Wepélisiananu 20:7 - Kazambale lé Sebe Sauunu 1979

⁷ Sin, ’i lezan nɔ gɔnézan ’ko lɛ é pai; naa, é a balelayezan nya yé é dan bazoro lɛ i tɔ ma yé i dan béli lɛ. Naa, ’i we ’ko gi dɔɔ ma: dé i ’ka a nɔ lɛ lo, i dan ga lɛ, bii valé ilé munu faa nya.

Wepélisiananu 20:7 ပူးပေါင်းရင်းမြစ်များ

Wepélisiananu 12:15

Faraɔn lé mi blɛnblɛnnu a ye é ziin, yé wa nɔnɔmi ze vɔ Faraɔn va, yé wo go a nya Faraɔn lé kɔn gi.

Wepélisiananu 12:17

Yé Gakelebale manɔn blɛnnu vɔ Faraɔn valé élé kɔngimunu ma, Abram na Sarai lé we ma.

Wepélisiananu 2:17

naa, wezin valé wenyané vasiyili bɛ, té bé poro ble lo; dé bé ble yian ma, i gaan.

Wepélisiananu 20:3

Kazambale da Abimélɛk va nyɛ fla é béli yé é lé a lɛ léé: Lezan lé bé si bɛ, i dan ga lɛ alé we ma, naa, a zana a.

Wepélisiananu 20:8

Abimélɛk nwa bladi tutu, yé é wuomunu faa laa yé é we ’konu faa zuo fe wo lɛ; yé kana blɛɛn zén munu ’konu gi.

Wepélisiananu 23:6

Anzan, ’i tɔné dɔ ko lɛ. I a Bale lé mi blɛn nya ko méléna ’ko; dé kolé mipana‐an sɔ i lɛ, ’ilé migale pa ana; ko va mian é dan élé mipana nyané kɛlɛ lɛ i lɛ léé, té ilé migale pa lo, ’bɛzan ’ka lo.

2 Samuɛl 24:17

David lanje ye, ’té éé munu gya yé é lé Gakelebale lɛ léé: Bé ye, maa ɛ wenyané kɛlɛ. We a maa ɛ nwiin; naa, ’blanu ’ko, mɛ lé wa kɛlɛɛ? ’I bɛ kɛlɛ maa valé an ti lé kɔngimunu ta ma.

1 Minwiinzannu 13:6

Minwiinzan blɛn lé Bale lé mi lɛ léé: ’I zanté vɔ Gakelebale, ilé Bale lɛ, yé ’i bazoro anlé we ma, léé, an bɛ ’é bɔ plinle lɛ. Bale lé mi zanté vɔ Gakelebale lɛ yé minwiinzan bɔ é bɛ plinle lɛ, yé é kɛlɛ bélé é vinin zo.

2 Minwiinzannu 5:11

Naaman bli fli yé é go a fele nya léé: Bé ye, é a an gi kɔɔn léé, é dan bɔra lɛ an va é boan yé é dan Gakelebale élé Bale tɔ laa lɛ yé é dan ’é bɛ gié lɛ pantɛn ta yé pantɛn é dan si lɛ an ma.

Minwiinzannu lé Wezuofe Sɛbɛ 16:22

Yé é léé: Té ka bɛ mané munu lé an nyɔnɔ zén wo nwiin, wo ma lo, Té ka wenaané bɔ anlé balelayemunu ma lo.

2 Minwiinmunu lé Wezuofe Sɛbɛ 30:18

Naa, munu va mi palu blɛn ’ka wobo kɛlɛ lɛ tegele lo; Éfraimnu koo, Manasénu koo, Isakaanu koo, Zabulɔnnu koo, wo va mi kiɛre ’ka ’wobo kɛlɛ lɛ tegele lo. Yé wa Taboyi lé fɛ blena, dɔlé ’té wo ’ka a kɛlɛna wean wa gyɛ sɛbɛ ta, a yɛrama lo. Naa, Ézékia bazoro wolé we ma yé é léé: Gakelebale, bii ɛ ke é zin;

JOB (Job) 34:19

É ’ka dɔa mi blɛnnu zuo wo leefɛ ma lo, É ’ka fuablezan valé nyanégyɛzan lé we sié ékema lo, Wo faa a a bɛ panyanama nya, azama.

JOB (Job) 42:8

Sin, ’ka dirigɔné sɔrafié valé ’blagɔné sɔrafié si, ’ka goan an wuozan Job lɛ, yé ’ka wo nɔ, balebanwi lé wa kyɛ blé, a nya, kabo lé we ma. An wuozan Job é dan bazoro lɛ ka tɔ ma, yé a pli zi lé maa ’ka dan we kɛlɛ lɛ ka lɛ kalé tavowe yɛrama lo; naa, ka ’ka anlé we fe lɛ ’é fena bélé an wuozan Job a fe fɛan zo, a zo lo.

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Fwile 18:17

A na ti lé a lɛ léé: We lé i ke a kɛlɛna, é ’ka zima lo.

Fwile 4:16

É dan we fe lɛ munu lɛ i lɛ; é dan kɛlɛ lɛ i ’léé nya i lɛ, yé i dan kɛlɛ lɛ Bale nya a lɛ.

Fwile 7:1

Gakelebale lé Moizi lɛ léé: Maa i kɛlɛ Bale nya Faraɔn lɛ; yé i bwe Arɔn é dan kɛlɛ lɛ ilé balelayezan nya.

Jérémi 14:11

Yé Gakelebale lé an lɛ léma: Té i munu ’ko lé muun pa lo.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 27:18

Dé wa balelayezannu nya webozen nya, yé dé Gakelebale dére a wo ’léé webozen nya, ’wo muun pa lai sunyanu lé Gakelebale la léé, nyanamapafɛnu lé woo voo Gakelebale lé kɔn valé Juda nwiinzan blɛn lé kɔn gi valé Jérusalɛm, té ’wo go wo nya Babilɔn lo.

Ézékiɛl 3:18

Dé maa a fe wenyanékɛlɛzan lɛ léé: I dan ga lɛ, dé i ’ka we lɛ kini lɛ a lɛ lo, dé i ’ka we fe lɛ wenyanékɛlɛzan lɛ léé, ’é si élé wenaané kɛlɛle zuo yé ’é vo é yuɛma lo, wenyanékɛlɛzan ’ko é dan ga lɛ élé weple nya é lee, yé maa dan a gawe dɔ lɛ i nwiin.

Ézékiɛl 33:8

Dé maa fe mi nyané lɛ léé: Mi nyané, i dan ga lɛ, dé i ’ka we fe lɛ mi nyané lɛ léé, ’é si é kɛlɛwe naané zuo lo, mi nyané ’ko, é dan ga lɛ élé weple nya é lee, naa, maa dan a we dɔ lɛ i nwiin.

Lévinu 6:4

É dan ’élé sɔnu si lɛ ’é ta, yé é dan sɔ bɛnu zén lɛ ’é ta, gole we gi kyɛyee nya sɔkɔn dɔna gini ’lɛ ma, fɛna tinle dona.

Lévinu 6:7

Baleban fɛblele lé bélidɔwe a ’ko zo: Arɔn benu é dan da lɛ a nya Gakelebale ’lɛ, balebanna ’lɛ.

Kelewenu 8:24

Simɔn lé a lɛ léé: Kabozen ’é zanté vɔ Mizambale lɛ an lɛ, yé we lé ka a fe, té a do kpen é bɔ an ma lo.

1 Korent munu 14:4

Mian éé we fé dére bɛ gi, abo lé éé a dɔa gligli; naa, mian éé balelawe fé, léglizigimunu lé éé wo dɔa gligli.

Ébrunu 1:1

É kyɛn Kazambale we fe kaa tranu lɛ gɔnɔ kiɛre valé bɛ kiɛre ma, balelayemunu lɔlu nya.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

1 Jan 5:16

Wenyané lé ’bɛ ’ka mi no ga lɛ lo, dé mian é bwe ye a kɛlɛna, ’é bazoro, yé Kazambale é dan a béli lɛ. Wenyané lé ’bɛ ’ka mi no ga lɛ lo, munu lé wo ke ’bɛ kɛlɛna, ’bɛnu é dan béli lɛ. Wenyané do ana, ’bɛ éé mi no ga lɛ. Maa ’ka a fena léé, ka bazoro ’bɛ wenyané ma lo.

1 Samuɛl 12:19

Munu faa lé Samuɛl lɛ léé: ’I bazoro Gakelebale, ilé Bale lɛ i wuozannu lé we ma, té ko ga lo we gi; naa, ko kolé wenyanénu taa pa ko nwiinzan ma laale nya.

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.

1 Samuɛl 7:5

Samuɛl léé: ’Ka Izraɛl faa zén ékeva Misipa yé maa dan bazoro lɛ Gakelebale lɛ kalé we ma. Yé wo zén ékeva Misipa.

1 Samuɛl 7:8

yé wo lé Samuɛl lɛ léé: Té i daan siaale ma Gakelebale, kolé Bale lɛ kolé we ma lo, alé ko sile Filisitinu lee we gi.