Wepélisiananu 38:24 - Kazambale lé Sebe Sauunu 1979

²⁴ ’Bɛ zuo moné yaa, wo da a fe lɛ Juda lɛ léé: I be na Tamaa kɛlɛ bɔrɔdɛ nya, yé é bɔn si élé bɔrɔdɛ kɛlɛle zi. Yé Juda léé: ’Wa bɔra yé ’wa kyɛ ble.

Wepélisiananu 38:24 ပူးပေါင်းရင်းမြစ်များ

Wepélisiananu 20:3

Kazambale da Abimélɛk va nyɛ fla é béli yé é lé a lɛ léé: Lezan lé bé si bɛ, i dan ga lɛ alé we ma, naa, a zana a.

Wepélisiananu 20:7

Sin, ’i lezan nɔ gɔnézan ’ko lɛ é pai; naa, é a balelayezan nya yé é dan bazoro lɛ i tɔ ma yé i dan béli lɛ. Naa, ’i we ’ko gi dɔɔ ma: dé i ’ka a nɔ lɛ lo, i dan ga lɛ, bii valé ilé munu faa nya.

Wepélisiananu 20:9

Abimélɛk Abraam laa é ziin yé é lé a lɛ léé: Mɛ we lé bé kɛlɛ ko lɛ koo? Mɛ we lé maa kɛlɛ i lɛ yé é ’na i ma yé i maa valé anlé munu vɔ ’bɛ zo wenyané blɛn gii? We lé bé kɛlɛ an lɛ bɛ, mi ’ka a kɛla lo.

Wepélisiananu 34:31

Wo lé a lɛ léé: ’Wo ko buru kɛlɛ bélé bɔrɔdɛ zoo?

Wepélisiananu 38:23

Juda léé: Fɛ lé ke a lee, ’é vo a lee ma. Té ko kobo gyɛ yara nya lo. Maa boliné pa yee lezan lɛ zia, yé i ’ka a ye lɛ lo.

2 Samuɛl 12:5

David bli fli é baba gɔné ’ko ma yé é lé Natan lɛ léé: Gakelebale a é yuɛma! Mi lé é we ’ko kɛlɛ, a yara lé ’é ga.

2 Samuɛl 12:7

Yé Natan lé David lɛ léé: Bii ɛ ke yee mi ’ko nya. Gakelebale, Izraɛl lé Bale léma: Maa nyɔnɔ zén i nwiin i kɛlɛle Izraɛl nwiinzan blɛn nya we ma, yé maa i si Saul lee.

Bale Lé We Gifezan 7:26

Yé le lé a bli ke mikunsan valé séli nya, ’té a bɛnu a miyerebale nya, maa a ye léé, a nyanale mini ga lɛ; mi lé éé sɔa Kazambale lɛ, ’bɛzan éé soo a lee, naa, éé wenyanékɛlɛzan kunwo.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Jérémi 3:6

Minwiinzan blɛn Jozias bléyi va Gakelebale lé an lɛ léé: Izraɛlnu ’ka plaan an wuo lo. I a yé loo? Wo go gɔ torole faa nwiin, yé wo go yili drɔɔdrɔɔnu faa wuo, yé ’bɛna lé wo go bale bɛnu zuo bélé gɔnégini le zo.

Jérémi 3:8

Izraɛl lé é ’ka vo an wuo lo, maa a bɔra élé gɔnéginile faa lé we ma, yé maa a bɔrasɛbɛ nɔ a lɛ. Naa, duowo, maa a ye léé, a buru Juda lé éé gilawe kɛla, é ’ka kana lɛ monomono lo, naa, é go gɔné gini lɛ é ziin bélé Izraɛl zé zo.

Ézékiɛl 16:15

Naa, i bli vo i nɔnɔmi lɛ, yé ibo kɛlɛ gɔnégini le nya i tɔ lé we ma; ibo kɛlɛ gɔnégini le nya giémunu faa va, yé ibo nɔ wo lɛ.

Ézékiɛl 16:25

I yobannanu kɛlɛ zi faa ’léé, yé i nɔnɔmi sɛrɛ. Ibo nɔ giézannu faa lɛ, yé ilé gɔnéginilenu gi gyɛ.

Ézékiɛl 16:26

Éjipitinu lé wo kɔlɛ ke kiankian, i wo gini gɔné nya, yé ilé gɔnéginilenu gi gyɛ an bli flile we ma.

Ézékiɛl 16:28

Ilé gɔnéginile ’ka i kan lɛ lo, amalé i Asirinu gini gɔné nya. I wo gini gɔné nya, naa, wo ’ka izé bɔ lɛ duowo lo.

Ézékiɛl 16:41

Wo dan ilé kɔnnu kyɛ ble lɛ, yé wo dan ilé we ble lɛ lomu kiɛre kiɛre yuɛ va. ’Bɛ zo lé maa dan ilé pɛnpɛnné gyɛle yi ga lɛ, yé i ’ka dan gɔnénu tɔrɔ paa lɛ é dɛrɛ lo.

Ézékiɛl 23:19

É ’élé gɔnéginilenu gi gyɛ; é gi bɔrɔ é boroné la bléyi va we ma, bléyian va lé é gɔné gini Éjipiti tɛrɛ la, ’bɛ sele dɔ a gi.

Ézékiɛl 23:44

Yé munu da a va bélé fɛan zo lé woo goo bɔrɔdɛ le va, a zo. A zo lé woo goo Oola valé Ooliba va, woo weplekɛlɛlomu ’ko, woo lé.

Ézékiɛl 23:5

Oola kɛlɛ an ma gɔnéginizan nya; a bwɛnu lɔrɔ a gyɛ, a bwɛnu lé ke Asirinu lé wo ke a punma bɛ, wo nya.

OZÉ (Osée) 2:5

Dé ’bɛ kaan lo, maa dan a poro lɛ, yé maa dan a vo lɛ bélé é yaayi la zo; maa dan a kɛlɛ lɛ bélé bwi zo, bélé tɛrɛ gi gale zo, yé é dan ga lɛ ’yiminilɔrɔ nya.

OZÉ (Osée) 3:3

Maa lé a lɛ léé: ’I mɔn an va, té i kɛlɛ bɔrɔdɛ le nya é dɛrɛ lo, i dan vo lɛ maa do kpen ɛ wuo, yé ko dan kɛlɛ lɛ i nya do.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

Lévinu 20:10

Dé mi do wenyané kɛlɛ gɔné na va, dé é wenyané kɛlɛ é bɔlu do na va, ’wo we lɛdɔ gɔnézan valé gɔné gini le gi ga nya.

Lévinu 21:9

Dé Balebanzan lu ébo sɛrɛ gɔnéginile nya, ’té é ’é ti sɛrɛ. ’Wa kyɛ ble.

Rom munu 14:22

I bli a é pale fɛan zo bɛ, té bé fe mi bɛ lɛ lo. ’É vo bii valé Kazambale méléna. Mian é ’ka we dɔa ébozen nwiin wenu lé éé wo ze vɔa, a gi lo, ’bɛzan zé a néné.

Bélidɔwesɛbɛ Fiézan 24:16

Té ’wo né tinu gyɛ ’wolé nénu lé we ma lo; té ’wo nénu gyɛ ’wo tinu lé we ma lo; mi faa do do é dan ga lɛ ébo lé wenyané ma.

Weblezannu 19:2

A bwɛ gɔné gini yé é si a va yé é go é ti lé kɔn ’léé Bɛtléɛm, Juda tɛrɛ la; ana lé é vo moné ziɛn.