Wepélisiananu 2:17 - Kazambale lé Sebe Sauunu 1979

¹⁷ naa, wezin valé wenyané vasiyili bɛ, té bé poro ble lo; dé bé ble yian ma, i gaan.

Wepélisiananu 2:17 ပူးပေါင်းရင်းမြစ်များ

Wepélisiananu 2:9

Yé Bale, Gakelebale yili gɔnɔ faa si tɛrɛ gi; yili nɔnɔmi lé wo poro ke blefɛ zimanu nya, wo gɔnɔ faa lé; mibéliyili a féi méléna, yé wezin valé wenyané vasiyili ana é ziin.

Wepélisiananu 20:7

Sin, ’i lezan nɔ gɔnézan ’ko lɛ é pai; naa, é a balelayezan nya yé é dan bazoro lɛ i tɔ ma yé i dan béli lɛ. Naa, ’i we ’ko gi dɔɔ ma: dé i ’ka a nɔ lɛ lo, i dan ga lɛ, bii valé ilé munu faa nya.

Wepélisiananu 3:11

Yé Bale, Gakelebale léé: De ɛ i bɔn‐in kini léé, i a é porolee? Yili lé maa a poro blele yi ga i lee bɛ ’naan, bé blee?

Wepélisiananu 3:17

Kazambale lé gɔnézan lɛ léé: I tɔné dɔ i na dére lɛ, yé yili lé maa a fe i lɛ léé, té bé poro ble lo, bé ble, bɛwemalé maa dan bale pa lɛ tɛrɛ ma ilé we ma.

Wepélisiananu 3:19

I yara kyɛyee zi lé i dan fɛ ble lɛ fɔɔ yé i nɔla é ziin tɛrɛ lé maa i kɛlɛ a nya bɛ, a nya; naa, i a vun nya, yé i dan nɔla lɛ vun nya é ziin.

1 Minwiinzannu 2:37

Bé gi dɔɔ é zima léé, dé i bɔra yé i Sédrɔn yuu kini yian ma, i dan ga lɛ ’bɛ yi duo nya; i nyɛ é dan dɔ lɛ ibo nwiin.

1 Minwiinzannu 2:42

Minwiinzan Siméi laa yé é lé a lɛ léé: Maa ’ka Gakelebale ’nyɔɔn lɛ i lɛ, yé maa ’ka a fe lɛ i lɛ wéiin léé, dé i bɔra yian ma gole ’ko valé ’kona we gi, i dan ga lɛ a yi nya, loo? Yé i ’ka a zi pa lɛ an lɛ léé, ’é a ’ma, é a zima, loo?

Jérémi 26:8

We faa lé Gakelebale a pa Jérémi ’léé, léé, ’é a fe munu faa lɛ, é nyaa aan wo a faa fele nya, yé Balebanzannu koo, balelayezannu koo, munu faa koo, wa kun, yé wo léé: Ko i gya!

Ézékiɛl 18:13

dé éé vɛɛn paan ézé tɔnɔ yele we ma, yé ’té éé gɔɔli pamale sié; yee, a be ’ko é dan vo lɛ é yuɛmaa? É ’ka dan vo lɛ é yuɛma lo. É bozowe ’konu faa kɛlɛ; ’é ga ma, yé a nyɛ ’é dɔ abo nwiin.

Ézékiɛl 18:32

Naa, mi lé é ke gana, maa ’ka a va léé, é ga lo. Amalé ’ka bli nɔla, yé ’ka vo é yuɛma. Yee lé Mizan Gakelebale a fe.

Ézékiɛl 18:4

Ka ye, mi boennu faa a anzé nya. Dé é a né nyaoo, dé é a né ti nyaoo, wo fiénu a anzé nya. Mi lé éé wenyané kɛla, yeebozen ɛ gaan.

Ézékiɛl 33:14

Dé maa fe mi nyané lɛ léé: I dan ga lɛ, dé é daan élé wenyané ma yé é tawo é drɔle yé é we tegele kɛlɛ,

Ézékiɛl 33:8

Dé maa fe mi nyané lɛ léé: Mi nyané, i dan ga lɛ, dé i ’ka we fe lɛ mi nyané lɛ léé, ’é si é kɛlɛwe naané zuo lo, mi nyané ’ko, é dan ga lɛ élé weple nya é lee, naa, maa dan a we dɔ lɛ i nwiin.

Mi Nɔnɔle 26:65

Naa, Gakelebale a fe léé, wo faa é dan ga lɛ bwi gi; wo va mi do kpen ’ka dan vo lɛ lo, ’té dé é ’ka Jéfuné be Kalɛb valé Nɛn be Jozué nya lo, azama.

Rom munu 1:32

Kazambale léé, munu lé woo we ’ko zoɛnu kɛla, a yara lé ’wo ga, wo ’bɛ gi dɔɔoo, ’té wa kɛla duowo, yé dé wo mi bɛnu ye a kɛlɛna, wo léé, ’bɛ a é zima.

Rom munu 6:16

Ka ’ka a gi dɔɔa léé, dé ka kabo nɔ mi do lɛ luu nya a lɛdɔmale we gi, mi lé ka a lɛdɔama, ka a ’bɛlé luu nya loo? Wenyané lé a ’wuo éé plaan ga nya, dé kabo nɔ ’bɛ lɛ, ka a ’bɛlé luu nya; yé Bale lɛdɔmale lé a ’wuo éé plaan kɛlɛle tegele nya, dé kabo nɔ ’bɛ lɛ, ka a ’bɛlé luu nya. Ka ’ka ’bɛ gi dɔɔa loo?

Rom munu 6:23

Yé wenyané ma ban lé ke ga nya, naa, Kazambale lé blɛ pla lé ke vole é yuɛma lé a glɛ ’ka lo, a nya, Kaazan Jézu Krist gi.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

1 Korent munu 15:22

Yé fɛan zo lé Adam da ga nya yé mi faa éé gaan, a zo duo lé Krist da bélile nya yé munu faa é dan béli lɛ,

1 Korent munu 15:56

Gale furu a wenyané nya, yé wenyané lé plɛplɛ éé sié bélidɔwe va.

Galasi munu 3:10

Munu faa lé wo ke bélidɔwe kɛlɛwenu va, bale a é pale wo ma; naa, é a é gyɛle Kazambale lé sɛbɛ gi léé: We lé ke é gyɛle bélidɔwe sɛbɛ gi bɛ, dé mian é ’ka a faa kɛla yarapalale nya lo, bale a é pale a ma.

Éfez munu 5:14

Bɛwemalé wo léé: Bii lé i ke yiɛna, ’i vuo, ’I vuo mi galenu va, Yé Krist é dan i va kini lɛ.

Bélidɔwesɛbɛ Fiézan 27:26

Mi lé é ’ka bélidɔwe ’konu kɛlɛle lɛ sɔɔan lo, ’té é ’ka wo ta tawoo lo, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

Bélidɔwesɛbɛ Fiézan 30:15

Vole é yuɛma valé wezin koo, gale valé wenaané koo, maa wo pla ka ’lɛ kyɔ, ’kazé si a va.

Bélidɔwesɛbɛ Fiézan 30:19

Maa la valé tɛrɛ si anlé wenayezannu nya kyɔ léé, vole é yuɛma valé gale koo, drɔɔvole valé balepale koo, maa wo pla ka ’lɛ kyɔ. ’Ka vole é yuɛma si a va, ka valé kalé nénu vole é yuɛma we gi,

Kolɔs munu 2:13

’Kaa lé ka ke é gale kalé we sɛrɛlenu valé kalé ganedɔlelo we ma, é ka béli ékeva Jézu nya, ka ma we vole nya kalé we sɛrɛle faa ma;

1 Timoté 5:6

Naa, gyɛzarale lé éé ébozen lé sɔlɛwe kɛla, é ke aan wo é yuɛma bɛ, é a é gale.

SEBE LÉ JAK A GYE (Épitre de Jacques) 1:15

Yé yee we lɔrɔ bɛ, éé bɔn sié yé éé né yaan wenyané nya, yé wenyané lɛ éé sɔɔan gale nya.

1 Jan 5:16

Wenyané lé ’bɛ ’ka mi no ga lɛ lo, dé mian é bwe ye a kɛlɛna, ’é bazoro, yé Kazambale é dan a béli lɛ. Wenyané lé ’bɛ ’ka mi no ga lɛ lo, munu lé wo ke ’bɛ kɛlɛna, ’bɛnu é dan béli lɛ. Wenyané do ana, ’bɛ éé mi no ga lɛ. Maa ’ka a fena léé, ka bazoro ’bɛ wenyané ma lo.

Wegɔɔnle 2:11

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo vo a lɛ, a gulii ’ka dan ga lɛ lo.

Wegɔɔnle 20:14

Yé wo ga valé gamunu nyanana vuli kyɛ lé ke blɛn bélé gyankyɛ zo, a va. Yee kyɛ blɛn lé ke gale fiézan nya, ’té mi gulii ga é wo sin bɛ.

Wegɔɔnle 20:6

Munu lé wozé ke migale nwale vininzan va, wa mi sauunnu nya yé wozé a néné. Wo gulii ’ka dan ga lɛ lo, naa, wa Kazambale valé Krist banzannu nya yé wo dan pla lɛ munu nwiin a va lɛɛ wuru soru.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Weblezannu 3:2

Izraɛl lé nénu kulunu lé wo ’ka gulidanle lé we dɔɔ lɛ é vinin lo, é sɔ Gakelebale lɛ léé, ’wo gulidanle draan, yé wa gi dɔɔ.

1 Samuɛl 14:39

Izraɛl siwegizan Gakelebale a é yuɛma, dé é a an be Jonatan nyaoo, é dan ga lɛ. Yé munu va mi do kpen ’ka a zi pa lɛ a lɛ lo.

1 Samuɛl 14:44

Yé Saul léé: Jonatan, dé i ’ka gaan lo, Bale ’é we kɛlɛ an lɛ élé plɛplɛ faa nya ma.

1 Samuɛl 20:31

Dé Izai be vo é yuɛma, bii valé ilé kɛlɛle minwiinzan nya se ’ka dan dɔ lɛ gligli lo. Yé sin, ’i mi pa zia a ginina, yé ’i da a nya an lɛ ’ko, naa, a ga yara lé.

1 Samuɛl 22:16

Minwiinzan léé: Asimélɛk, bii valé i ti lé munu é dan ga lɛ.