Wepélisiananu 4:14 - Kazambale lé Sebe Sauunu 1979

¹⁴ Bé gini do; i an bin kyɔ tɛrɛ ’ko la; yé é a lé an yɔɔ i lee baa. Maa dan kɛlɛ lɛ nɔɔzan valé yɔɔzan nya yé dé mian é maa ye é dan maa gyɛ lɛ.

Wepélisiananu 4:14 ပူးပေါင်းရင်းမြစ်များ

Wepélisiananu 3:24

’Bɛ zo lé é Adam bin; yé lanjenu lé wa laama sérubɛnnu, é wo dɔ Édɛn féi yirinwanazia, yé gwɔunnu lé kyɛ ke wo ’léé, é a ’bɛnu lee, ’té ’bɛnu a giéan, mibéliyili lé zi tabinle we ma.

Wepélisiananu 4:13

Kain lé Gakelebale lɛ léé: Ban lé bé dɔ an nwiin é a blɛn an ma.

2 Samuɛl 14:7

Yé bé ye, ko gɔnɔlamunu faa nwa i wuo le ma, a fele nya léé: Mi lé é é bwe gyɛ, bé pa ko lee! Ko a a va léé, ko a gyɛ, a bwe lé é a gyɛ, a lɛgi nya; dé é a zarablezan nyaoo, ko gya. ’Bɛ zo léé, kyɛpéli lé é vo an lee wo dan a diri lɛ, yé wo ’ka an zana tɔ valé a paizan voo tɛrɛ la lo.

Lɛrɛvɔ Sɛbɛ 109:10

Alé nénu ’é kɛlɛ giézan planu nya, yé ’wo kɛlɛ doropazannu nya ma. Wo ’wolé fɛblele gini wolé kɔn ma baa ma.

Lɛrɛvɔ Sɛbɛ 109:12

Té é sɔ mi do kpen lɛ é ziin lo, Té mi do kpen nyanai é zén a galanénu ta lo.

Lɛrɛvɔ Sɛbɛ 143:7

Gakelebaleoo, Bale, ’i anlé welaale nyi si é kele. An lɛbole bɔ é pu. Té i yara yɔɔ an ma lo, Dé an da kɛlɛ bélé munu lé woo goo guru gi, wo zo.

Wegɔnévɔlenu 14:32

Wenyanékɛlɛzan guru éé zanaan a gi alé wenyané pli zi, naa, dé mi tegele gaoo, éé yɔɔna yé.

Wegɔnévɔlenu 28:1

Dé mi do kpen ’ka mi naané zuo bina looo, ’té éé vlan buruwo, naa, mi tegele éé bli ta dɔa plɛplɛ bélé golizra boroné zo.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Jérémi 52:3

Gakelebale bli fli Jérusalɛm valé Juda ma, yé é a a va léé, ’é wo si é yuɛ gi, amalé we ’ko kɛlɛ. Yé Sédésias nwa Babilɔn minwiinzan blɛn ma.

OZÉ (Osée) 13:3

Wo dan kɛlɛ lɛ bélé bladi lati zo, bélé fli lé éé bélié, a zo, bélé ’sapun lé fu a sié ’sa sunwona, a zo, bélé kyɛgoi lé éé bɔraan fɛnɛti ta, a zo.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Lévinu 26:36

Ka va munu lé wo vo é yuɛma ’wo nyanézannu lé tɛrɛ la, maa dan wo zuru va nyɛ kini lɛ; yililaa vun lé é ke wena bɛ, a lee lé wo dan vlan buru lɛ; wo dan vlan buru lɛ bélé fɛan zo lé mi éé vlan buruwo gwɔun ’lɛ, a zo, ’té woo goo diale nya, dɔlé ’té mi do kpen ’ka wo zuo lo.

Mi Nɔnɔle 35:19

Mi nyɛ lɛipazannu ’é migyɛzan gyɛ; dé wo kee a nya yian ma, ’é a gyɛ ma.

Mi Nɔnɔle 35:21

dé ’bɛ kaan lo, dé é fɛ duun a lɛ a nyané nya ’é gi yé é ga, ’té migyɛzan lé; mi nyɛ lɛipazan a gyɛ ’é ga ma; dé wo kee a nya yian ma, ’é a gyɛ ma.

Mi Nɔnɔle 35:27

yé wo kee nyɛ lɛgipazan nya, ’té é a yɔɔlafla gini ma, yé ’bɛ a gyɛ, ’té migyɛwe ’ka ’bɛ nwiin lo.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 25:46

Yé munu ’ko, wo dan go lɛ kle lé é ’ka nyaan lo, a ble lɛ, naa, mi tegelenu é dan go lɛ vole é yuɛma lé é ’ka nyaan lo, a ye lɛ.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.

Bélidɔwesɛbɛ Fiézan 28:65

Ka ’ka dan vo lɛ drɔɔ bɛn ’konu méléna lo, yé ka ’ka dan ka gane dɔrana ye lɛ lo. Gakelebale ’ka dan ka bli vo lɛ drɔɔ lo, yé é dan ka yuɛi zun lɛ yé é dan gibɔrɔ pa lɛ ka ma.

2 Tɛsalɔnik munu 1:9

Kazambale é dan wo si lɛ Mizan valé élé plɛplɛ lé fuasan ma baa, yé é dan we lɛdɔ lɛ wo gi wo sɛrɛle tata nya.