Wepélisiananu 38:18 - Kazambale lé Sebe Sauunu 1979

¹⁸ É léé: Maa mɛ fɛ nɔ i lɛ an bɛfɛ nyaa? Lezan léé: I bɛnwɔlɛ ma zéné koo, i bɛmafɛ koo, yili lé ke i lee koo, woo lé. Yé é wo nɔ a lɛ. Yé é yi gyɛ a va yé é bɔn si a ma.

Wepélisiananu 38:18 ပူးပေါင်းရင်းမြစ်များ

Wepélisiananu 38:17

É léé: An dan boliné do si lɛ anlé trubɛ va yé maa a pa i lɛ zia. Lezan léé: I dan i bɛfɛ vo lɛ an va fɔɔ yé i boliné ’ko pa an lɛ ziaa?

Wepélisiananu 38:19

É nwa yé é go yé é sɔ si é yara, yé é ’élé gyɛbo sɔ zén é ta é ziin.

Wepélisiananu 41:42

Faraɔn é bɛmazéné si é bɛ ma, yé é a vɔ Jozɛfu bɛnwɔlɛ ma. Yé é lɛnsɔ zima zén a ta, yé é bɔrɔmakyan vɔ a bɔrɔ ma.

Jérémi 22:24

Gakelebale léé: Maa a é yuɛma. Dé Juda nwiinzan blɛn Jojakim be Jékonia kɛlɛ bélé bɛmafɛ zo an bɛyi maoo, maa dan a so lɛ ’bɛna.

OZÉ (Osée) 4:11

Bɔrɔdɛ kɛlɛle koo, nwɛ valé dɔrɔ dɛrɛ koo, wo anlé munu ’wuo sɛrɛ.

Lévinu 18:15

Té i be na poro lo. I be na lé; té bé poro lo.

WENÉNÉ LÉ LUK A GYE (Évangile selon Luc) 15:22

Naa, a ti lé é wuozannu lɛ léé: Varɔ lé é ke é zima é mini varɔ faa ta, ’ka da a nya fiéfié, yé ’ka a nɔ a lɛ. Yé ’ka bɛmafɛ nɔ a lɛ, yé ’ka sawala nɔ a lɛ.