Wepélisiananu 2:8 - Kazambale lé Sebe Sauunu 1979

⁸ ’Bɛ zuo Bale, Gakelebale zianféi do pa yirinwanazia, fɛ lé wana laama Édɛn, ana, yé mi lé é a kɛlɛ bɛ, é ’bɛ nyana ’bɛna.

Wepélisiananu 2:8 ပူးပေါင်းရင်းမြစ်များ

Wepélisiananu 13:10

Lɔt é yuɛ vɔ, yé é Juudɛn yuu lé fɛna pɛblɛɛ ye, ’té ’yi yoro ana di. ’Té Kazambale ’ka tan Sɔdɔm valé Gɔmɔɔ kyɛ ble lɛ lo; ana a bélé Gakelebale lé féi zo. É a bélé Éjipiti tɛrɛ la zo fɔɔ é bɔ Soaa.

Wepélisiananu 3:23

Yé Bale, Gakelebale mi bin Édɛn féi, léé, ’é go féi pa, tɛrɛ lé wa kɛlɛ kɔɔn a nya bɛ, a va.

Wepélisiananu 3:24

’Bɛ zo lé é Adam bin; yé lanjenu lé wa laama sérubɛnnu, é wo dɔ Édɛn féi yirinwanazia, yé gwɔunnu lé kyɛ ke wo ’léé, é a ’bɛnu lee, ’té ’bɛnu a giéan, mibéliyili lé zi tabinle we ma.

Wepélisiananu 4:16

’Bɛ zuo Kain si Gakelebale ma baa, yé é nyana Nɔd tɛrɛ la, Édɛn yirinwanazia.

2 Minwiinzannu 19:12

Bɛnnu lé an tinu wo guru zana a gi, Gozan koo, Karan koo, Rɛsɛf koo, Édɛn benu lé ke Télasaa koo, wolé balenu wo si we gii?

Ézai 51:3

’Bɛ zo lé Gakelebale nyanai éé zén‐é Siɔn ta, A nyanai éé zén‐é Siɔn fla kwa la, É dan Siɔn bwi nɔla lɛ bélé Édɛn féi zo, É dan ana tɛrɛ gale nɔla lɛ bélé Gakelebale lé zianféi zo; Vole drɔɔ valé ginanale é dan kɛlɛ lɛ fla ’ko tamunu lee; Wo dan Bale bɔ vɔ lɛ, ’té woo lɛrɛ vɔa ana.

Ézékiɛl 27:23

Saran munu koo, Kané valé Édɛn munu koo, Séba valé Asiri valé Kilimad yaawomunu koo, wo yaawo i va.

Ézékiɛl 28:13

I ana é vinin Bale lé Édɛn féi. Gɔlɛ wezannu gɔnɔ faa i ta sɔɔla; saadɔanegɔlɛ koo, topazegɔlɛ koo, diaman koo, krisolitegɔlɛ koo, ɔnisigɔlɛ koo, jasipegɔlɛ koo, safiigɔlɛ koo, gɔlɛwezan nyananyana koo, émérodegɔlɛ koo, kyan koo, woo lé. Ilé poonu valé séén bélinu a i lɛ, wo wo ma’lɛrɛ i bɔrayi nya.

Ézékiɛl 31:16

Dé maa a nwunzi vuli gamunu nyanana, munu lé woo zunwo guru gi, wo va, maa bɛngɔnɔnu ma nyɔɔn a diale vunwele nya. Wo Édɛn féi yilinu faa tɔrɔ paa tɛrɛwɔlɛ ma, Liban yili nɔnɔminu valé a zimazannu, ’té woo ’yi zén‐é wo faa ma bɛ, woo lé.

Ézékiɛl 31:18

I tɔbɔle valé i blɛn a bélé de ɛ zé zo Édɛn yilinu vaa? Wo dan i nwunzi vuli lɛ Édɛn yilinu va tɛrɛwɔlɛ ma. I dan yia lɛ ganedɔlozannu méléna, munu lé wo wo gyɛ gwɔun nya za ma, wo va. Mizan Gakelebale léma: Faraɔn valé élé mi gu blɛn lé we lé ke bɛ.

Joɛl 2:3

Kyɛ lé éé fɛnu blé é a wo ’lɛ, Yé kyɛnɛnɛ lé éé fɛnu waan, ’bɛ a wo zuo; É vinin ’té tɛrɛ a bélé Édɛn zianféi zo, A zuo tɛrɛ la vo yuoyuo, Fɛ do kpen ’ka soo wo lee lo.