Wepélisiananu 22:17 - Kazambale lé Sebe Sauunu 1979

¹⁷ maa dan i drɔɔ vo lɛ yé maa dan i kulu kɛlɛ lɛ di bélé la gi monénénu zo, bélé wɛyi gɔɔn ma nyéné zo di; yé i kulu é dan pla lɛ é nyanézannu nwiin.

Wepélisiananu 22:17 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 13:16

Maa dan ilé nénu kɛlɛ lɛ bélé tɛrɛ lé vun zo di. ’Bɛ ma, dé mi é bɔa lɛ é tɛrɛ lé vun nɔnɔ, ’té é bɔa ilé nénu nɔnɔle lɛ é ziin.

Wepélisiananu 15:5

É go a nya béera yé é léé: ’I lagi gini, yé ’i monénénu nɔnɔ, dé i bɔa wo nɔnɔle lɛɛ? Yé é lé a lɛ léé: I kulu é dan kɛlɛ lɛ bélé wo zo.

Wepélisiananu 17:6

Maa dan i kɛlɛ lɛ né kiɛre yaazan nya fɔɔ ’bɛ glɛ ’ka lo. I nya lé bɛnnu é dan kɛlɛ lɛ yé minwiinzan blɛnnu é dan si lɛ i gi.

Wepélisiananu 24:60

Wo Rébéka drɔɔ vo yé wo lé a lɛ léé: Oo, ko zuané, ’i kɛlɛ mi baa wuru é wuru bu nya, yé ilé nénu é pla ’wo nyanézannu nwiin ma.

Wepélisiananu 25:11

Abraam gale zuo, Bale a be Izak drɔɔ vo. É nyana Lakai‐roi ’yiguru sɔnɔ.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 28:3

Plɛplɛ faazan Bale ’é i drɔɔ vo yé ’é i fan ma, yé ’é i kɛlɛ di ma, i kɛlɛle bɛn kiɛre nya we ma.

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

Wepélisiananu 32:12

Yé bii, i léé, ’é dan wezin kɛlɛ lɛ an lɛ, yé ’é dan an kulunu kɛlɛ lɛ di bélé wɛyi gɔɔn ma nyéné zo, ’té wo ’ka bɔa wo nɔnɔle lɛ lo.

Wepélisiananu 32:13

Fɛkona lé Jakɔb yii. É ’é leefɛnu ke si é bwe Ézau blan nya.

2 Samuɛl 17:11

Amalé, maa we plaan ka lɛ léé, Izraɛl faa ’é zén ékeva i va, é sia Dan fɔɔ yé é bɔ Bɛɛ‐Sééba, yé ’wo kɛlɛ mi gu nya bélé wɛyi gɔɔn ma nyéné zo. Biibozen é dan go lɛ guli dan lɛ.

1 Minwiinzannu 4:20

Juda valé Izraɛl munu a kiɛre é baba, wa bélé wɛyi gɔɔn ma nyéné zo. Woo fɛ blé, ’té woo fɛ minian, ’té wo gi éé nanaan.

1 Minwiinzannu 9:26

Minwiinzan Salomɔn ’yitagoronu kɛlɛ Esijɔn‐Gébɛɛ, Élɔt sɔnɔ wɛyi sɔɔn gɔɔn ma, Édom tɛrɛ la.

Minwiinzannu lé Wezuofe Sɛbɛ 27:23

Izraɛl va munu lé wo lɛɛ ’ka tan bɔ lɛ yɔ do lo, David ’ka wo nɔnɔma lo, naa, Gakelebale a fe léé, é dan Izraɛl ’léé gi gyɛ lɛ bélé lagi monénénu zo, azama.

2 Minwiinmunu lé Wezuofe Sɛbɛ 1:9

Migɔnɔ do lé wo ’léé ke kiɛre bélé vun zo, i an dɔ wo nwiinzan nya. Amalé, sin, Gakelebale, blivolɛdére lé bé fe an ti David lɛ, bé lɛ sɔɔ ma.

Néémi 9:23

I wo benu fan bélé lagi monénénu zo, yé tɛrɛ lé bé fe wo tranu lɛ léé, wo dan a si lɛ wozé nya, i bɔ wo va yé wo nyana a ta.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Ézai 48:19

’Té i kulunu a bélé nyéné zo di, ’Té ilé nénu a bélé wɛyi gɔɔn ma nyéné zo; ’Té maa ’ka i tɔ fwian lo, ’té i tɔ ’ka nyaan an ’lɛ lo.

Jérémi 32:22

I tɛrɛ ’ko nɔ wo lɛ, tɛrɛ lé ibo ’nyɔɔn léé, i dan a nɔ lɛ wo tranu lɛ, yee lé, tɛrɛ nyɔnɔzan lé.

Jérémi 33:22

Fɛan zo lé wo ’ka bɔa lagi monénénu nɔnɔle lɛ lo yé wo ’ka bɔa wɛyi gɔɔn ma nyéné nɔnɔle lɛ lo, a zo duo lé an wuozan David valé Lévinu lé woo an va nyanama paan, maa dan wo kulunu gi gyɛ lɛ.

OZÉ (Osée) 2:1

Duowo, Izraɛl lé nénu é dan kɛlɛ lɛ kiɛre bélé wɛyi lé nyéné lé wo ’ka bɔa a ’léé danle lɛ mɛtrɛ nya lo yé wo ’ka bɔa a nɔnɔle lɛ lo, a zo; yé fɛana lé Bale a fe wo lɛ léé, ka ’ka ’élé munu nya lo, ’bɛna lé é dan a fe lɛ wo lɛ léé: Bale yuɛmale benu.

Misé 1:9

Wo manɔn a tɔntɔn, ’bɛzama. Éé goo fɔɔ Juda tɛrɛ la; éé goo fɔɔ anlé munu lé flagɔrɔ ’léé, fɔɔ yé é bɔ Jérusalɛm.

Rom munu 4:13

Bale ’ka blivolɛdére fe lɛ Abraam valé é kulunu lɛ léé, wo dan tɛrɛ ye lɛ ’wozé nya bélidɔwe ma lo, naa, blipale lé éé mi kɛla tegele, ’bɛ ma lé wo dan a ye lɛ.

Rom munu 9:27

Ézai é ziin, é siaa Izraɛl lé we ma, léé: Dé Izraɛl benu ’léé kɛlɛ wɛyi ma nyéné zo, A ’léé kiéné ɛ dan si lɛ we gi.

1 Korent munu 15:57

Naa, Kazambale lé éé guliwuo no kaa lɛ Kaazan Jézu Krist gi, ’wa bɔ vɔ ma.

Éfez munu 1:3

Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

Bélidɔwesɛbɛ Fiézan 1:10

Gakelebale, kalé Bale, ka fan, yé kyɔ ka a kiɛre bélé lai monénénu zo.

Bélidɔwesɛbɛ Fiézan 1:11

Gakelebale, ka tranu lé Bale, ’é ka fan kiɛre é ziin gɔnɔ wuru soru ma, yé ’é ka drɔɔ vo, é a fe ka lɛ fɛan zo, a zo ma.

Bélidɔwesɛbɛ Fiézan 10:22

Ka tranu go Éjipiti tɛrɛ la, ’té wa mi yɔ yaa wɔlɛ vu; sin, Gakelebale, kalé Bale ka kɛlɛ mi gu blɛn nya, kiɛre bélé lagi monénénu zo.

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Bélidɔwesɛbɛ Fiézan 13:18

Dé ka Gakelebale, kalé Bale dére ’ma, yé a sɔnnénu lé maa wo gɔɔn ka lɛ kyɔ, dé ka wo pa, yé we lé é ke é drɔle Gakelebale, kalé Bale yuɛ gi, dé ka ’bɛ kɛlɛ, Gakelebale é dan we ’konu faa kɛlɛ lɛ ka lɛ.

Bélidɔwesɛbɛ Fiézan 21:19

a ti valé a bu a si yé ’wo da a nya fla mi segelenu va, wolé flagɔrɔ ’léé.

Ébrunu 11:12

Bɛwemalé, mi do kpen lé a kɔlɛ kɛlɛ é kwakwa é pia nya, a kulu kɛlɛ kiɛre, bélé monénénu zo di, bélé wɛyigɔɔnma nyéné lé wo ’ka bɔa a nɔnɔle lɛ lo, a zo di.

Ébrunu 6:14

yé é léé: Weboen nya, maa dan i drɔɔ vo lɛ é baba, yé maa dan i kulu kɛlɛ lɛ di.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.