Wepélisiananu 26:3 - Kazambale lé Sebe Sauunu 1979

³ ’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 26:3 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 13:17

’I nwa, ’i gié tɛrɛ sangi valé tɛrɛ ’wuo la, naa, maa dan a nɔ lɛ i lɛ.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 17:19

Kazambale léé: Webozen lé, i na Sara é dan né yaa lɛ gɔné nya i lɛ; yé i dan a tɔ pa lɛ Izak. Maa dan an gi pa lɛ do a va, gipawe do lé é ’ka nyaan lo, ’té é dan kɛlɛ lɛ alé nénu zé nya a zuo, a nya.

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 20:1

Abraam si ’bɛna yé é go yirinwana bɛyilazia; é nyana Kadɛs valé Suré méléna yé é nyana Géraa sɛ.

Wepélisiananu 25:11

Abraam gale zuo, Bale a be Izak drɔɔ vo. É nyana Lakai‐roi ’yiguru sɔnɔ.

Wepélisiananu 26:12

Izak féi pa ana tɛrɛ la. Gakelebale dɔ a zi, amalé ’bɛ lɛɛ ’ko gi alé féi fɛ dɔ, é gié é glɛ ta gɔnɔ yɔ soru.

Wepélisiananu 26:14

Alé trubɛnu a, diri valé ’blanu nya, yé a wuomunu a di. Amalé Filisitinu bli bɔ alé fɛnu ma.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

Wepélisiananu 31:3

Yé Gakelebale lé Jakɔb lɛ léé: ’I nɔla i tinu lé tɛrɛ la, i yaafla la, yé maa dan kɛlɛ lɛ i va.

Wepélisiananu 35:12

Tɛrɛ lé maa a nɔ Abraam valé Izak lɛ, maa dan a nɔ lɛ i lɛ, yé maa dan tɛrɛ ’ko nɔ lɛ i kulunu lɛ, i zuo.

Wepélisiananu 39:2

Gakelebale a Jozɛfu va yé a bɛ ma kɛlɛ néné. Éé nyanaan ézan Éjipiti mi lé kɔn gi.

Wepélisiananu 39:21

Gakelebale a Jozɛfu va yé é wezin kɛlɛ a lɛ. É a kɛlɛ mi zin nya bokɔngimunu nwiinzan yuɛ gi.

Wepélisiananu 48:21

Izraɛl lé Jozɛfu lɛ léé: Maa a dana ga lɛ. Kazambale é dan kɛlɛ lɛ ka va, yé é dan go lɛ ka nya ka tinu lé tɛrɛ la é ziin.

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

Minwiinzannu lé Wezuofe Sɛbɛ 16:16

Gipawe lé é a kɛlɛ Abraam va, Yee valé balekundére lé é a fe Izak lɛ, wo sele a a gi.

Lɛrɛvɔ Sɛbɛ 105:8

Alé gipawe sele éé dɔa a gi yifaama, Alé blivolɛdérenu lé é wo fe mi kulu wuru soru zé nya, a sele a a gi.

Lɛrɛvɔ Sɛbɛ 105:9

Gipawe lé é a kɛlɛ Abraam va, Yee valé balekundére lé é a fe Izak lɛ, wo sele a a gi.

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Lɛrɛvɔ Sɛbɛ 39:12

Dé i we lɛdɔ mi gi alé weplenu yɛrama, I alé fɛwezan sɛra bélé boworo zo. Iin, mi faa a fu fɛɛle do nya. Ka ye do.

Fwile 2:24

Kazambale wolé dunnule ’ma yé gipawe lé é a kɛlɛ Abraam koo, Izak koo, Jakɔb koo, wo va, a sele dɔ a gi.

Fwile 3:12

Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Fwile 6:4

Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Filip munu 4:9

We lé maa a paa ka gi koo, we lé ka a ye an va koo, we lé ka a ’ma an ’léé koo, we lé ka an ye a kɛlɛna koo, ’ka wo ta tawo ma. Yé mi vo drɔɔ Bale é dan kɛlɛ lɛ ka va.

Ébrunu 11:9

Tɛrɛ lé Bale a ma blivolɛdére fe Abraam lɛ léé, é dan kɛlɛ lɛ azé nya, é vo ’bɛna bélé bɛn zo, yé é nyana sɔkɔn wuo blipale nya. A zo duo lé Izak valé Jakɔb a kɛlɛ; Kazambale blivolɛdére duo fe ’bɛnu lɛ yé ’bɛnu kɛlɛ tɔnɔblezannu nya Abraam va.

Ébrunu 6:17

We ’ko ma lé Kazambale ébo ’nyɔɔn. Munu lé Kazambale blivolɛdére fe wo lɛ bɛ, Kazambale a a va léé, é a gɔɔn wo lɛ léé, we lé é a ma kunna ye, é ’ka nɔlaan lo, amalé é blivolɛdére kɛlɛ sɔbɛlawe nya ébo ’nyɔɔnle nya.