Wepélisiananu 41:15 - Kazambale lé Sebe Sauunu 1979

¹⁵ Faraɔn lé Jozɛfu lɛ léé: An nyɛ gyɛ. Mi do kpen ’ka bɔ lɛ a gi fele lɛ an lɛ lo, yé maa a ’ma léé, dé wo nyɛ zuo fe i lɛ, ’té i a a gi fena.

Wepélisiananu 41:15 ပူးပေါင်းရင်းမြစ်များ

Wepélisiananu 40:8

Wo lé a lɛ léé: Ko nyɛ gyɛ yé a gifezan ’ka lo. Jozɛfu lé wo lɛ léé: We gifele ’ka Kazambale ɛ lee loo? Nyɛ lé ka a gyɛ, ’ka a zuo fe an lɛ.

Wepélisiananu 41:8

’Bɛ é tu kini, Faraɔn gi kyɛ dɔ, yé yokɛlɛmunu faa valé wedɔɔmunu faa lé ke Éjipiti tɛrɛ la, é munu nwunvɔ wo laana. Wo da aan wo, é ’élé nyɛ zuo fe wo lɛ. Naa, wo va mi do kpen ’ka bɔ lɛ wo gi fele lɛ Faraɔn lɛ lo.

2 Minwiinmunu lé Wezuofe Sɛbɛ 26:5

É Bale nagini é bli faa nya Zakari lé tɛrɛla bléyi va. Zakari Bale lee kanale paa a gi. Yé bléyian va lé é a Gakelebale naginina, Gakelebale alé we faa nyian wo.

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Daniɛl 2:3

Minwiinzan blɛn lé wo lɛ léé: An nyɛ do gyɛ yé é gibɔrɔ pa an ma. É sɔ an lɛ léé, maa nyɛ ’ko ’ma.

Daniɛl 4:18

Maa, minwiinzan blɛn Nébukanɛsaa, we lé maa a ye nyɛ fla, yee lé ke bɛ. Bii Bɛlsatasaa, ’bé gi fe an lɛ. Naa, anlé tɛrɛla wedɔɔmunu faa ’ka bɔa a gi fele lɛ lo; bii, i bɔalɛ; bale sauunnu léli a i gi, azama.

Daniɛl 4:9

Bɛlsatasaa, gyɛzorowekɛlɛzannu nwiinzan, maa a gi dɔɔ léé, i gi lé bale sauunnu léli ke; biian we yɔɔle do kpen gi fele ’ka i lee tɔntɔn lo, yuɛziwenu lé maa a ye nyɛ fla, ’bé gi fe an lɛ ma.

Daniɛl 5:12

Daniɛl lé, minwiinzan blɛn a tɔ pa Bɛlsatasaa, wa ye léé, wedɔɔle valé gikinile koo, nyɛ gi fele lé wedɔɔle koo, tɔraléé gyɛle koo, we tɔntɔnnu gi bɔile koo, wo léli bozen a a gi. É a lé wo Daniɛl laa, yé é dan a gi fe lɛ.

Daniɛl 5:14

Maa a ’ma i ma léé, balenu léli a i gi, yé i va a é kinile, yé i gi kini, yé wedɔɔle lé a glɛ ’ka lo, é a i gi.

Daniɛl 5:16

Maa a ’ma léé, i bɔalɛ léé, i wenu gi fe, yé i we tɔntɔnnu gi bɔié. Sin, dé i bɔa sɛbɛ ’ko tafele lɛ yé bé gi fe an lɛ, wo dan galunaa tɔvarɔ zén lɛ i ta; wo dan kyan vɔ lɛ i bɔrɔ ma; yé wo dan nyanana yaazan nɔ lɛ i lɛ plale mi nwiin gi.