Wepélisiananu 3:19 - Kazambale lé Sebe Sauunu 1979

¹⁹ I yara kyɛyee zi lé i dan fɛ ble lɛ fɔɔ yé i nɔla é ziin tɛrɛ lé maa i kɛlɛ a nya bɛ, a nya; naa, i a vun nya, yé i dan nɔla lɛ vun nya é ziin.

Wepélisiananu 3:19 ပူးပေါင်းရင်းမြစ်များ

Wepélisiananu 18:27

Abraam we fe é ziin yé é léé: Maa lé ma, maa lé an ke fɛpun valé kyɛyee nya é pla, an bli tadɔ plɛplɛ yé an we fe Mizan lɛ.

Wepélisiananu 2:7

Bale, Gakelebale vun si yé é a kɛlɛ mi nya; é mibélifu fɛɛ a nyé ’léé yé mi kinin mi yuɛmale nya.

Wepélisiananu 23:4

Maa a bɛn nya yé an nyanaan ka va; ’ka mipana nɔ an lɛ ka va, yé maa anlé migale pa yé é si an yuɛ gi.

Wepélisiananu 3:18

Nyanéblele nya lé i dan ilé fɛblele ye lɛ tɛrɛ va, ilé tɛrɛla faa gi. Tɛrɛ é dan lélinu valé goligyɛnénu bɔra lɛ i lɛ, yé i dan féi lunu ble lɛ.

Wepélisiananu 5:5

Adam lɛɛ faa kɛlɛ wuru ziɛn yɔ suiɛdo wɔlɛ vu, yé é ga.

JOB (Job) 1:21

yé é léé: An bɔra an bu bɔn gi é porole; yé maa dan go lɛ tɛrɛ gi é porole. Gakelebale ɛ wo nɔ yé Gakelebale ɛ wo si. ’Wo Gakelebale tɔ drɔɔ vo ma.

JOB (Job) 10:9

A sele ’é dɔ i gi léé, i an dɔ bélé bɔ zo; É sɔ i lɛ léé, i an pun dɔ é ziin?

JOB (Job) 19:26

Dé an kɔlɛ sɛrɛoo, é dan an dɔ lɛ é punma, Dé an kɔlɛ ’ka looo, an dan Kazambale ye lɛ.

JOB (Job) 21:26

Yé wo fiénu éé yiaan vun va, ’Té ziri éé wo fiénu blé.

JOB (Job) 34:15

’Té mi faa é dan zamaga wo lɛ é kele, Yé blami é dan nɔla lɛ vun nya.

JOB (Job) 4:19

’Té munu lé wo nyanakɔn ke bɔtɛrɛ nya nii? Wo punsina lé ke vun va, ’Té woo tanma wo ta bélé blibli zo, wozé ’ka minié loo?

Lɛrɛvɔ Sɛbɛ 103:14

Naa, fɛan é ko kɔlɛ kɛlɛ a nya, é a dɔɔ, A sele a a gi léé, ko a vun nya.

Lɛrɛvɔ Sɛbɛ 104:23

Mi éé bɔraan élé nyanama pale we gi, Yé éé voo élé nyanama pana fɔɔ yé nyanadi é pa.

Lɛrɛvɔ Sɛbɛ 104:29

Dé i yara si wo ta, ’bɛ éé gi bɔrɔ paan wo ma, I i flinle sié wo lee yé woo gaan, Yé woo nɔlaan é ziin ’wolé vun nya.

Lɛrɛvɔ Sɛbɛ 127:2

Ka nwale é dere koo, yigyɛ bléyi giéla ka ta koo, Kalé fɛ blele bli kyɛdɔle nya koo, wo tɔnɔ ’ka lo; Naa, Bale éé sɔlɛzannu zé no kiɛre bléyian va lé ’bɛnu a yigyɛna, ’bɛ bléyi va.

Lɛrɛvɔ Sɛbɛ 22:15

Maa a bélé ’yi lé éé yoroan, a zo, Yé an wɔlɛnu faa éé kinié ékema; An bli a bélé zɔrɔnyɔnɔ pa zo, Yé a ’yi éé boo an bɔn‐in.

Lɛrɛvɔ Sɛbɛ 22:29

Naa, plale mi nwiin a Gakelebale zé nya; Éé plaan bɛnnu nwiin.

Lɛrɛvɔ Sɛbɛ 90:3

I munu nɔlaan vun nya A fele nya léé: Blaminu, ’ka nɔla é ziin.

Wegɔnévɔlenu 21:16

Mi lé éé sié we dɔɔ zi ta, é dan nyana lɛ gamunu zénna ékema na.

Bale Lé We Gifezan 1:13

We faa lé éé kɛla tɛrɛ la, maa anbozen nɔ a naginile valé a gi kulile we ma wedɔɔle nya, an bli faa nya; é a nyanama tɔntɔn lé Kazambale a nɔ blaminu lɛ, a nya.

Bale Lé We Gifezan 1:3

Kwa faa lé blami a kulian tɛrɛ la, éé mɛ tɔnɔ yé a maa?

Bale Lé We Gifezan 12:7

wo dan kana lɛ gɔsɛnénu giéle lee, yé tawole zi ta di é dan kini lɛ mi gi; mi nwana é dan bɔ lɛ bélé amandéyili vwi bile zo; gangan ma bɛn é dan dɔ lɛ, yé zian va bla ’ka zian kɛla néné é dɛrɛ lo; naa, blami a gona ’é gona, yé wuvɔmunu éé giéan zinu ta;

Bale Lé We Gifezan 3:20

Fɛ faa éé goo fɛ do kpen ɛ na; wo fɛ faa kɛlɛ vun nya, yé fɛ faa éé goo é pa gi vun va.

Bale Lé We Gifezan 5:15

We tɔntɔn do lé ke bɛ é ziin. É go, fɛan zo lé é da, a zo. Yé nyanama lé é a pa gwɛ ma bɛ, a tɔnɔ lé ke mɛ fɛ nyaa?

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

1 Korent munu 15:47

Kazambale mi vininzan kɛlɛ tɛrɛ la vun nya. Mi fiézan si la gi.

Éfez munu 4:28

Mian é kyeenwo é kyɛn, té é kyeenwo é dɛrɛ lo; naa, ’é nyanama pa yé ’é wezin kɛlɛ é bɛnu nya, mi lé, a mawe ke fɛ do gi, fɛ nɔle ’bɛzan lɛ we gi.

1 Tɛsalɔnik munu 2:9

Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma.

2 Tɛsalɔnik munu 3:10

Bléyian va lé ko a ka va, ko lé ka lɛ léé, dé é ’ka sɔ lɛ mianzan lɛ léé, é nyanama pa lo, té é fɛ ble lo.

Ébrunu 9:27

Naa, Bale a fe léé, mi faa é gaan gɔnɔ do kpen, ’bɛ zuo yé é wolé we ble.