Wepélisiananu 3:15 - Kazambale lé Sebe Sauunu 1979

¹⁵ Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Wepélisiananu 3:15 ပူးပေါင်းရင်းမြစ်များ

Wepélisiananu 49:17

Dan é dan kɛlɛ bélé méné zo zi ta; É dan kɛlɛ lɛ bélé ménénwunnu zo zi kiéné ta, ’Té éé suiɛ dɔa wisoo gane tɛn ma Atazan diale é zuozia we gi.

Lɛrɛvɔ Sɛbɛ 132:11

Gakelebale webozen fe David lɛ ébo ’nyɔɔnle nya, É ’ka dan é dére nɔla lɛ lo; é léé: Maa dan ibozen giné nyana lɛ ilé webleblin ta.

Ézai 53:12

Bɛwemalé maa dan azé nɔ lɛ a lɛ mi blɛnnu va; Maa dan gulizarafɛ guli lɛ yee valé mi plɛplɛnu ma, Ébo nɔ ga lɛ Yé wa pa wenaané kɛlɛzannu va, ’bɛzama; É mi kiɛre lé wenyanénu si Yé é dɔ wegyɛzannu lé we gi, ’bɛzama.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Jérémi 31:22

Bii blɛnzan lé i si zi zima ta, I dn si lɛ ilé saanzi ta mɛ yi laa? Naa, Gkelebale we dɛrɛ kɛlɛ tɛrɛ la; Le é dan é zana fɛɛ bo lɛ.

Daniɛl 9:26

Flɛyi yɔ yaa wɔlɛ fié ’konu giéle zuo, wo dan Nyɔnɔzénnwiinzan gyɛ lɛ yé a pagizan ’ka dan ye lɛ lo. Minwiinzan do é dan da lɛ yé alé munu é dan fla valé fɛna plɛplɛ kɛlɛ lɛ é ’bin nya yé azé nyaale é dan kɛlɛ lɛ bélé ’yiyoro plɛplɛ zo. Naa wa fe léé, wo dan vo lɛ é sɛrɛle fɔɔ yé gulidanle é nyaa, a zo.

Amɔs 9:3

Dé wo yɔɔ Kaamɛl gɔ zoroné ma, maa dan wo gini lɛ ana, yé maa dan wo kun lɛ; dé wo yɔɔ an lee wɛyi wɔlɛ maoo, maa dan a fe lɛ ménénu lɛ léé, ’bɛnu ’é suiɛ dɔ wo ma ’bɛna.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 1:25

Naa, é ’ka a dɔɔ lɛ le nya lo, fɔɔ yé é né ’ko yaa gɔné nya, yé é a tɔ pa Jézu.

Matio 12:34

Ménénwunnu bɛn, ka a mi plenu nya bɛan zo, ka kɛla kaa yé ka we zima fee? We lé éé mi bli faan, éé bɔraan a ’léé wefele nya.

Matio 13:38

féi a tɛrɛla nya; fɛwɔlɛ zima a munu lé Kazambale ke é plale wo nwiin, wo nya; kyankyan a Satan lé munu nya;

Matio 23:33

Ménénu, ménénwunnu bɛn, ka kɛla kaa yé ka ’ka dan kle ble lɛ jéɛna kyɛ va loo?

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

Maak 16:18

wo dan ménénu sia lɛ ’wo bɛ nya, yé dé wo migyɛlale mini, é ’ka dan we do kɛlɛ lɛ wo lɛ lo; wo dan ’wo bɛ pla lɛ gyɛgyɛmunu ta yé ’bɛnu é dan béli lɛ.

WENÉNÉ LÉ LUK A GYE (Évangile selon Luc) 1:76

Yé bii liiné, wo dan i laa lɛ Loruzan lé balelayezan; Naa, i dan tawo lɛ Mizambale ’lɛzia alé zinu ma’lɛrɛle we ma.

WENÉNÉ LÉ LUK A GYE (Évangile selon Luc) 10:19

Ka ye, maa tawole ménénu valé zɛnɛanu ta se kɛlɛ ka lɛ, yé maa plɛplɛ nɔ ka lɛ léé, ka pla mi nyanézan lé plɛplɛ faa nwiin; yé fɛan é bɔa wenyané kɛlɛle lɛ ka lɛ, ’bɛ fɛ do kpen ’ka lo.

WENÉNÉ LÉ LUK A GYE (Évangile selon Luc) 22:53

Maa a ka va yifaama Balebangikɔn gi yé ka ’ka an kun lɛ lo. Naa, bléyi ’ko a ka valé gunutinu lé plɛplɛ bléyi nya.

WENÉNÉ LÉ LUK A GYE (Évangile selon Luc) 24:27

Yé é a pélisia Moizi valé balelayemunu lé sɛbɛnu faa gi yé ébo tawe gɔɔn wo lɛ sɛbɛnu faa gi.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Kelewenu 13:10

Dabli gɔnɔ faa kɛlɛ gɔné, misaangɔné, yosɔlɛgɔné, we tegelenu faa nyanézan. I ’ka dan daan lɛ Mizambale lé we tegelenu gi sɛrɛle ma loo?

Rom munu 16:20

Mi vo drɔɔ Bale é dan Satan ’wii lɛ ka gane wuo laoɛ. Kaazan Jézu Krist lé zin ’é kɛlɛ ka ta ma.

Rom munu 3:13

Wo bɔrɔ gi a bélé mi vun lɛ sole zo, Woo dabli kɛla mi lɛ wo néné nya, Ménénwunnu suiɛ nyi a wo lɔlu gi.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

Éfez munu 4:8

Bɛwemalé é a é gyɛle sɛbɛ gi léé: É go aan wo la gi, É go luunu nya; Yé é blɛnu kɛlɛ munu lɛ.

Kolɔs munu 2:15

Yé la worona wemaplɛplɛzannu valé fɛnu faa lé wa lɛdɔama, é wo kele, yé guliwuo vo a lɛ a gale yiliblan ta we ma, yé é wo gyɛ yara nya gɔrɔ la.

Ébrunu 2:18

Naa, wo Jézu gi dan, yé é nyané ble a we ma, amalé sin, munu lé wa wo gi danna, é bɔalɛ léé, é bɔ wo va.

Ébrunu 5:7

Bléyian va lé Jézu a blami nya, é bazoro yé é zanté vɔ Kazambale lé, éé bɔa a sile lɛ ga lee, a lɛ; é bazoro siaale plɛplɛ valé yuɛyi sole nya. Yé é pla Bale wuo é zima amalé Bale a ’ma.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

1 Jan 5:5

Mi lé éé tɛrɛlawe keleé yé a ’wuo é vo a lɛ, dé é ’ka mi lé a bli ke a lɛ léé, Jézu a Kazambale Be nya, azan nya lo, ’té ’bɛzan lé é ke de nyaa?

Wegɔɔnle 12:17

Yé dragɔn bli fli lezan ma, yé é go guli dan lɛ a kulu pɔnénu lé, woo tawoo Kazambale lé bélidɔwenu ta, ’té wo ke Jézu lé wenayezannu nya bɛ, wo va.

Wegɔɔnle 13:7

Wa se kɛlɛ a lɛ léé, ’é guli dan Kazambale lé munu va yé ’é wo kele. Yé bɛn faa koo, migɔnɔ faa koo, dére faa koo, bɛntɛrɛ faa koo, Bale a pla wo nwiin.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.