Wepélisiananu 21:2 - Kazambale lé Sebe Sauunu 1979

² Sara bɔn si yé é né yaa gɔné nya Abraam lɛ kwa ta né nya, bléyi lé Bale a fe, a nya.

Wepélisiananu 21:2 ပူးပေါင်းရင်းမြစ်များ

Wepélisiananu 17:19

Kazambale léé: Webozen lé, i na Sara é dan né yaa lɛ gɔné nya i lɛ; yé i dan a tɔ pa lɛ Izak. Maa dan an gi pa lɛ do a va, gipawe do lé é ’ka nyaan lo, ’té é dan kɛlɛ lɛ alé nénu zé nya a zuo, a nya.

Wepélisiananu 17:21

Naa, Izak lé Sara é dan a yaa lɛ i lɛ bléyi ’ko va lɛɛ bɛ gi, yee ɛ va lé maa dan an gi pa lɛ do.

Wepélisiananu 18:10

Yé wo va mi do léé: Maa dan da lɛ i va é ziin bléyi ’ko bɛ nya; bé ye, i na Sara é dan négɔné yaa lɛ. ’Té Sara a gɔnézan zuo, sɔkɔn ’léé, ’té a tɔné a é dɔle.

Wepélisiananu 18:14

Gakelebale kelewe aa? Bléyi lé maa a dɔ, maa dan da lɛ ’bɛ bléyi nya i va, bléyi ’ko bɛ nya, lɛɛ bɛ gi, yé Sara é dan né yaa lɛ gɔné nya.

WENÉNÉ LÉ LUK A GYE (Évangile selon Luc) 1:36

Bé ye, i buru Élizabɛt é ziin, é négɔné bɔn si élé kwa ta gi, yé le lé wa laama sɔnzan bɛ, a moné suiɛdozan lé ke ’ko.

Kelewenu 7:8

Yé Kazambale é gi pa do Abraam va ganedɔwe nya. Bɛwemalé Abraam Izak yaa yé é a gane dɔ a yi sɔraazan nya. Yé Izak Jakɔb yaa yé é a gane dɔ, yé Jakɔb guniwuo vu ta fié yaa yé é wonu gane dɔ.

Rom munu 9:9

Ka ye, blivolɛdére lé ke ’ko: Maa dan da lɛ lɛɛ bɛ gi bléyi ’ko duo nya yé Sara é dan négɔné yaa lɛ.

Galasi munu 4:22

Wa gyɛ a gi léé: Abraam négɔné fié yaa; a do a luudané be nya, yé a do a miné lu be nya.

Ébrunu 11:11

Mi lé é blivolɛdére fe, Sara é bli vo alé yara pale we la lɛ, amalé Sara bozen kɛlɛ é kwaoo, alé né bɔ kɛlɛle lɛ duowo alé blipale ma.

Jozué 24:3

Maa ka tra Abraam si yuu zi, yé maa a kɛlɛ giézan nya Kanaan tɛrɛ faa la; maa a kulu gi gyɛ yé maa Izak nɔ a lɛ.