Wepélisiananu 23:4 - Kazambale lé Sebe Sauunu 1979

⁴ Maa a bɛn nya yé an nyanaan ka va; ’ka mipana nɔ an lɛ ka va, yé maa anlé migale pa yé é si an yuɛ gi.

Wepélisiananu 23:4 ပူးပေါင်းရင်းမြစ်များ

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 23:5

Et benu lé Abraam lɛ léé:

Wepélisiananu 3:19

I yara kyɛyee zi lé i dan fɛ ble lɛ fɔɔ yé i nɔla é ziin tɛrɛ lé maa i kɛlɛ a nya bɛ, a nya; naa, i a vun nya, yé i dan nɔla lɛ vun nya é ziin.

Wepélisiananu 47:9

Jakɔb lé Faraɔn lɛ léé: An giélɛɛ faa a lɛɛ yɔ suiɛdo wɔlɛ vu. Anlé tɛrɛlalɛɛnu ’ka di lo yé wa lɛɛ lɛrɛlɛrɛnu nya. Wo ’ka bɔ lɛ an tranu gié tɛrɛlalɛɛ nya ékema lo.

Wepélisiananu 49:30

Yee lé é ke Makipéla tɛrɛ la, Mamré yara zia, Kanaan tɛrɛ la. Tɛrɛ lé Abraam a lɔ Et mi Éfrɔn lee ézé mipana nya, yee lé.

Wepélisiananu 50:13

Wo go a nya Kanaan tɛrɛ la, yé wa pa gɔmaguru lé é ke Makipéla féi, a gi. Yee lé Abraam a lɔ Et mi Éfrɔn lee ézé mipana nya, Mamré yara zia.

Minwiinzannu lé Wezuofe Sɛbɛ 29:15

Ko a bɛnnu valé giézannu nya i yuɛ gi, bélé ko tranu faa zo; kolé tɛrɛla yinu a bélé furɔ zo, yé ko bli ’ka we do lɛ lo.

JOB (Job) 30:23

Naa, maa a gi dɔɔ léé, i a gona an nya an gana, Fɛana lé é a lé mi yuɛmale faa é go, ana.

Lɛrɛvɔ Sɛbɛ 119:19

Maa a bɛn nya tɛrɛ la; Té i ilé bélidɔwe sɔnnénu yɔɔ an lee lo.

Lɛrɛvɔ Sɛbɛ 39:12

Dé i we lɛdɔ mi gi alé weplenu yɛrama, I alé fɛwezan sɛra bélé boworo zo. Iin, mi faa a fu fɛɛle do nya. Ka ye do.

Fwile 2:22

É né yaa gɔné nya, yé é tɔ pa a ma Gɛɛsom; é léé: Maa nyana bɛn tɛrɛ la, azama.

Bale Lé We Gifezan 12:5

bléyi do é dan bɔ lɛ yé kɔntabinmunu ma é dan nyɔɔn lɛ, yé gɔné plɛplɛnu é dan plin lɛ, yé lomu é dan daan lɛ fɛ zɔnle ma, wolé plɛplɛ nyaa, azama; yé munu lé wo yɛrɛ ginian fɛnɛtinu ta, wo yuɛ gi gunu é dan dɔra lɛ;

Bale Lé We Gifezan 12:7

wo dan kana lɛ gɔsɛnénu giéle lee, yé tawole zi ta di é dan kini lɛ mi gi; mi nwana é dan bɔ lɛ bélé amandéyili vwi bile zo; gangan ma bɛn é dan dɔ lɛ, yé zian va bla ’ka zian kɛla néné é dɛrɛ lo; naa, blami a gona ’é gona, yé wuvɔmunu éé giéan zinu ta;

Bale Lé We Gifezan 6:3

Dé é kɛlɛ léé, mi do be a yɔ soru yé é lɛɛ kiɛre kɛlɛ tɛrɛ la, ’té alé tɛrɛlayinu gi éé goo gyɛle nya, dé é ’ka kan lɛ wezin nya pelo, ’bɛ ta loru, dé wo ’ka a vun kɛlɛ lɛ é nɔnɔmi lo, maa fe i lɛ, né sɛrɛle zé a néné é mini azé ta.

Lévinu 25:23

Té ka tɛrɛ dan monomono lo; naa, tɛrɛ a anzé nya, yé ka a an va bélé bɛn zo, bélé fɛginizannu zo.

Kelewenu 7:16

yé wo go wo nya Sisɛm, yé mi pana lé Abraam a lɔ gɔɔlifu nya Sisɛm ti Amɔɔ benu lee, wo wo pa ’bɛna.

Kelewenu 7:5

Bale ’ka tɛrɛ kiéné nɔ lɛ a lɛ azé nya lo yé é ’ka é gane dɔrana boen ye lɛ lo, naa, Bale blivolɛdére fe a lɛ léé, é dan tɛrɛ nɔ lɛ a lɛ azé nya, ’bɛ valé a kulunu zé nya é voéla lii, dɔlé ’té alé né do kpen ’ka lo.

Ébrunu 11:9

Tɛrɛ lé Bale a ma blivolɛdére fe Abraam lɛ léé, é dan kɛlɛ lɛ azé nya, é vo ’bɛna bélé bɛn zo, yé é nyana sɔkɔn wuo blipale nya. A zo duo lé Izak valé Jakɔb a kɛlɛ; Kazambale blivolɛdére duo fe ’bɛnu lɛ yé ’bɛnu kɛlɛ tɔnɔblezannu nya Abraam va.

1 Piɛri 2:11

’Kaa lé ka sɔ an lɛ, ka a bɛnnu valé giézannu nya, amalé maa we plaan ka lɛ léé, mi dɔbɛ kyɛn lé blibɔmawenu lé woo guli daan mi boen va, ’ka daan wo ma.