Wepélisiananu 40:19 - Kazambale lé Sebe Sauunu 1979

¹⁹ Yi fié a yaazan nya Faraɔn é dan i ’wuo kini lɛ, yé é dan i dun lɛ yili la yé mianénu é dan i wi ble lɛ.

Wepélisiananu 40:19 ပူးပေါင်းရင်းမြစ်များ

Wepélisiananu 40:13

Yi fié a yaazan nya Faraɔn é dan i bɔra lɛ yé é dan i pla lɛ ilé nyanama ta i pai; i dan dɔrɔminikana nɔ lɛ Faraɔn lɛ é ziin, fɛan zo lé bé kɛla é vinin, ’té i a alé dɔrɔtabinzan nya, a zo.

Wepélisiananu 40:17

Wo ta loru kyɛɛné bɛ, buru nénénu gɔnɔ faa lé wa pane kuru gi Faraɔn zé nya, wa ’bɛ kyɛɛné gi; naa, mianénu da yé wa ble an nwiin kyɛɛné gi.

Wepélisiananu 40:18

Jozɛfu léé: A gi lé ke ’ko: kyɛɛné yaa a yi yaa nya.

Wepélisiananu 40:20

A yi yaazan nya é kɛlɛ Faraɔn yaayi nya yé é fɛti kɛlɛ é wuomunu faa lɛ; dɔrɔtabinzan segele koo, burukɛlɛzan segele koo, é wo bɔra bokɔn gi é wuomunu faa yuɛ va;

Wepélisiananu 40:22

naa, é burukɛlɛzan segele dun yili la, Jozɛfu alé nyɛ gi fe fɛan zo, a yɛrama.

Wepélisiananu 41:13

É a gi fe ko lɛ fɛan zo, a lɛ sɔɔ a zo. Faraɔn an pla anlé nyanama ta é ziin, yé é burukɛlɛzan segele dun.

2 Samuɛl 21:10

Aja lu Risipa bɔlɔ do si yé é a pla é wuo gɔlɛ ta, yé é vo migale ’konu tabinna. É sia fɛ gyɛle pélisia bléyi va fɔɔ yé lɛɛ da wo ta, é ’ka a nyi si lɛ léé, lai mianénu é bié wo sɔnɔ yiéyi lo, yé é ’ka a nyi si lɛ léé, bwigiwinu é bié wo sɔnɔ é béli lo.

2 Samuɛl 21:6

bɛwemalé ’ka a benu va mi sɔrafié nɔ ko lɛ yé ko dan wo dun lɛ, Saul lé ke Gakelebale lé mi vabole nya, alé fla Gibéa ta. Yé minwiinzan léé: Maa dan wo pa lɛ ka lee.

Wegɔnévɔlenu 30:17

Mi lé éé we nanaan é ti ma yé éé sɔn vɔa é bu lɛdɔle ma a ma, kanwéi é dan a yuɛ so lɛ a gi, yé gola lé nénu é dan a ble lɛ.

Ézékiɛl 39:4

I dan dia lɛ Izraɛl gɔ blɛnnu nwiin, bii valé ilé sunyanu palu faa valé munu lé wo ke i va, wo nya; yé maa dan i nɔ lɛ wi ble mianénu koo, sifɛnu koo, bwigiwinu koo, wo lɛ, wolé fɛblele nya.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Jozué 10:26

A zuo, Jozué wo gyɛ yé wo ga; é wo dun yili soru ma, yé wo vo é dunle yilinu ma fɔɔ nyanadi pa.

Jozué 8:29

É Ai nwiinzan dun yili ma yé wa vo fɔɔ yé nyanadi pa a ma. Dé yiri vɔ, Jozué léé, ’wa gale zun; yé wa vuli flagɔrɔ ’léé, yé wo gɔlɛ zun blɛn dɔ a ta, yé é vo ana fɔɔ kyɔ.

1 Samuɛl 17:44

é léé: ’I da an va, yé maa dan i wi nɔ lɛ lagi mianénu valé bwi gi winu lɛ.

1 Samuɛl 17:46

Kyɔ Gakelebale é dan i pa lɛ an lee, an dan i gyɛ lɛ yé an dan i ’wuo kini lɛ; kyɔ an dan Filisitinu galenu nɔ lɛ lagi mianénu valé tɛrɛlawinu lɛ. Yé tɛrɛ faa é dan a gi dɔɔ lɛ léé, Izraɛl lé Bale ana.