Wepélisiananu 31:3 - Kazambale lé Sebe Sauunu 1979

³ Yé Gakelebale lé Jakɔb lɛ léé: ’I nɔla i tinu lé tɛrɛ la, i yaafla la, yé maa dan kɛlɛ lɛ i va.

Wepélisiananu 31:3 ပူးပေါင်းရင်းမြစ်များ

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 21:22

’Bɛ bléyi va Abimélɛk élé sunyanu nwiinzan Pikɔl pa é va yé é go yé é lé Abraam lɛ léé: Kazambale a i va ilé we faa kɛlɛle gi.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

Wepélisiananu 30:25

Rasɛl Jozɛfu yaa an wo, Jakɔb lé Laban lɛ léé: ’I zi nɔ an lɛ ’an go ko va, anlé tɛrɛ la.

Wepélisiananu 31:13

Maa a Bétɛl Bale nya, fɛana lé i nyɔnɔ zén weseledɔmigifɛ ta, fɛana lé i bale kun, maa a ana Bale nya. Sin, ’i nwa, ’i si tɛrɛ ’ko la yé ’i nɔla tɛrɛ lé wo i yaa a ta, ana.

Wepélisiananu 31:18

Alé trubɛ faa koo, fɛnu faa lé é ke a lee koo, trubɛ lé é a ye Padan‐Aram koo, é wo faa si yé é go é ti Izak vazia, Kanaan tɛrɛ la.

Wepélisiananu 31:2

Yé Jakɔb a ye léé, Laban yara ’ka é vazia bélé é vinin zé zo lo.

Wepélisiananu 31:4

Rasɛl valé Léa a féi Jakɔb lé trubɛnu va, yé Jakɔb we pa wo lɛ zia léé, ’wo da.

Wepélisiananu 32:10

Zin faa lé bé kɛlɛ i wuozan lɛ, é valé i yara pale an mawe faa kɛlɛle ta, maa a ’bɛ ma kiéné; an Juudɛn ’ko kini, ’té tawomayili do kpen ɛ ke an lee, yé sin an kɛlɛ palu fié nya.

Wepélisiananu 32:5

dirinu koo, sokofalenu koo, ’blanu koo, nyanamapagɔnénu valé nyanamapalomu koo, wa ’é lee, yé ’é we ’ko pa ’ézan lɛ zia, léé, ’é ’ é ye mi zin nya ma.

Wepélisiananu 32:9

Jakɔb léé: An ti Abraam zé Bale, an ti Izak zé Bale, Gakelebale, bii a fe an lɛ léé, ’an go anlé tɛrɛ la an yaafla la yé ’é dan wezin kɛlɛ lɛ an lɛ.

Wepélisiananu 35:1

Kazambale lé Jakɔb lɛ léé: ’I nwa, ’i go Bétɛl yé i nyana ’bɛna. ’I balebanna kɛlɛ, Bale lé é bɔra i va bléyian va lé i vɔ flii i bwe Ézau lee, a lɛ.

Wepélisiananu 35:3

Kaa nwa, kaa go Bétɛl. Maa dan balebanna do kɛlɛ lɛ ’bɛna, Bale lé é an dére nyi si anlé kle ble yi nya, ’té é kɛlɛ an va anlé tawo bléyi va bɛ, azé nya.

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Lɛrɛvɔ Sɛbɛ 50:15

Kleble yi nya i an ’laa; Maa dan i si lɛ munu lee, yé i dan an tɔ zin bɔ lɛ.

Lɛrɛvɔ Sɛbɛ 90:15

Lɛɛnu lé i ko gyɛ nyané nya a gi, ’i ko gi nana ’bɛ lɛɛnu ’léé yɛrama, Lɛɛnu lé ko we tɔntɔn ye wo gi, ’i ko gi nana ’bɛ lɛɛnu ’léé yɛrama.

Fwile 3:12

Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.