Wepélisiananu 39:3 - Kazambale lé Sebe Sauunu 1979

³ Azan a ye léé, Gakelebale a a va. Yé we faa lé éé a kɛla, Gakelebale a va gya é zima.

Wepélisiananu 39:3 ပူးပေါင်းရင်းမြစ်များ

Wepélisiananu 21:20

Kazambale a né va, yé é tin yé é nyana bwi gi yé é kɛlɛ sadunzan nya.

Wepélisiananu 21:22

’Bɛ bléyi va Abimélɛk élé sunyanu nwiinzan Pikɔl pa é va yé é go yé é lé Abraam lɛ léé: Kazambale a i va ilé we faa kɛlɛle gi.

Wepélisiananu 21:23

’I bale ’nyɔɔn an lɛ sin fɛkona léé, maa koo, anlé nénu koo, an nénénu koo, i ’ka dan dabli kɛlɛ lɛ ko do kpen lɛ lo, naa, maa wezin kɛlɛ i lɛ fɛan zo, i dan wezin kɛlɛ lɛ maa valé tɛrɛ lé i nyana a ta bɛn nya bɛ, ko lɛ, a zo.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 26:28

Wo léé: Ko a ye léé, Gakelebale a i va. Bɛwemalé ko léé, kaa bale ’nyɔɔn kaa ke lɛ, yé kaa gi é vo ékeva do.

Wepélisiananu 30:27

Laban lé a lɛ léé: ’I an ye mi zin nya ma. Maa a ye é zima léé, Gakelebale an drɔɔ vo ilé we ma.

Wepélisiananu 30:30

Fɛ kiéné ɛ ke i lee an dale ’lɛ, é fan, yé Gakelebale i drɔɔ vo an dale zuo. Sin, maa anbo zé nyanama paan mɛ yi laa?

Wepélisiananu 39:2

Gakelebale a Jozɛfu va yé a bɛ ma kɛlɛ néné. Éé nyanaan ézan Éjipiti mi lé kɔn gi.

Wepélisiananu 39:21

Gakelebale a Jozɛfu va yé é wezin kɛlɛ a lɛ. É a kɛlɛ mi zin nya bokɔngimunu nwiinzan yuɛ gi.

Wepélisiananu 39:23

Gakelebale a Jozɛfu va, amalé fɛnu lé ke Jozɛfu lee, bokɔngimunu nwiinzan ’ka é ’wuo gi bɔrɔan ’bɛ ma monomono lo. Yé we faa lé Jozɛfu a kɛla, Gakelebale a vɔa a ma.

2 Minwiinzannu 18:7

Yé Gakelebale kɛlɛ Ézékia va, yé we faa lé é a pélisia, é a ’wuo pla. É nwa Asiri nwiinzan blɛn ma, yé é ’ka pla lɛ a wuo é dɛrɛ lo.

Minwiinzannu lé Wezuofe Sɛbɛ 22:13

Bélidɔwe valé é sɔnnénu lé Gakelebale a fe Moizi lɛ Izraɛlnu zé nya, dé i wo tawe kɛlɛ é zima, ilé we va é dan gyɛ lɛ é zima. ’I dɔ gligli, ’i bli ta dɔ plɛplɛ, té i kana lo, té di é kini i gi lo ma.

Minwiinzannu lé Wezuofe Sɛbɛ 9:20

yé Éléazaa be Finé a wo zilɛzan nya, yé Gakelebale a a va.

2 Minwiinmunu lé Wezuofe Sɛbɛ 1:1

David be Salomɔn pla munu nwiin gligli; Gakelebale, alé Bale a a va, yé é Salomɔn lé plɛplɛ gi gyɛ é baba.

2 Minwiinmunu lé Wezuofe Sɛbɛ 26:5

É Bale nagini é bli faa nya Zakari lé tɛrɛla bléyi va. Zakari Bale lee kanale paa a gi. Yé bléyian va lé é a Gakelebale naginina, Gakelebale alé we faa nyian wo.

Néémi 2:20

Yé maa zi pa wo lɛ léé: Lanu gi Bale é dan we ’ko va gyɛ lɛ ko lɛ. Ko, a wuozannu, ko dan nwa lɛ yé ko dan a dɔ lɛ, naa, ’kaa, ka dɔna kaan lo, yé kazé ’ka a gi lo; yé ka tɔ ’ka Jérusalɛm va lo.

Lɛrɛvɔ Sɛbɛ 1:3

É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

Zakari 8:23

Lai sunyanu lé Gakelebale léma: ’Bɛ yinu nya, tɛrɛ faa la dére do do vɔ bɛnnu va mi vu é dan kun lɛ Juifi mi do lé sɔ lɔlu ma yé wo dan a fe lɛ a lɛ léé: Ko dan go lɛ i zuo, naa, ko ’ma léé, Bale a ka va.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

1 Korent munu 16:2

Dimansi nya ka faa do do kalé gɔɔli ke pa é yɛrama kalé kɔn gi kalé fɛyebɛ yɛrama. Té wo an dale lɛbɛn a nɔle we ma lo.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Wegɔɔnle 3:9

Bé ye, Satan lé zén‐ékevamunu lé woo viéwoo léé, ’wa Juifinu nya, dɔlé ’té wo ’ka a nya lo, maa dan wo va mi kenu nɔ lɛ i lɛ; bé ye, maa dan da lɛ wo nya, yé wo dan ’wo ’wuo wɔra lɛ i gane wuo, yé wo dan a gi dɔɔ lɛ léé, i sɔ an lɛ.

1 Samuɛl 18:14

Dé é weowean péli sia éé a kɛlɛle lɛ sɔɔan, yé Gakelebale a a va.

1 Samuɛl 18:28

Saul a ye, yé é a ’ma léé, Gakelebale a David va; yé David sɔ a lu Mikal lɛ.

1 Samuɛl 3:19

Samuɛl tin. Gakelebale a a va yé ’bɛ dére do kpen ’ka vo lɛ a yuɛ zuo lo.