Wepélisiananu 23:2 - Kazambale lé Sebe Sauunu 1979

² Sara ga Kiijat‐Aaba, ’bɛ gi léé, Ébrɔn, Kanaan tɛrɛ la; yé Abraam da a gyɛ bole valé a wuvɔle we gi.

Wepélisiananu 23:2 ပူးပေါင်းရင်းမြစ်များ

Wepélisiananu 13:18

Abram élé sɔkɔnnu si, yé é da nyana lɛ Mamré lé sɛnéyilinu méléna, ’té é ke Ébrɔn sɔnɔ bɛ. É Gakelebale banna do kɛlɛ ’bɛna.

Wepélisiananu 23:1

Sara lɛɛ kɛlɛ yɔ suiɛdo wɔlɛ sɔrafié; a zo lé Sara lé tɛrɛlalɛɛ ke.

Wepélisiananu 23:19

’Bɛ zuo Abraama é na Sara pa Makipéla gɔmaguru gi, Mamré, ’bɛ gi léé, Ébrɔn, a yara, Kanaan tɛrɛ la.

Wepélisiananu 24:67

Izak go Rébéka nya é bu Sara lé sɔkɔn gi; é Rébéka si é na nya, yé é sɔ a lɛ. ’Bɛ kɛlɛ Izak tɔrɔpaawe nya a bu gale zuo.

Wepélisiananu 27:41

Jakɔb za Ézau bɔn fan a ti lé a drɔɔ vole we ma; yé Ézau lé é bli gi léé: Fɛan zo lé an ti gyɛboyinu a bɔna é pu, dé ’bɛ nyaa faa, maa dan an zuané Jakɔb gyɛ lɛ.

Wepélisiananu 35:27

Jakɔb bɔ é ti Izak va Mamré, Kiijat‐Aaba, yee lé ke Ébrɔn nya. Ana lé Abraam valé Izak nyana.

Wepélisiananu 37:14

Izraɛl lé a lɛ léé: ’I go ma. Dé i bwenu anaa? dé trubɛnu a drɔɔ? ’i go bé nagini, yé i da wo ta we fe an lɛ. Yé é Jozɛfu pa zia; yé é nwa Ébrɔn gɔnu worona yé é go Sisɛm.

Wepélisiananu 50:1

Jozɛfu dia é ti yara, yé é wuvɔ a ta, yé é pwɛpwɛ vɔ a ma.

Wepélisiananu 50:10

Wo bɔ aan wo Atad lé ’sa sunwona, ’bɛ a Juudɛn yuu zi, wo wuvɔ plɛplɛ yé wo dére bɔ baa, yé Jozɛfu ’é ti gyɛ bo yi sɔrafié ’bɛna, a ti tɔ kɛlɛle blɛn we ma.

2 Samuɛl 1:12

Wo yiri vɔ gyɛ bole koo, wuvɔle koo, lɔrɔ sɔnle koo, wo nya, Saul koo, é be Jonatan koo, Gakelebale lé munu koo, Izraɛl lé munu koo, wo diale gwɔun ’léé we ma.

2 Samuɛl 1:17

Gyɛ wuvɔ lɛrɛ lé David a vɔ Saul valé é be Jonatan gyɛ la,

2 Samuɛl 2:11

David nyana Ébrɔn yé é pla Judanu nwiin ’bɛna lɛɛ sɔrafié moné suiɛdo.

2 Samuɛl 5:3

’Bɛ zo lé Izraɛl mi segelenu faa da minwiinzan va Ébrɔn yé minwiinzan David é gi pa do wo va Ébrɔn, Gakelebale yara. Wo nyɔnɔ zén David nwiin, a kɛlɛle Izraɛl nwiinzan blɛn nya we ma.

2 Samuɛl 5:5

É pla Juda nwiin Ébrɔn lɛɛ sɔrafié moné suiɛdo, yé é pla Izraɛl valé Juda nwiin Jérusalɛm lɛɛ yɔ do wɔlɛ vu ta yaa.

Minwiinzannu lé Wezuofe Sɛbɛ 6:57

Flanu lé wa nɔ Arɔn benu lɛ, wo lé ke ’ko: miyɔɔlafla Ébrɔn, Libina valé é ginima tɛrɛ, Jatii, Esitémoa valé é ginima tɛrɛ,

2 Minwiinmunu lé Wezuofe Sɛbɛ 35:25

Jérémi Jozias tɔ sia lɛrɛ nya. Lɛrɛvɔgɔnénu valé lɛrɛvɔlomu faa wo Jozias kɛlɛwe vɔ wuvɔlɛrɛnu nya fɔɔ kyɔ yi nya, yé we ’ko kɛlɛ Izraɛl lé gɔnɔlawe nya. Lɛrɛ ’konu a é gyɛle wuvɔlɛrɛ lé sɛbɛ gi.

Néémi 11:25

Dé é a flanu valé wo zi tɛrɛnu zé nya, Juda kulunu nyana Kiijat‐Aaba koo, Dibɔn koo, Jékabaséɛl koo, ’wo valé wo zi flanu,

Jérémi 22:10

Té ka wuvɔ ka nwiinzan Jozias lé é ga, a ta lo, Té ka a gyɛ bo lo; A be lé é ke gona luu gi, ’ka wuvɔ ’bɛzan ta. Naa, é ’ka dan da lɛ é pa gi é dɛrɛ lo; É ’ka dan é yaatɛrɛ ye lɛ é dɛrɛ lo.

Jérémi 22:18

Amalé Gakelebale Juda munu nwiinzan blɛn Jozias be Jojakim mawe fe léé: Wo ’ka dan wuvɔ lɛ a ta A fele nya léé: Yéé! an bwe, yéé! an buru, lo. Wo ’ka dan wuvɔ lɛ a ta A fele nya léé: Yéé! anzan, fua blɛn, i gale nyɔ, lo.

Mi Nɔnɔle 13:22

Wo gié yirinwana bɛyilazia, yé wo go fɔɔ yé wo bɔ Ébrɔn; ana lé Aiman koo, Sésai koo, Talmai koo, wo ke. Wa Anak?-?munu nya. Wo Ébrɔn fla pa yé ’bɛ zuo lɛɛ sɔrafié wo Soan pa Éjipiti tɛrɛ la.

Mi Nɔnɔle 20:29

Munu faa a ye léé, Arɔn lɛ bo, yé Izraɛlnu lé kɔngimunu faa a wuvɔ yi yɔ do wɔlɛ vu.

WENÉNÉ LE JAN A GYE (Évangile selon Jean) 11:31

Juifinu lé wo ke Mari va kɔn gi a tɔrɔ paana bɛ, wa ye aan wo léé, é nwa é kele yé é bɔra, é dɔ wo gi léé, é a gona mi vun ta wuvɔle we ma, yé wo go a zuo.

WENÉNÉ LE JAN A GYE (Évangile selon Jean) 11:35

Jézu wuvɔ.

Kelewenu 8:2

Bale lé zi sɔlɛzannu Étiɛne pa, yé ’bɛnu a wuvɔ siaale nya.

Bélidɔwesɛbɛ Fiézan 34:8

Izraɛl munu Moizi wuvɔ yi yɔ do wɔlɛ vu Moab lé fɛna pɛblɛɛna; yé Moizi wuvɔle valé a gyɛboyi ’konu lɛ sɔɔ.

Jozué 10:39

Fla koo, a nwiinzan koo, fla faa lé wo ke a wuo koo, Jozué wo si; wo wo tamunu gyɛ gwɔun nya, yé mi faa lé wo ke ana wo wo gyɛ tata, é ’ka fɛ do kpen vo lɛ lo; fɛan zo lé é a kɛlɛ Ébrɔn koo, Libina valé é nwiinzan koo, wo lɛ, a zo duo lé Jozué a kɛlɛ Débii valé é nwiinzan lɛ.

Jozué 15:13

Wo Jéfuné be Kalɛb zé nɔ é lɛ Juda benu va fɛan zo lé Gakelebale a fe Jozué lɛ, a zo; Kiijat‐Aaba lé ke Ébrɔn nya, wa nɔ a lɛ; Aaba a Anak ti nya.

Jozué 15:54

Umta koo, Kiijat‐Aaba lé ke Ébrɔn nya koo, Siɔɔ koo, woo lé; fla blɛnnu a sɔraziɛn, é valé ’wolé flanénu nya.

Jozué 20:7

Kédɛs lé ke Galilé tɛrɛ la Néfitali gɔ ma koo, Sisɛm lé ke Éfraim gɔ ma koo, Kiijat‐Aaba lé ke Ébrɔn nya Juda gɔ ma koo, wo wo pa é yɛrama.

Jozué 21:11

Kiijat‐Aabɛ lé ke Ébrɔn nya Juda gɔ ma, wo yee valé ’é zi tɛrɛnu nɔ wo lɛ. Aaba a Anak ti nya.

Weblezannu 1:10

Juda go guli dan lɛ Kanaannu lé wo ke é nyanale Ébrɔn, ’té wa tɔ laama é vinin Kiijat‐Aaba bɛ, wo va; Sésai koo, Aiman koo, Talmai koo, é anamunu gyɛ.

1 Samuɛl 20:31

Dé Izai be vo é yuɛma, bii valé ilé kɛlɛle minwiinzan nya se ’ka dan dɔ lɛ gligli lo. Yé sin, ’i mi pa zia a ginina, yé ’i da a nya an lɛ ’ko, naa, a ga yara lé.

1 Samuɛl 25:1

Samuɛl ga. Izraɛl faa zén ékeva yé wa wuvɔ yé wa pa élé kɔn gi Rama. Yé David nwa yé é go tɛrɛ zia Paran bwi la.

1 Samuɛl 28:3

Samuɛl ga turu; Izraɛl faa a wuvɔ yé wa pa élé fla, Rama. Saul blagiézannu valé ’monédɔzannu si turu élé tɛrɛ la.