɛrɛ la fɔɔ lɛɛ sɔrafié.

Lɛrɛvɔ Sɛbɛ 105:16

Bale léé, lɔrɔ ’é dɔ tɛrɛ la, yé ’bɛ dɔ, Yé é wolé fɛblele nyaa wo lee.

Wegɔnévɔlenu 31:7

yé wa mini yé wo gi é san nyané lé é wo gyɛ, a we ma, yé wolé nyanéblele sele ’ka dɔa wo gi é dɛrɛ lo.

Ézai 65:16

Mi lé é sɔ a lɛ léé, ’é drɔɔ ’é vo tɛrɛ ’ko la, é dan sɔ lɛ a lɛ léé, Webozen Bale ɛ ’é drɔɔ vo; dé mian é dan bale ’nyɔɔn lɛ tɛrɛ ’ko la, é dan Webozen Bale ’nyɔɔn lɛ; naa, kle kyɛn lé ka ble bɛ, ka gi é dan san lɛ ’bɛ ma, ’té wo ta saan an yuɛ gi.

WENÉNÉ LÉ LUK A GYE (Évangile selon Luc) 4:25

Maa lé ka lɛ webozen nya léé, gyɛzaralomu kiɛre ana Izraɛl tɛrɛ la Éli bléyi va, ’té lɛɛ ’ka dan lo lɛɛ yaa moné suiɛdo, yé lɔrɔ blɛn dɔ ana tɛrɛ faa ta,

SEBE LÉ JAK A GYE (Épitre de Jacques) 5:17

Éli a blami nya bélé kaa zo. É bazoro é bli faa nya léé, té lɛɛ é da é dɛrɛ lo, yé lɛɛ yaa moné suiɛdo gi lɛɛ ’ka da lɛ tɛrɛ la lo.