Wepélisiananu 39:2 - Kazambale lé Sebe Sauunu 1979

² Gakelebale a Jozɛfu va yé a bɛ ma kɛlɛ néné. Éé nyanaan ézan Éjipiti mi lé kɔn gi.

Wepélisiananu 39:2 ပူးပေါင်းရင်းမြစ်များ

Wepélisiananu 21:20

Kazambale a né va, yé é tin yé é nyana bwi gi yé é kɛlɛ sadunzan nya.

Wepélisiananu 21:22

’Bɛ bléyi va Abimélɛk élé sunyanu nwiinzan Pikɔl pa é va yé é go yé é lé Abraam lɛ léé: Kazambale a i va ilé we faa kɛlɛle gi.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 26:28

Wo léé: Ko a ye léé, Gakelebale a i va. Bɛwemalé ko léé, kaa bale ’nyɔɔn kaa ke lɛ, yé kaa gi é vo ékeva do.

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

Wepélisiananu 39:23

Gakelebale a Jozɛfu va, amalé fɛnu lé ke Jozɛfu lee, bokɔngimunu nwiinzan ’ka é ’wuo gi bɔrɔan ’bɛ ma monomono lo. Yé we faa lé Jozɛfu a kɛla, Gakelebale a vɔa a ma.

Wepélisiananu 39:3

Azan a ye léé, Gakelebale a a va. Yé we faa lé éé a kɛla, Gakelebale a va gya é zima.

2 Minwiinzannu 18:7

Yé Gakelebale kɛlɛ Ézékia va, yé we faa lé é a pélisia, é a ’wuo pla. É nwa Asiri nwiinzan blɛn ma, yé é ’ka pla lɛ a wuo é dɛrɛ lo.

Minwiinzannu lé Wezuofe Sɛbɛ 9:20

yé Éléazaa be Finé a wo zilɛzan nya, yé Gakelebale a a va.

2 Minwiinmunu lé Wezuofe Sɛbɛ 1:1

David be Salomɔn pla munu nwiin gligli; Gakelebale, alé Bale a a va, yé é Salomɔn lé plɛplɛ gi gyɛ é baba.

Lɛrɛvɔ Sɛbɛ 1:3

É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Jérémi 15:20

Maa dan i kɛlɛ lɛ munu ’ko va bélé kɔnguru plɛplɛ lé wa dɔ zéné nya, a zo; wo dan guli dan lɛ i va, naa, wo ’ka dan i kele lɛ lo; naa, an dan kɛlɛ lɛ i va, i bélile valé i sile we gi we ma. Maa dan i si lɛ mi nyanénu lee, maa dan i si lɛ glawe kɛlɛzannu lee. Maa, Gakelebale ɛ ke a fena.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Kelewenu 8:31

’Bɛ lé a lɛ léé: Dé mi ’ka a gi fe lɛ an lɛ lo, an bɔa a gi ’male lɛ kaa? Yé é lé Filip lɛ léé: ’I vɔ goro gi yé ’i nyana an va.

1 Timoté 6:1

Munu faa lé wo ke luubale gi, é a lé ’wo ’wozannu ye munu lé woo wo lɛdɔama, wo nya, té munu é Kazambale tɔ valé alé wepaale sɛrɛ lo we ma.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Jozué 6:27

Gakelebale a Jozué va, yé a tɔ kɛlɛle blɛn nwɛɛn ana tɛrɛ faa ta.

1 Samuɛl 16:18

A wuomunu va mi do léé: Bé ye, maa Bɛtléɛm mi Izai be do ye, yé é kɔnɔ gyɛle dɔɔ; é a mi plɛplɛ nya é ziin, nyanazan nya, gulidanzan nya, éé we fé é zima yé a yara a nɔnɔmi yé Gakelebale a a va.

1 Samuɛl 18:14

Dé é weowean péli sia éé a kɛlɛle lɛ sɔɔan, yé Gakelebale a a va.

1 Samuɛl 18:28

Saul a ye, yé é a ’ma léé, Gakelebale a David va; yé David sɔ a lu Mikal lɛ.

1 Samuɛl 3:19

Samuɛl tin. Gakelebale a a va yé ’bɛ dére do kpen ’ka vo lɛ a yuɛ zuo lo.