Wepélisiananu 26:4 - Kazambale lé Sebe Sauunu 1979

⁴ Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 26:4 ပူးပေါင်းရင်းမြစ်များ

Wepélisiananu 13:16

Maa dan ilé nénu kɛlɛ lɛ bélé tɛrɛ lé vun zo di. ’Bɛ ma, dé mi é bɔa lɛ é tɛrɛ lé vun nɔnɔ, ’té é bɔa ilé nénu nɔnɔle lɛ é ziin.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 15:5

É go a nya béera yé é léé: ’I lagi gini, yé ’i monénénu nɔnɔ, dé i bɔa wo nɔnɔle lɛɛ? Yé é lé a lɛ léé: I kulu é dan kɛlɛ lɛ bélé wo zo.

Wepélisiananu 18:18

Weboen lé, Abraam é dan kɛlɛ lɛ bɛn blɛn plɛplɛ nya. A pli zi lé tɛrɛ la bɛnnu faa drɔɔ é dan vo lɛ.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Wepélisiananu 28:3

Plɛplɛ faazan Bale ’é i drɔɔ vo yé ’é i fan ma, yé ’é i kɛlɛ di ma, i kɛlɛle bɛn kiɛre nya we ma.

Wepélisiananu 35:12

Tɛrɛ lé maa a nɔ Abraam valé Izak lɛ, maa dan a nɔ lɛ i lɛ, yé maa dan tɛrɛ ’ko nɔ lɛ i kulunu lɛ, i zuo.

Wepélisiananu 47:27

Izraɛl munu nyana Éjipiti tɛrɛ bɛ do la, yee lé ke Gozɛn tɛrɛ nya. Wo fɛnu ye di, yé wo fan, yé wo kɛlɛ di.

Minwiinzannu lé Wezuofe Sɛbɛ 27:23

Izraɛl va munu lé wo lɛɛ ’ka tan bɔ lɛ yɔ do lo, David ’ka wo nɔnɔma lo, naa, Gakelebale a fe léé, é dan Izraɛl ’léé gi gyɛ lɛ bélé lagi monénénu zo, azama.

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 6:4

Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Kelewenu 3:25

Ka a balelayemunu kululazannu nya, é valé gipawe lé Kazambale a kɛlɛ kaa tranu va, a vamunu nya, ’té Kazambale a fe Abraam lɛ léé: Tɛrɛ la bɛnnu faa drɔɔ é dan vo lɛ i kulu gi bɛ.

Galasi munu 3:16

Naa, Bale blivolɛdérenu fe Abraam valé é kulu lɛ. É ’ka a fe lɛ léé, kulunu, lo, bélé fɛan zo lé wa kiɛre, a zo lo, naa, é a fe, i kulu, ’bɛ gi léé, mi do kpen lé, yee lé ke Krist nya.

Galasi munu 3:8

É ziin, Kazambale lé sɛbɛ a fale vɔ é kyɛn léé, Kazambale é dan bɛn bɛnu kɛlɛ lɛ tegele blipale nya; yé é wenéné ’ko fe Abraam lɛ a bléyi ’lɛ yé é léé: Bɛnnu faa drɔɔ é dan vo lɛ i gi.

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.

Ébrunu 11:2

Munu vininnu lé blipale ma lé wo tɔ ye.