Wepélisiananu 24:7 - Kazambale lé Sebe Sauunu 1979

⁷ Gakelebale, lagi Bale lé é an si an ti lé kɔn ’léé, é valé an lelenu va, ’té e we fe an lɛ yé ébo ’nyɔɔn an lɛ léé, ’é dan tɛrɛ ’ko nɔ lɛ an kulu lɛ, yeebozen é dan élé lanje nwunvɔ lɛ i ’lɛ; yé i dan le do si lɛ an be na nya ’bɛna.

Wepélisiananu 24:7 ပူးပေါင်းရင်းမြစ်များ

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 16:7

Gakelebale lé lanje Agaa ye ’yibɔna sɔnɔ bwi gi; ’yibɔna lé ke Suré lé zi ta, yee lé.

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 21:17

Kazambale né dére ’ma; yé Kazambale lé lanje Agaa laa la gi yé é lé a lɛ léé: Agaa, mɛ léé? Té i kana lo, naa, fɛana lé né ke bɛ, Kazambale a dére ’ma.

Wepélisiananu 22:11

Yé Gakelebale lé lanje a laa la gi yé é léé: Abraam! Abraam! Yé é léé: Maa lo.

Wepélisiananu 24:3

Gakelebale lé ke lagi Bale valé tɛrɛ lé Bale nya, bé ’nyɔɔn léé, i ’ka dan le si lɛ an be na nya Kanaan munu lé maa nyanaan wo va ’ko, wo lunu va lo;

Wepélisiananu 24:40

Yé é lé maa lɛ léé, Gakelebale lé ’é tawo a ’lɛ, é dan ’élé lanje do pa lɛ maa va, yé anlé tawowe é dan vɔ lɛ a ma, yé an le do si ’é be na nya ’é ti lé kɔn gi, ’é ti lé munu va.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Ezidras 1:2

Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.

Lɛrɛvɔ Sɛbɛ 103:20

Ka lé ka ke alé lanjenu nya, ’Té ka ke plɛplɛ é baba, ’té ka tawoo alé bélidɔwenu ta, ’Té ka a dére lɛdɔama, ’ka Gakelebale drɔɔ vo.

Lɛrɛvɔ Sɛbɛ 136:26

’Ka lagi Bale tɔ zin fe, Naa, a nyanai éé zén‐é yifaama.

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Lɛrɛvɔ Sɛbɛ 34:7

Dé wenaanébɔmazan siaa, Gakelebale a dére maan, Yé éé a sié alé kleblelenu faa gi.

Lɛrɛvɔ Sɛbɛ 73:24

I dan go lɛ an nya, ’té i we plaan an lɛ, ’Bɛ zuo i dan an bɛn si lɛ ilé fua fɛna.

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 33:2

Maa dan lanje do pa lɛ zia ka ’lɛ, yé Kanaan munu koo, Amoré munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Jonas 1:9

É a zi pa wo lɛ léé: Maa a Ébru mi nya. An kanaan Gakelebale, lanu lé Bale lee. Yee ɛ wɛyi valé tɛrɛ kɛlɛ. Yé maa a gona yɔɔna a lee. Di kini munu ’konu gi é baba, yé wo lé a lɛ léé: Mɛmalé i we ’ko kɛlɛ a zoo?

Mi Nɔnɔle 11:12

Maa ɛ munu ’ko bɔn sii? Maa ɛ wo yaa? Yé bé fé maa lɛ léé, an wo si an golɛ gi bélé lezan lé éé nyɔ dɔa élé né ’léé, a zo, yé i léé, an go wo nya fɔɔ tɛrɛ lé ibo ’nyɔɔn wo tranu lɛ léé, i dan a nɔ lɛ wo lɛ bɛ, a taa?

Mi Nɔnɔle 14:16

plɛplɛ ’ka Gakelebale lee yé é go munu ’ko nya tɛrɛ lé ’ébo ’nyɔɔn léé, é dan a nɔ lɛ wo lɛ, a ta lo; amalé é wo gyɛ bwi gi.

Mi Nɔnɔle 14:30

ka ’ka dan wɔra lɛ tɛrɛ lé ’ébo ’nyɔɔn léé, ka dan nyana lɛ a ta bɛ, a ta pelo; ’té dé é ’ka Jéfuné be Kalɛb valé Nɛn be Jozué nya lo.

Mi Nɔnɔle 32:11

Munu lé wo si Éjipiti tɛrɛ la, ’té wo lɛɛ gié lɛɛ yɔ do ta, tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, wo va mi do kpen ’ka dan a ye lɛ lo. Wo ’ka tawo lɛ an zuo yarapalale nya lo,

Kelewenu 7:5

Bale ’ka tɛrɛ kiéné nɔ lɛ a lɛ azé nya lo yé é ’ka é gane dɔrana boen ye lɛ lo, naa, Bale blivolɛdére fe a lɛ léé, é dan tɛrɛ nɔ lɛ a lɛ azé nya, ’bɛ valé a kulunu zé nya é voéla lii, dɔlé ’té alé né do kpen ’ka lo.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 11:9

Tɛrɛ lé Bale a ma blivolɛdére fe Abraam lɛ léé, é dan kɛlɛ lɛ azé nya, é vo ’bɛna bélé bɛn zo, yé é nyana sɔkɔn wuo blipale nya. A zo duo lé Izak valé Jakɔb a kɛlɛ; Kazambale blivolɛdére duo fe ’bɛnu lɛ yé ’bɛnu kɛlɛ tɔnɔblezannu nya Abraam va.

Jozué 1:6

’Ibo dɔ gligli, yé ’i bli ta dɔ plɛplɛ, naa, tɛrɛ lé maa a fe ka tranu lɛ anbo ’nyɔɔnle nya lé maa dan a nɔ lɛ wo lɛ, mi lé é dan munu ’ko nyana lɛ a ta, bii ɛ ke a nya.

Jozué 24:3

Maa ka tra Abraam si yuu zi, yé maa a kɛlɛ giézan nya Kanaan tɛrɛ faa la; maa a kulu gi gyɛ yé maa Izak nɔ a lɛ.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Weblezannu 2:1

Gakelebale lé lanje do si Gilgal yé é go loru zia Bokim yé é léma: Maa ka si Éjipiti tɛrɛ la yé maa da ka nya, tɛrɛ lé anbo ’nyɔɔn ka tranu lɛ léé, maa dan a nɔ lɛ wo lɛ, a ta. Maa léé, maa ’ka dan anlé gipawe sɛrɛ lɛ ka va monomono lo;