Wepélisiananu 20:5 - Kazambale lé Sebe Sauunu 1979

⁵ Gɔnézan ’ka a fe lɛ an lɛ léé, ’é buru lé, loo? Yé lezan bozen ’ka a fe lɛ léé, ’é bwe lé, loo? An we ’ko kɛlɛ an bli gi fu valé an bɛ ma bɔle nya.

Wepélisiananu 20:5 ပူးပေါင်းရင်းမြစ်များ

Wepélisiananu 12:13

Ilé zanté, bé fe wo lɛ léé, bii a an buru nya, yé wo an pa é zima ilé we ma, yé an vo é yuɛma i pli zi.

Wepélisiananu 20:13

Bléyian va lé Kazambale an si an ti lé kɔn ’léé yé an go baa, maa lé Sara lɛ léé, ’é wezin kɛlɛ an lɛ, dé ko go fɛofɛana, ’é a fe an ma léé, ’é bwe lé ke an nya.

Wepélisiananu 20:16

Yé é lé Sara lɛ léé: Bé ye, maa gɔɔlifu wɔlɛ yɔ soru nɔ i bwe lɛ; ’bɛ é dan kɛlɛ lɛ i ma folifɛ nya i vamunu faa yuɛ gi, yé i dan kɛlɛ lɛ tegele munu faa yuɛ gi.

1 Minwiinzannu 9:4

Yé bii, dé i tawo an ’lɛ, i ti David tawo fɛan zo, a zo, bli tegele valé we drɔle kɛlɛle nya, ’té we faa lé maa i béli dɔ a nya, ’té bé kɛla, dé i tawo anlé bélidɔwe valé an déretawenu yɛrama,

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

JOB (Job) 33:9

’É gi a é bɔle, wenyané do kpen ’ka ’é gi lo, ’É a wéiin, weple do kpen ’ka ’é gi lo.

Lɛrɛvɔ Sɛbɛ 24:4

Mian a bɛ ma ke é bɔle yé a bli gi ke é fu, Mian é ’ka daan ébo ma léé, é viéwo lo, Yé é ’ka bale nyɔɔn‐an dabli nya lo, yee lé.

Lɛrɛvɔ Sɛbɛ 25:21

Dé an bli kɛlɛ i lɛ, An nwiin pla valé anlé wedrɔle ’wo an ta béli dɔ ma.

Lɛrɛvɔ Sɛbɛ 26:6

An bɛnu ma folié ’té an nwiin a é pla, Oo Gakelebale, yé an giéma i banna zi,

Lɛrɛvɔ Sɛbɛ 7:8

Munu faa ’wo zén ékeva i zi. ’I go wo ta loru fɛna nwale na.

Lɛrɛvɔ Sɛbɛ 7:9

Gakelebale éé migɔnɔnu lé we blé; Gakelebaleoo, Bale, ’i we tegele kɛlɛ an lɛ Anlé we drɔle valé anlé we wéiin yɛrama.

Lɛrɛvɔ Sɛbɛ 73:13

Amalé an bli gibɔle kɛlɛ we pla nya, Yé an bɛ ma folile, ’té we ’ka an nwiin lo bɛ, ’bɛ kɛlɛ we pla nya.

Lɛrɛvɔ Sɛbɛ 78:72

Yé David go wo nya bli zin nya, Bɛ lé é we dɔɔ a nya, é go wo nya ’bɛ bɛ gi.

Wegɔnévɔlenu 11:3

Mi drɔlenu dɔbɛ wéiin éé zi gɔɔn‐an ’wo lɛ, naa, liwozannu lé zi plinlenu éé wo kulu gaan.

Wegɔnévɔlenu 20:7

Mi tegele éé tawoo é dɔbɛ wéiin gi; alé nénu lé woo dan a zuo, wo gi éé nanaan.

Daniɛl 6:22

Anlé Bale élé lanje pa zia yé é golizranu lɔlu lɛ tan, yé wo ’ka we tɔntɔn do kpen kɛlɛ lɛ an lɛ lo. Bale an ye nwiinplazan nya, azama. Yé bii é ziin, minwiinzan blɛn, an ’ka wenaané do kpen kɛlɛ lɛ i ma lo.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

1 Tɛsalɔnik munu 2:10

Ka lé ka bli vo Bale lɛ, ko giébɛ a ka vazia sauun, é a tegele, é a wéiin. Ka a we ’ko nayezannu nya, yé Kazambale a ’bɛ nya é ziin.

Jozué 22:22

Bale, Bale, Gakelebale, Bale, Bale, Gakelebale a gi dɔɔ, yé Izraɛl é dan a gi dɔɔ lɛ. Dé ko kɛlɛ nwale nya Gakelebale ma we gi, dé ko kɛlɛ tɔnégiplɛplɛ we nya Gakelebale ma, té é da bɔ ko va yi ’ko nya lo.