Wepélisiananu 39:9 - Kazambale lé Sebe Sauunu 1979

⁹ Yeebozen ’ka blɛn yé é mini maa ta kɔn ’ko gi lo; yé é ’ka fɛ do kpen yi ga lɛ an lee lo, ’té dé é ’ka bii do nya lo; bii a a na nya, azama. An kɛla kaa yé an ’bɛ zo wenaané blɛn kɛlɛ yé an wenyané kɛlɛ Kazambale maa?

Wepélisiananu 39:9 ပူးပေါင်းရင်းမြစ်များ

Wepélisiananu 13:13

Sɔdɔm munu a nyané, yé woo wenyané blɛnblɛn kɛla Gakelebale ma.

Wepélisiananu 20:3

Kazambale da Abimélɛk va nyɛ fla é béli yé é lé a lɛ léé: Lezan lé bé si bɛ, i dan ga lɛ alé we ma, naa, a zana a.

Wepélisiananu 20:6

Kazambale lé a lɛ nyɛ fla léé: Maa a gi dɔɔ léé, i we ’ko kɛlɛ i bli gi fu nya. Maa é ziin, maa ilé wenyané kɛlɛle an ma yi ga. Bɛwemalé maa ’ka zi nɔ lɛ i lɛ léé, i bɛ mane a ma lo.

Wepélisiananu 20:9

Abimélɛk Abraam laa é ziin yé é lé a lɛ léé: Mɛ we lé bé kɛlɛ ko lɛ koo? Mɛ we lé maa kɛlɛ i lɛ yé é ’na i ma yé i maa valé anlé munu vɔ ’bɛ zo wenyané blɛn gii? We lé bé kɛlɛ an lɛ bɛ, mi ’ka a kɛla lo.

Wepélisiananu 24:2

Yé Abraam we fe é leezan do lé, é mɔn a va alé kɔn gi é mini é bɔlunu faa ta, ’té alé fɛnu faa bɛ ke é pale a lee bɛ, a lɛ, yé Abraam lé a lɛ léé: Ilé zanté, ’i bɛlaa wɔra an boro wuo;

Wepélisiananu 39:10

É vo a fena Jozɛfu lɛ yifaama, naa, ’bɛ ’ka yigyɛle a va nyi si lɛ duowo lo. Yé é ’ka a nyi si lɛ lee, é vo lezan sɔnɔ lo.

Wepélisiananu 41:40

Maa i dɔ kyɔ anlé kɔngimunu nwiin, yé anlé munu faa é dan i lɛdɔ lɛ a ma wenu faa lé bé fé wo lɛ, a ma. Maa ɛ ke minwiinzan blɛn nya; dé maa kaan lo, mi bɛ ’ka mini lɛ i lɛ lo.

Wepélisiananu 42:18

A yi yaazan nya, Jozɛfu lé wo lɛ léé: An kanaan Bale lee. ’Ka kɛlɛ ’ko zo yé ka vo é yuɛma.

2 Samuɛl 11:27

A zana gyɛbole nyaa aan wo, David mi pa zia léé, ’wo da a nya ’é va yé ’é da a nya kɔn gi. É a si é na nya yé é négɔné yaa a lɛ. We lé David a kɛlɛ, é ’ka sɔ lɛ Gakelebale lɛ lo.

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

Néémi 5:15

Munu lé wo wo dɔ gbɔrɔnamanu nya an ’lɛ é vinin, wo pla munu nwiin plɛplɛ; woo buru valé dɔrɔ sié wo lee; ’bɛ ta loru, woo gɔɔlifu sikla yɔ fié sié wo lee; wo wuozannu é ziin, wo yaa munu ta. An kanaan Bale lee, amalé an ’ka anzé kɛlɛ lɛ ’bɛ zo lo.

Néémi 6:11

Maa a zi pa léé: Maa? Maa yɔɔma? Yé é ziin, mi pla bélé maa zo, é bɔa wɔrale lɛ Bale lé fɛna tinle na yé é vo é yuɛmaa? Maa ’ka dan wɔra lɛ ’bɛna pelo.

JOB (Job) 31:23

Naa, Kazambale lé we lɛdɔle mi gi éé di kinié an gi, Yé a blɛɛn lé we ma, an ’ka bɔa we do lɛ lo.

Lɛrɛvɔ Sɛbɛ 51:4

’I an zuru tata yé ’i anlé weple si an ma, ’I anlé wenyané si yé ’i an gi bɔ.

Fwile 20:14

Té i le bɛ gini lo, té i gɔné bɛ gini lo.

Wegɔnévɔlenu 6:29

A zo duo lé éé kɛla mi lé é go é bɔluzan na vazia, a lɛ; mian é bɛ mane a ma, é ’ka dan vo lɛ é pla lo.

Wegɔnévɔlenu 6:32

Naa, mi lé é mi bɛ na ginian, a ’wuo a é sɛrɛle; mi lé éé we kɛla ’bɛ zo, yee ɛ ébo saan;

Bale Lé We Gifezan 7:26

Yé le lé a bli ke mikunsan valé séli nya, ’té a bɛnu a miyerebale nya, maa a ye léé, a nyanale mini ga lɛ; mi lé éé sɔa Kazambale lɛ, ’bɛzan éé soo a lee, naa, éé wenyanékɛlɛzan kunwo.

Jérémi 28:16

Amalé Gakelebale léma: Bé ye, maa i sié tɛrɛ ’ko la. I dan ga lɛ lɛɛ ’ko gi. Naa, i dérenu a nwa Bale ma dérenu nya.

Jérémi 50:7

Munu faa lé ’bɛnu éé bɔa wo ma, ’bɛnu éé wo blé, yé wo nyanézannu léma: Ko nwiinwe kaan lo; Gakelebale lé é ke we tegele punsina nya, wo wenyané kɛlɛ a ma. Gakelebale lé wo tranu bli ke a lɛ, wo wenyané kɛlɛ a ma, azama.

Lévinu 20:10

Dé mi do wenyané kɛlɛ gɔné na va, dé é wenyané kɛlɛ é bɔlu do na va, ’wo we lɛdɔ gɔnézan valé gɔné gini le gi ga nya.

Lévinu 6:2

’I Arɔn valé é benu béli dɔ ’ko zo, yé bé fe wo lɛ léma: Balebanwi lé wa kyɛ blé, alé bélidɔwe a ’ko zo: Balebanwi lé wa kyɛ blé, é dan vo lɛ balebanna ta é béli fɔɔ yé tu é kini a ma, ’té kyɛ a blé balebanna ta.

Mi Nɔnɔle 32:23

Naa, dé ka ’ka a kɛlɛ lɛ lo, ka wenyané kɛlɛ Gakelebale ma, yé ka we ’ko dɔɔ ma: kalé wenyané é dan ka kun lɛ.

WENÉNÉ LÉ LUK A GYE (Évangile selon Luc) 12:48

Naa, mi lé é ’ka a gi dɔɔa lo, yé wenu lé é a lé wa bla a ma, yé é wo kɛlɛ bɛ, wo dan a bla lɛ sɛ. Mi lé wo fɛ nɔ a lɛ kiɛre, a lee lé wo dan fɛ kiɛre laa lɛ, yé wo dan a taa laa lɛ, mi lé wo fɛ kiɛre bɛ pa a lee, ’bɛzan lee.

1 Korent munu 4:2

We lé é sɔ mi lɛ léé, é bɛgizan a kɛlɛ, yee lé ke léé, ’é yara pa we la.

Tite 2:10

té wo fɛ do kpen kyeenwo lo; naa, ’wo yara pa we la tegele yifaama, yé munu é kaa Siéwegizan Bale lé wepaale ze vɔ.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

1 Jan 3:9

Dé miomian é ke Kazambale lé né nya, Kazambale bli a ’bɛzan gi, amalé ’bɛzan ’ka wenyané kɛla lo. É a Kazambale lé né nya, ’bɛzamalé é ’ka bɔa wenyané kɛlɛle lɛ lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.