Wepélisiananu 4:4 - Kazambale lé Sebe Sauunu 1979

⁴ yé Abɛl é ziin, ’bɛ é ban élé trubɛ lé né vininnu valé wo nyɔnɔnu nya. Gakelebale Abɛl zé nyi si yé é ’bɛ ban‐ɛn ble;

Wepélisiananu 4:4 ပူးပေါင်းရင်းမြစ်များ

Wepélisiananu 15:17

Dé yiri vɔ, gunu dɔra tiritiri, yé bé ye, kyɛ blɛn bɔra ana é goi nya, yé winu lé Abram wo fee bo bɛ, kyɛnéné vo giéna wo méléna.

Wepélisiananu 4:3

Bléyi kenu gié, yé Kain go Gakelebale ban lɛ féifɛnu nya;

1 Minwiinzannu 18:24

’Bɛ zuo, ’ka kazé bale tɔ laa; yé maa dan Gakelebale tɔ laa lɛ. Balean é a zi pa kyɛ nya, yee ɛ dan kɛlɛ lɛ Bale nya. Yé munu faa léé: ’Bɛ a é zima.

1 Minwiinzannu 18:38

Yé Gakelebale lé kyɛ dia yé diriwi koo, kyɛ yilinu koo, gɔlɛnu koo, tɛrɛ koo, é wo ble, yé ’yi lé ke guru gi, é ’bɛ béli.

Minwiinzannu lé Wezuofe Sɛbɛ 21:26

David Gakelebale banna kɛlɛ ’bɛna, yé balebanwi lé wa kyɛ blé, é ’bɛ valé bɔvɔ sarakanu bo Gakelebale lɛ. É Gakelebale tɔ laa, yé Gakelebale a zi pa kyɛ nya, é si la gi yé é zun balebanna lé woo wi kyɛ blé a ta, a ta.

2 Minwiinmunu lé Wezuofe Sɛbɛ 7:1

Salomɔn nyaa aan wo bazorole nya, kyɛ si la gi yé balebanwi lé wa kyɛ blé, yee valé sarakanu, é wo kyɛ ble. Yé kɔn fan Gakelebale lé fuasan nya.

Lɛrɛvɔ Sɛbɛ 20:3

Bale lé é ke kɔn sauun gi, ’é bɔ i va ma; Bale lé é ke Siɔn, ’é kun i ma ma.

Fwile 13:12

ka dan né vininnu faa pa lɛ é yɛrama Gakelebale zé nya, dé é a kalé winu lé né vininnu nyaoo, gɔnénu a Gakelebale zé nya.

Wegɔnévɔlenu 3:9

’I Gakelebale bɔ i leefɛnu valé ilé féifɛ vininnu faa nya,

Bale Lé We Gifezan 4:4

Maa a ye léé, nyanama faa valé blabole faa a blami lé maawole nya é wo é bɔluzan ma. ’Bɛ a é ziin boawe valé fuzuobinwe nya.

Lévinu 9:24

Kyɛ si Gakelebale va yé é balebanwi valé winyɔnɔ ble balebanna ta. Munu faa ’bɛna ye; yé wo siaa ginanale nya, yé wo dia ’wo yara.

Mi Nɔnɔle 16:15

Moizi bli fli é baba, yé é lé Gakelebale lɛ léé: Dé wo i ban fɛan nya, té bé si lo. Maa ’ka fɛ do boen si lɛ wo lee lo, dé é a sokofale do nyaoo, maa ’ka a do kpen si lɛ wo lee lo, yé an ’ka wenaané kɛlɛ lɛ wo va mi do lɛ lo, azama.

Mi Nɔnɔle 16:35

Yé kyɛ do si Gakelebale va, yé mi wuru do yɔ fié wɔlɛ vu lé woo Bale baan lasikɔrɔ nya, é wo ble.

Mi Nɔnɔle 18:12

Féifɛ vininzannu lé woo maa, Gakelebale baan wo nya, maa wo nɔ i lɛ, woo valé nyɔnɔ zin baba faa koo, dɔrɔ dɛrɛ zin baba faa koo, buruwɔlɛ zin baba faa koo, woo lé.

Mi Nɔnɔle 18:17

Naa, dé é a diriné vininzan nyaoo, dé é a ’blané vininzan nyaoo, dé é a boliné vininzan nyaoo, té ’wo wo tabo lo. ’I wo nyɛ zana balebanna ta, yé ’i wo nyɔnɔ kyɛ ble; é a saraka lé wa kyɛ blé, ’té Gakelebale a gin sié néné, a nya.

Ébrunu 11:4

Blipale nya lé saraka lé a zima mini Kain zé ta, Abɛl a bo Kazambale lɛ. Bɛwemalé wa ma we fe léé, é a mi tegele nya, yé é ziin Kazambale é ban‐ɛn ble; alé blipale lé we ma lé, Abɛl gaoo, ’té éé we fé duowo.

Ébrunu 9:22

Weboen lé, dé é a bélidɔwe nya, é vo sɛ yé fɛnu faa gi é bɔ nyɛ nya, yé dé nyɛ zanale ’ka lo ’té mi ma we vole ’ka lo.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Weblezannu 6:21

Yé é a kɛlɛ a zo. Tawomayili lé ke Gakelebale lé lanje lee, é a soi, yé é a ’léé zun wi valé burunu lé lévɛn ’ka a va lo, wo ma. Yé kyɛ bɔra gɔlɛ gi yé wi valé buru lé lévɛn ’ka a va lo, é wo ble. Yé Gakelebale lé lanje ta san a yuɛ va.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.