Wepélisiananu 2:7 - Kazambale lé Sebe Sauunu 1979

⁷ Bale, Gakelebale vun si yé é a kɛlɛ mi nya; é mibélifu fɛɛ a nyé ’léé yé mi kinin mi yuɛmale nya.

Wepélisiananu 2:7 ပူးပေါင်းရင်းမြစ်များ

Wepélisiananu 1:27

Yé Kazambale mi kɛlɛ é dɔbɛ gi, é a kɛlɛ Bale dɔbɛ gi, é gɔné valé le kɛlɛ.

Wepélisiananu 2:6

Naa, lolu éé sié tɛrɛ gi bélé tɛrɛ ta goi sile zo, ’té éé kɛla tɛrɛ la fɛfaana, ’té tɛrɛ éé kɛla a nya drɔɔdrɔɔ.

Wepélisiananu 3:19

I yara kyɛyee zi lé i dan fɛ ble lɛ fɔɔ yé i nɔla é ziin tɛrɛ lé maa i kɛlɛ a nya bɛ, a nya; naa, i a vun nya, yé i dan nɔla lɛ vun nya é ziin.

Wepélisiananu 3:23

Yé Bale, Gakelebale mi bin Édɛn féi, léé, ’é go féi pa, tɛrɛ lé wa kɛlɛ kɔɔn a nya bɛ, a va.

Wepélisiananu 7:22

Fɛnu faa lé woo flin‐é, ’té wo ke tɛrɛ gale ta, wo ga.

JOB (Job) 27:3

Dé maa a tan flinna, Dé Bale lé flinfu a tan an gi,

JOB (Job) 33:4

Kazambale Léli an kɛlɛ, Plɛplɛfaazan lé flinle ɛ an vo é yuɛma.

JOB (Job) 33:6

Maa a bélé i zo Kazambale yuɛ gi, É an kɛlɛ voli nya bélé i zo;

JOB (Job) 4:19

’Té munu lé wo nyanakɔn ke bɔtɛrɛ nya nii? Wo punsina lé ke vun va, ’Té woo tanma wo ta bélé blibli zo, wozé ’ka minié loo?

Lɛrɛvɔ Sɛbɛ 100:3

Gakelebale ɛ ke Bale nya, ’ka we ’ko dɔɔ ma. Yee ɛ ko kɛlɛ, yé ko a azé nya; Ko a alé munu valé alé trubɛnu nya; éé ko tabin‐é.

Lɛrɛvɔ Sɛbɛ 103:14

Naa, fɛan é ko kɔlɛ kɛlɛ a nya, é a dɔɔ, A sele a a gi léé, ko a vun nya.

Wegɔnévɔlenu 20:27

Mi léli a Gakelebale lé kyɛbɔ do nya; éé wɔraan fɔɔ yé é bɔ mi bun‐an wɔlɛ ma.

Bale Lé We Gifezan 12:7

wo dan kana lɛ gɔsɛnénu giéle lee, yé tawole zi ta di é dan kini lɛ mi gi; mi nwana é dan bɔ lɛ bélé amandéyili vwi bile zo; gangan ma bɛn é dan dɔ lɛ, yé zian va bla ’ka zian kɛla néné é dɛrɛ lo; naa, blami a gona ’é gona, yé wuvɔmunu éé giéan zinu ta;

Bale Lé We Gifezan 3:7

sɔ fia?-?bléyi a, yé sɔ béébléyi a; mi tadɔbléyi a, yé wefebléyi a;

Ézai 2:22

Té ka pa blami ta lo; flinfu do kpen ɛ ke a gi. Blami a mɛ nyaa?

Ézai 64:8

Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

Jérémi Lé Wuvɔ Sɛbɛ 4:20

Mi lé Gakelebale nyɔnɔ zén a nwiin, a pli zi lé ko voo é yuɛma, É vɔ wolé séli gi, Mi lé alé we ma lé ko fé léé: Ko voo é yuɛma a furɔ wuo bɛnnu méléna, yee lé.

Ézékiɛl 37:5

Mizan Gakelebale lé mi wɔlɛ ’konu lɛ léé: Ka ye, maa dan léli wɔra lɛ ka gi yé ka dan kɛlɛ lɛ mi yuɛmalenu nya.

Ézékiɛl 37:6

Maa dan miin sɛsɛnénu nɔ lɛ ka lɛ, yé maa dan nɛ zén lɛ ka ma. Maa dan mi kɔlɛ zén lɛ ka ta; maa dan léli pa lɛ ka gi yé ka kɛlɛ é yuɛma. Yé ka dan a gi dɔɔ lɛ léé, maa ɛ ke Gakelebale nya.

Zakari 12:1

Dére lé Gakelebale a fe Izraɛl ma, yee lé ke ’ko. Gakelebale lé é lanu fwila yé é tɛrɛ gane vɔ, yé é léli pa blami gi bɛ, é léma:

Mi Nɔnɔle 16:22

Moizinu dia ’wo bli la, yé wo léé: Oo Bale, munu faa lélinu lé Bale, mi do kpen wenyané kɛlɛ yé i bli fli munu faa maa?

Mi Nɔnɔle 27:16

Gakelebale, mi faa lélinu lé Bale, ’é mi do dɔ mununwiinzan nya ma,

WENÉNÉ LE JAN A GYE (Évangile selon Jean) 20:22

Dére ’konu fele zuo, é wo suu é ’léé fu nya, yé é lé wo lɛ léé: ’Ka Léli Sauun ye ma.

Kelewenu 17:25

Yee Bale ’ko mawe ’ka fɛ do kpen gi yé munu a kɛlɛ a lɛ wo bɛ nya lo. Vole é yuɛma koo, flinle koo, fɛ faa koo, yee ɛ wo no fɛ faa lɛ.

Rom munu 9:20

Gba, bii blami, de ɛ ke bii nya za vɔna Kazambale vaa? Bɔ a fé é dɔzan lɛ léé: Mɛwemalé i an dɔ ’ko zoo?

1 Korent munu 15:45

Bɛwemalé é a é gyɛle sɛbɛ gi léé: Mi vininzan Adam a mibozen yuɛmale nya; Adam voélazan a mibéliléli nya.

1 Korent munu 15:47

Kazambale mi vininzan kɛlɛ tɛrɛ la vun nya. Mi fiézan si la gi.

2 Korɛnt Munu 4:7

Fɛwezan ’ko, é a ko tɛrɛbɔnu gi, léé, munu a gi dɔɔ léé, plɛplɛ boen ’ko éé sié Kazambale va; é ’ka sié ko va lo.

2 Korɛnt Munu 5:1

Naa, ko a gi dɔɔ léé, sɔkɔn lé ko ke é nyanale a gi tɛrɛ la ’ko, dé é sɛrɛ, kolé kɔn do ana la gi. Mi ’ka kɔn ’ko dɔ lɛ lo, Kazambale ɛ dɔ ko lɛ, yé a guru ’ka dan zana lɛ a gi monomono lo.

1 Timoté 2:13

Kazambale Adam kɛlɛ é vinin, a zuo yé é Eve kɛlɛ, azama.

Ébrunu 12:9

É ziin, kaa tinu éé we lɛdɔa kaa gi tɛrɛ la ’ko, ’té kaa wo lɛdɔama, naa, é ’ka lé kaa pla é ziin kaa lagi Ti wuo, vole é yuɛma we gi loo?