Wepélisiananu 3:18 - Kazambale lé Sebe Sauunu 1979

¹⁸ Nyanéblele nya lé i dan ilé fɛblele ye lɛ tɛrɛ va, ilé tɛrɛla faa gi. Tɛrɛ é dan lélinu valé goligyɛnénu bɔra lɛ i lɛ, yé i dan féi lunu ble lɛ.

Wepélisiananu 3:18 ပူးပေါင်းရင်းမြစ်များ

Wepélisiananu 3:17

Kazambale lé gɔnézan lɛ léé: I tɔné dɔ i na dére lɛ, yé yili lé maa a fe i lɛ léé, té bé poro ble lo, bé ble, bɛwemalé maa dan bale pa lɛ tɛrɛ ma ilé we ma.

Wepélisiananu 3:19

I yara kyɛyee zi lé i dan fɛ ble lɛ fɔɔ yé i nɔla é ziin tɛrɛ lé maa i kɛlɛ a nya bɛ, a nya; naa, i a vun nya, yé i dan nɔla lɛ vun nya é ziin.

JOB (Job) 1:21

yé é léé: An bɔra an bu bɔn gi é porole; yé maa dan go lɛ tɛrɛ gi é porole. Gakelebale ɛ wo nɔ yé Gakelebale ɛ wo si. ’Wo Gakelebale tɔ drɔɔ vo ma.

JOB (Job) 31:40

Lélinu ’é tuu ana ’sa pa gi ma, Yé kyankyan ’é tuu ana sɔnmlén pa gi ma. Job dére nyaana lé ke bɛ.

JOB (Job) 5:5

Lɔrɔgyɛzannu alé féifɛnu ble, Wa gɔi sia fɔɔ lélinu va. Yé fɛyelɔrɔgyɛzannu alé fɛnu sia.

Lɛrɛvɔ Sɛbɛ 104:2

Éé san zén‐é ’é ta bélé sɔ zo, Éé la sɔɔlaan bélé sɔ fwilale zo.

Lɛrɛvɔ Sɛbɛ 90:3

I munu nɔlaan vun nya A fele nya léé: Blaminu, ’ka nɔla é ziin.

Wegɔnévɔlenu 22:5

Lélinu valé sanbalenu a mi vɔnle lé zi ta; mi lé éé yuɛ paan ébozen va, éé sié a ma baa.

Wegɔnévɔlenu 24:31

Yé bé ye, lélinu tuu fɛfaana, yé yoné lé plin ana faa ble yé gɔlɛ gɔrɔ zana.

Ézai 32:13

Lélinu valé danan tuu anlé munu lé tɛrɛ la. Ginana fla lé kɔn nɔnɔminu boen gioo, wo tuu a faa na.

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Ézai 7:23

’Bɛ yi la féi faa lé dɔrɔyili ke ana wuru soru, ’té wo vlɛ ke gɔɔlifu sikla wuru soru, danan valé léliyilinu é dan ana ble lɛ.

Ézai 7:24

Mi é dan go lɛ ana sa valé é wɔlɛ nya é lee, naa, ana tɛrɛ é dan kɛlɛ lɛ danan valé léliyilinu saa nya, azama.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Jérémi 4:3

Naa, Gakelebale we fe Juda munu valé Jérusalɛm munu lɛ léma: ’Ka féi dɛrɛ na wo, yé té ka fɛ vɔ lélinu méléna lo.

Matio 13:7

A wɔlɛ kenu dia lélinu va; lélinu toro yé wa tunu yé é ga.

Rom munu 14:2

É dɔ mi do gi léé, ’é fɛnu faa blé, yé mi bɛ lé ’bɛ ke tɔɔtɔɔ, é dɔ ’bɛ gi léé, ’é ’ka wi blé lo.

Ébrunu 6:8

Naa, dé éé léliyilinu valé goligyɛné baan, ’té é a sɔnvɔma tɛrɛ lé, é vo sɛ yé wo bale pa a ma, a nya. Alé we é dan nyaa lɛ a kyɛblele nya.

Jozué 23:13

é a sɔbɛlawe nya léé, Gakelebale, kalé Bale ’ka dan vo lɛ bɛn ’konu binna ka ’lɛ lo; wo dan kɛlɛ lɛ ka lɛ séli valé san nya, plén nya ka sɛe gi, lélinu nya ka yuɛ gi, fɔɔ yé ka kulu é ga tɛrɛ zin lé Gakelebale kalé Bale a nɔ ka lɛ, a ta.