Wepélisiananu 28:3 - Kazambale lé Sebe Sauunu 1979

³ Plɛplɛ faazan Bale ’é i drɔɔ vo yé ’é i fan ma, yé ’é i kɛlɛ di ma, i kɛlɛle bɛn kiɛre nya we ma.

Wepélisiananu 28:3 ပူးပေါင်းရင်းမြစ်များ

Wepélisiananu 1:28

Kazambale wo drɔɔ vo, yé Kazambale lé wo lɛ léé: ’Ka né yaa, ’ka kɛlɛ kiɛre, ’ka fan tɛrɛ la yé ’ka pla a tafɛnu nwiin; wɛyi va pɔnu koo, lagi mianénu koo, wi faa lé éé giéan tɛrɛ la koo, ’ka pla wo nwiin.

Wepélisiananu 13:16

Maa dan ilé nénu kɛlɛ lɛ bélé tɛrɛ lé vun zo di. ’Bɛ ma, dé mi é bɔa lɛ é tɛrɛ lé vun nɔnɔ, ’té é bɔa ilé nénu nɔnɔle lɛ é ziin.

Wepélisiananu 17:20

Dé é a Ismaɛl zé nya, maa ’bɛ ’ma. Bé gini, maa dan a drɔɔ vo lɛ, yé maa dan a kɛlɛ lɛ né kiɛre yaazan nya, yé maa dan a fan lɛ fɔɔ a glɛ ’ka lo; é dan tɛrɛzannu yaa lɛ vu ta fié, yé maa dan a kɛlɛ lɛ bɛn gɔnɔ blɛn do nya.

Wepélisiananu 24:60

Wo Rébéka drɔɔ vo yé wo lé a lɛ léé: Oo, ko zuané, ’i kɛlɛ mi baa wuru é wuru bu nya, yé ilé nénu é pla ’wo nyanézannu nwiin ma.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 27:33

Yé Izak gi nyɛ blɛn kini yé é léé: Yé de ɛ da bwiiwi nya an lɛ lao ’koo? Maa a faa ble i dale ’lɛ yé maa azan drɔɔ vo. A drɔɔ é dan vo lɛ a zo weboen nya.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 41:52

Yé é ’é be fiézan tɔ pa Éfraim. Yé é léé: Bale an fan anlé nyanébletɛrɛ la.

Wepélisiananu 43:14

Plɛplɛfaazan Bale ’é ka kɛlɛ mi zinnu nya mi ’ko yuɛ gi ma; ’é daan ka bwe koɛzan valé Bɛnjamɛn ma, yé ’wo da é ziin ka va ma. Yé maa, dé anlé nénu vuru an ma, ’té an vuru é wo wo gi.

Wepélisiananu 48:3

Jakɔb lé Jozɛfu lɛ léé: Plɛplɛfaazan Bale bɔra an yuɛ va Luz, Kanaan tɛrɛ la, yé é an drɔɔ vo.

Wepélisiananu 48:4

É lé an lɛ léé, ’é dan an fan lɛ, yé ’é an kɛlɛ di. Yé ’é dan an kɛlɛ lɛ bɛn gɔnɔ kiɛre nya. ’É dan tɛrɛ ’ko nɔ lɛ an kulunu lɛ an zuo, yé é vo wozé nya lɛɛfaama.

Wepélisiananu 49:25

I ti lé Bale é dan bɔ lɛ i va, Plɛplɛfaazan Bale lé zin zi, é dan i drɔɔ vo lɛ; É dan i drɔɔ vo lɛ lagi loru drɔɔ vole nya; É dan i drɔɔ vo lɛ ’yi wuo drɔɔ vole nya; É dan i drɔɔ vo lɛ nyɔ valé bɔn drɔɔ vole nya;

Wepélisiananu 9:1

Bale Noé valé a benu drɔɔ vo, yé é lé wo lɛ léé: ’Ka né yaa, ’ka kɛlɛ kiɛre, ’ka fan tɛrɛ la.

Lɛrɛvɔ Sɛbɛ 127:1

Gɔ gié lɛrɛ do lé. Salomɔn ɛ vɔ. Dé Gakelebale ’ka pa lɛ kɔndɔmunu ta lo, ’Té wo panyanama ’ka vɔa a ma lo; Dé Gakelebale ’ka fla tabin‐é lo ’Té a tabinmunu éé yi keleé wo yuɛ ma é pla.

Lɛrɛvɔ Sɛbɛ 127:3

Bé ye, négɔnénu a tɔnɔ lé éé sié Gakelebale va, a nya, Mi bɔnginénu a ’wo ti goolipafɛ nya.

Fwile 1:7

Izraɛl lé nénu a néyaamunu nya, yé wo kɛlɛ kiɛre, yé wo ’léé gi gyɛ yé wolé plɛplɛ taa vo zénna a va. Yé wo fan tɛrɛ ’ko la.

Fwile 6:3

An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Wegɔɔnle 21:22

Maa ’ka Balekɔn ye lɛ fla lo, naa, Mizambale, Plɛplɛfaazan valé ’Blané ɛ ke Balekɔn nya.

RUT (Ruth) 2:4

Yé bé ye, Boaz si Bɛtléɛm yé é lé ’sagyɛmunu lɛ léé: Gakelebale ’é kɛlɛ ka va ma. Wa zi pa a lɛ léé: Gakelebale ’é i drɔɔ vo ma.