Wepélisiananu 22:3 - Kazambale lé Sebe Sauunu 1979

³ Abraam nwa bladi tutu, é nyanatafɛ pla élé sokofale punu yé é ’é wuomunu fié valé é be Izak si. É kyɛ fén gyɛ balebanwi kyɛblele we ma yé wo nwa yé wo go fɛ lé Kazambale a fe a lɛ, ana.

Wepélisiananu 22:3 ပူးပေါင်းရင်းမြစ်များ

Wepélisiananu 17:23

Abraam be Ismaɛl koo, gɔnénu faa lé wa yaa alé kɔn gi koo, é valé wo lé é wo lɔ gɔɔli nya koo, gɔnénu faa lé wo ke Abraam lé kɔn gi, Abraam wo si yé é wo gane dɔ yee yi duo nya, dére lé Kazambale a fe a lɛ, a yɛrama.

Wepélisiananu 21:14

Abraam nwa bladi tutu; é buru si yé é ’yi fan wikɔlɛkuo nya yé é wo nɔ Agaa lɛ yé ’bɛ a dɔ ’é bɛapa ta. Yé Abraam né nɔ a lɛ é ziin, yé é a pa zia. Lezan go yé é vo nɔɔna bwi lé wa laama Bɛɛ‐Sééba, a gi.

Wepélisiananu 22:18

I an dére lɛdɔma, amalé tɛrɛla bɛnnu faa drɔɔ é dan vo lɛ i kulu pli zi.

Wepélisiananu 22:2

Yé Kazambale léé: ’I be si; i be wɔlɛ do kpen lé é ke Izak nya, ’té é sɔ i lɛ é baba bɛ, bé si yé ’i goan Morija tɛrɛ la yé gɔnu va gɔ do lé maa dan a gɔɔn lɛ i lɛ, bé kyɛ ble an lɛ blɛ nya a nwiin.

Wepélisiananu 22:4

Wo tawo yi fié a yi yaazan nya Abraam é yuɛ vɔ é ’lɛzia yé é ana ye baa.

Lɛrɛvɔ Sɛbɛ 119:60

An goo, an ’ka mɔn‐o lo, Yé an tawo é kele ilé bélidɔwe sɔnnénu ta.

Bale Lé We Gifezan 9:10

Nyanama faa lé i wo yé, ’i wo pa ilé plɛplɛ nya; naa, i a gona fɛana, migalenu nyanana bɛ, wekɛlɛle koo, ’wuo gi bɔrɔle koo, gikinile koo, wedɔɔle koo, wo ’ka ana lo.

Matio 10:37

Mi lé é ti valé é bu we minié an ta, a yara ’ka lé, ’é kɛlɛ anzé nya lo; yé mi lé é be valé é lu we minié an ta, a yara ’ka lé, ’é kɛlɛ anzé nya lo;

WENÉNÉ LÉ LUK A GYE (Évangile selon Luc) 14:26

Dé mian da an va yé a ti koo, a bu koo, a na koo, alé nénu koo, a bwenu valé a burunu koo, abozen lé tɛrɛla koo é ziin, dé wo za ’ka a gi lo, é ’ka bɔa kɛlɛle lɛ an zuozan nya lo.

Galasi munu 1:16

Yé é sɔ Bale lɛ léé, é ’é Be nagɔɔn an nya léé, maa ’bɛlé we fe bɛnnu worona. Kele tɔɔn maa ’ka we laa lɛ mi do kpen lee lo,

Ébrunu 11:8

Kazambale Abraam laa aan wo, é Bale lɛdɔma yé blipale nya lé é go fɛana lé é dan tɔnɔ ble lɛ, ana, yé fɛ lé é ’ka ana dɔɔa lo, é go ana.

Jozué 3:1

Jozué nwa bladi tutu yé yee valé Izraɛl lé nénu faa si Sitim. Wo bɔ Juudɛn yuu ma, yé wo nyana ana fɔɔ yé wa kini.

Jozué 8:10

Jozué nwa bladi tutu yé é munu nɔnɔ, yé yee valé Izraɛl segelenu a munu ’lɛ yé wo go Ai ma.