Wepélisiananu 2:1 - Kazambale lé Sebe Sauunu 1979

¹ ’Bɛ zo lé la valé é gifɛnu koo, tɛrɛ valé é tafɛnu koo, wo kɛlɛle lɛ sɔɔ.

Wepélisiananu 2:1 ပူးပေါင်းရင်းမြစ်များ

Wepélisiananu 1:1

Fɛkɛlɛle pélisia bléyi va, dé Kazambale la valé tɛrɛ kɛlɛ,

Wepélisiananu 1:10

Kazambale fɛna gale laa, tɛrɛ, yé ’yinu lé wo zén ékeva bɛ, é ’bɛnu laa wɛyi. Yé Kazambale a ye léé, ’bɛ a é zima.

Wepélisiananu 2:4

La valé tɛrɛ pélisia fɛan zo, ’té Kazambale wo kɛlɛ fɛan zo, yee lé ke bɛ. Bléyian va lé Bale, Gakelebale tɛrɛ valé lanu kɛlɛ,

2 Minwiinzannu 19:15

yé é bazoro Bale lɛ ’ko zo léé: Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

2 Minwiinmunu lé Wezuofe Sɛbɛ 2:12

Yé é a gyɛ é ziin léé: Gakelebale, Izraɛl lé Bale lé é la valé tɛrɛ kɛlɛ, ’wa drɔɔ vo ma; négɔné lé é we dɔɔ, ’té a ’wuo ke a ta, ’té a gi kini, é a nɔ minwiinzan blɛn David lɛ, yé é dan kɔn dɔ lɛ Gakelebale zé nya, yé é dan fuakɔn dɔ lɛ ézé nya.

Néémi 9:6

Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.

JOB (Job) 12:9

Wo vazan kyɛn ɛ ’ka a gi dɔɔa ébo ma léé, Gakelebale bɛ ɛ fɛnu faa kɛlɛ loo?

Lɛrɛvɔ Sɛbɛ 104:2

Éé san zén‐é ’é ta bélé sɔ zo, Éé la sɔɔlaan bélé sɔ fwilale zo.

Lɛrɛvɔ Sɛbɛ 146:6

Yee ɛ la valé tɛrɛ kɛlɛ, Wɛyi valé é vafɛnu faa koo, yee ɛ wo kɛlɛ. Éé yara paan we la yifaama.

Lɛrɛvɔ Sɛbɛ 33:6

Gakelebale dére lanu kɛlɛ, É lagi sunyanu faa kɛlɛ é ’léé fu nya.

Lɛrɛvɔ Sɛbɛ 33:9

Naa, éé we fé, yé a we éé bɔa; Éé dére do fé, yé fɛ éé kɛla.

Fwile 20:11

Lanu valé é gifɛnu koo, tɛrɛ valé é tafɛnu koo, wɛyi valé é vafɛnu koo, Gakelebale wo kɛlɛ yi suiɛdo wuo, yé é flin a yi sɔrafiézan nya; bɛwemalé Gakelebale flinyi drɔɔ vo yé é a pa é yɛrama.

Fwile 31:17

We ’ko é dan kɛlɛ lɛ tɔmase nya maa valé Izraɛl lé nénu méléna, tɔmase lé éé mɔn‐o lɛɛfaama, a glɛ ’ka lo, a nya; naa, Gakelebale lanu valé tɛrɛ kɛlɛ yi suiɛdo gi, yé a yi sɔrafiézan nya é daan élé nyanama ma yé é flin, azama.

Ézai 34:4

Lai sunyanu faa kini ékema; lanu plin bélé saa zo, yé wolé sunyanu faa dia bélé dɔrɔlaa zo, bélé bɔrɔyili laa zo.

Ézai 42:5

Bale, Gakelebale lé É lanu kɛlɛ, ’té éé wo sɔɔlaan, É tɛrɛ pla alé fɛnu dɔle we ma, É tɛrɛ tamunu vo é yuɛma Yé é flinle nɔ munu lé wo ke tawona tɛrɛ la, wo lɛ. É léma:

Ézai 45:12

Maa ɛ tɛrɛ kɛlɛ, Yé maa ɛ mi bɔra a ta; Maa lé, an bɛnu ɛ lanu fwila, Maa ɛ wo gifɛnu dɔ ’wo dɔna.

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

Ézai 48:13

An bɛ tɛrɛ gane vɔ, An bɛyi ɛ lanu fwila, Maa wo laa tɔɔn, wo da.

Ézai 55:9

Fɛan zo lé la valé tɛrɛ ke é sile ékema baa, A zo duo lé an kɛlɛwe valé ka kɛlɛwe ke é sile ékema, Yé a zo duo lé an gibɔrɔle valé ka gibɔrɔle ke é sile ékema.

Ézai 65:17

Naa, maa dan la dɛrɛ valé tɛrɛ dɛrɛ kɛlɛ lɛ. We kyɛnnu lé wo gié bɛ, wo ’ka dan ’bɛ tɔ fe lɛ é dɛrɛ lo, yé a sele boen ’ka dan dɔ lɛ mi gi é dɛrɛ lo.

Jérémi 10:12

É tɛrɛ kɛlɛ é bɛ plɛplɛ nya; Alé wedɔɔle nya lé é tɛrɛ gane vɔ, É lanu fwila élé gikini nya.

Jérémi 10:16

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Zakari 12:1

Dére lé Gakelebale a fe Izraɛl ma, yee lé ke ’ko. Gakelebale lé é lanu fwila yé é tɛrɛ gane vɔ, yé é léli pa blami gi bɛ, é léma:

WENÉNÉ LÉ LUK A GYE (Évangile selon Luc) 2:13

Tɔɔn, lai sunya gu da lanje va Kazambale tɔ zin fele nya, yé wo léé:

Kelewenu 4:24

’Bɛnu a ’ma aan wo, wo faa ’wo dére bié Kazambale lɛ ékeva yé wo léma: Kozan, la koo, tɛrɛ koo, wɛyi koo, fɛ faa lé ke wo gi koo, bii ɛ wo kɛlɛ.

Kelewenu 7:42

Yé Kazambale é nwun zi dɔ wo ta yé é wo vo lagifɛnu bɔna, é a é gyɛle balelayemunu lé sɛbɛ gi fɛan zo, a zo; wo léé: Izraɛl munu, wi lé ka gyɛ, é valé sarakanu lé ka bo bwi gi Lɛɛ yɔ fié wuo, an lɛ lé ka kɛlɛɛ?

Bélidɔwesɛbɛ Fiézan 17:3

dé é go bale bɛnu zuo yé é wo bɔ yé é dia é bli la wo ’lɛ, yiri koo, moné koo, lagifɛ gbaunu koo, dé é go wo zuo, maa ’ka ka béli dɔ lɛ léé, ’ka ’bɛnu bɔ lo.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

Ébrunu 4:3

Naa, Bale a fe aan wo léé: ’É bli fli, amalé ’é ’ébo ’nyɔɔn léé, ’É ’ka dan ’élé flinle nɔ lɛ wo lɛ lo, flinle lé é a fe bɛ, kaa lé kaa bli vo a lɛ, kaa a ye. Weboen lé, é sia tɛrɛ bɔrale ma, Kazambale lé nyanama nyaa;