Wepélisiananu 3:16 - Kazambale lé Sebe Sauunu 1979

¹⁶ Yé Gakelebale lé lezan lɛ léé: Maa dan nyané blele taa pa lɛ i bɔn bɔle ma, yé i dan né yaa lɛ kleblele kaii nya; i bli é dan bɔ lɛ i zana ma yé i zana é dan pla lɛ i nwiin.

Wepélisiananu 3:16 ပူးပေါင်းရင်းမြစ်များ

Wepélisiananu 4:7

Weboen lé, dé bé kɛlɛ é zima, i yara kyɛ é dan si lɛ, naa, dé i ’ka kɛlɛ lɛ é zima lo, wenyané a é yiale ilé kɔn ’léé, yé é sɔ a lɛ léé, ’é pla i nwiin; naa, bii, bii ’é pla a nwiin ma.

Minwiinzannu lé Wezuofe Sɛbɛ 4:9

Jaébɛs tɔ a é bɔle é mini é bwenu ta; a bu a tɔ pa Jaébɛs, a fele nya léé, maa a yaa nyanéblele kiɛre nya, azama.

Esitɛɛ 1:20

Minwiinzan blɛn lé fuatɛrɛ a blɛn fɛan zo, wo dan yee alé bélidɔwe ’ko gi ’ma lɛ a ta fɛfaana. Dé wo zananu a mi blɛnnu nyaoo, dé wa mi kiénénu nyaoo, lomu faa é dan wo lɛdɔ lɛ a ma.

Lɛrɛvɔ Sɛbɛ 48:6

Wa nagini yé wo gi faa vuru ’wo ma, Wo kana yé wo fwila.

Ézai 13:8

Di kini wo gi; nyɛ zénle wo gi é dan wo kun lɛ kleblele nya. Woo plɛn‐an bélé né yaa le zo. Wo dan dɔ lɛ dan‐uun, ’té woo ’wo ke ginian wo ’léé nya; wo yara kyɛ é dan dɔ lɛ.

Ézai 21:3

Bɛwemalé maa a kle blena an sowolɛ lee. Nyanéblele an kun bélé né yaa le lé nyanéblele zo. An plinle lé we ma lé an ’ka we maan lo; an ma nyɔɔnle lé we ma lé an ’ka fɛ yé lo.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Jérémi 13:21

É we lɛdɔ i gi, i lé ’bɛ gi nɔɔ? Biibozen we paa wo gi léé, ’wo kɛlɛ izan nya; i ’ka dan kle ble lɛ bélé né yaa le lé né a kun, a zo loo?

Jérémi 22:23

Bii lé i nyanaan Liban gɔ nwiin, ’Té ilé kɔn dɔa sɛdrɛyili nwiin, Dé nyanéblele bɔ i ma bléyian va, i dan dunnu lɛ; Ilé nyanéblelenu é dan kɛlɛ lɛ bélé lezan lé é ke né yaana, alé nyanéblele zo.

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 49:24

Damas fuu si é ta, é nɔla fwile we ma, di kini a gi. Nyanéblele valé kleblele bɔ a ma bélé né yaa le zo.

Jérémi 6:24

Wo vun gi wele éé ko bɛnu gaan ko ma; nyanéblele blɛn ko kun bélé né yaa le lé nyanéblele zo.

Mi Nɔnɔle 30:13

Naa, dé a zana a gi dɔɔ yian nya yé é wo yi ga ’bɛ yi nya, alé Bale kunmawe faa valé alé Bale ’nyɔɔndére faa bɛ, wo ’ka dan kɛlɛ lɛ a ma we do nya lo. Gakelebale é dan a ma we vo lɛ. A zana ’ka a nyi si lɛ lo, azama.

WENÉNÉ LE JAN A GYE (Évangile selon Jean) 16:21

Dé le a né yaana, dé a yaabléyi bɔ a gi kyɛ éé dɔa, naa, dé é a yaa faa nyanéblele sele ’ka dɔa a gi é dɛrɛ lo, mi yaale tɛrɛ la lé gi nanale we ma.

1 Korent munu 11:3

Naa, é sɔ an lɛ duowo léé, ka we ’ko dɔɔ, léé: Krist a mi faa zan nya, yé gɔné a le zan nya, yé Kazambale a Krist zan nya.

1 Korent munu 14:34

Dé ka a léglizi kɛlɛna, é a lé lomu é tadɔ, fɛan zo lé wa kɛla Kazambale lé munu lé léglizinu faa gi, a zo. Wo ’ka zi no wo lɛ léé, wo lɔlu ble ana lo; naa, ’wo pla gɔnénu wuo, bélidɔwe a fe fɛan zo bɛ, a zo.

1 Korent munu 7:4

Lezan kɔlɛ ’ka ébo zé nya lo; a zana zé lé. Yé gɔnézan kɔlɛ ’ka ébo zé nya lo; a na zé lé.

Kolɔs munu 3:18

’Kaa gɔné nanu, ’ka pla ka zananu wuo; ’bɛ a é zima Mizan wuolomu zé nya.

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.

1 Timoté 2:13

Kazambale Adam kɛlɛ é vinin, a zuo yé é Eve kɛlɛ, azama.

1 Timoté 2:15

naa, lomu é dan si lɛ we gi né yaale ma duowo, ’té dé wo yara pa blipale koo, sɔlɛle koo, kɛlɛle sauun koo, wo ta yaragyɛle nya.

Tite 2:5

’wo kɛlɛ ’wuotazannu nya, ’wo yuɛ pa ’wobo va é zima, ’wo ’wolé kɔn gi nyanama pa, ’wo kɛlɛ le zinnu nya, ’wo pla ’wo zananu wuo. Lomu segelenu a paa wo gi léé, ’wo ’bɛ faa kɛlɛ, té munu é Kazambale dére sɔnɔ lo we gi.