Wepélisiananu 2:2 - Kazambale lé Sebe Sauunu 1979

² Kazambale élé nyanama lɛ sɔɔ a yi suiɛdozan nya; yé a yi sɔrafiézan nya é flin élé nyanama faa lé é a pa bɛ, a ma.

Wepélisiananu 2:2 ပူးပေါင်းရင်းမြစ်များ

Wepélisiananu 1:31

Yé fɛ faa lé Kazambale a kɛlɛ, é a faa nagini yé é a ye léé, a faa a é zima é baba. ’Bɛ zo lé nyanadi kɛlɛ yé bladi kɛlɛ; ’bɛ ɛ ke a yi suiɛdozan nya.

Wepélisiananu 2:3

Kazambale yi sɔrafiézan drɔɔ vo, yé é a pa é yɛrama; yi ’ko nya lé é flin élé nyanama faa lé é a pa fɛ faa kɛlɛle nya bɛ, a ma, ’bɛzama.

Fwile 23:12

Ilé nyanama faa pa yi suiɛdo nya. Naa, a yi sɔrafiézan nya i dan flin lɛ, ilé diri valé ilé sokofale flinle we gi, ilé luu be valé bɛn flinle we gi.

Fwile 31:15

’Ka nyanama pa yi suiɛdo; naa, yi sɔrafiézan a flinyi nya, Gakelebale lé yi lé. Mi lé é nyanama pa flinyi nya, wo dan ga dɔ lɛ a nwiin.

Fwile 31:17

We ’ko é dan kɛlɛ lɛ tɔmase nya maa valé Izraɛl lé nénu méléna, tɔmase lé éé mɔn‐o lɛɛfaama, a glɛ ’ka lo, a nya; naa, Gakelebale lanu valé tɛrɛ kɛlɛ yi suiɛdo gi, yé a yi sɔrafiézan nya é daan élé nyanama ma yé é flin, azama.

Ézai 58:13

Dé ibo kun flinyi nya, dé i ’ka ilé blibɔmawe kɛla anlé yi nyané la lo, dé flinyi kɛlɛ i ginanamayi nya, yi ’ko lé ke Gakelebale lé yi nya, dé bé ye ilé yi nyané nya, dé i ’ka we bɛ kɛla yi ’ko nya lo, dé i ’ka ibo no ibo lé bɔn‐in bɔrɔmawe lɛ lo, yé i ’ka we pla fé lo, ’bɛ zo lé i yi ’ko kɛlɛ blɛn,

WENÉNÉ LE JAN A GYE (Évangile selon Jean) 5:17

Naa, Jézu lé wo lɛ léé: An Ti a nyanama pana fɔɔ kyɔ; yé maa a anzé pana é ziin.

Bélidɔwesɛbɛ Fiézan 5:14

A yi sɔrafiézan a ’yee Gakelebale, kalé Bale lé flinyi nya; té i nyanama do kpen pa ’bɛ yi nya lo, bii koo, i be koo, i lu koo, i wuogɔné koo, i wuole koo, ilé dirigɔné koo, ilé sokofali koo, ilé winu faa koo, bɛn lé é ke ilé kɔn ’léé koo, té ’wo nyanama do kpen pa ’bɛ yi nya lo. É a lé ka wuogɔnénu valé ka wuolomu ’é flin bélé bii zo.

Ébrunu 4:10

Bɛwemalé mian é Kazambale lé flinle ’ko ye, éé nyanaan élé nyanamanu ma, bélé fɛan zo lé Kazambale nyana ézénu ma, a zo.

Ébrunu 4:4

naa, Kazambale lé sɛbɛ yi sɔrafiézan lé we fe fɛdona ’ko zo, léé: A yi sɔrafiézan nya Kazambale flin élé nyanama ma. Yee kaan loo?