Wepélisiananu 17:8 - Kazambale lé Sebe Sauunu 1979

⁸ Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 17:8 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 13:17

’I nwa, ’i gié tɛrɛ sangi valé tɛrɛ ’wuo la, naa, maa dan a nɔ lɛ i lɛ.

Wepélisiananu 23:4

Maa a bɛn nya yé an nyanaan ka va; ’ka mipana nɔ an lɛ ka va, yé maa anlé migale pa yé é si an yuɛ gi.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

Wepélisiananu 35:27

Jakɔb bɔ é ti Izak va Mamré, Kiijat‐Aaba, yee lé ke Ébrɔn nya. Ana lé Abraam valé Izak nyana.

Wepélisiananu 36:7

Wo fua kiɛre ble, bɛwemalé wo ’ka bɔa nyanale lɛ ékeva lo. Wolé trubɛnu a di, bɛwemalé tɛrɛ lé wo ke é nyanale a ta, é ’ka wolé trubɛnu lé fɛblele bɔa lo.

Wepélisiananu 37:1

Jakɔb nyana Kanaan tɛrɛ la, fɛana lé a ti nyana, ana.

Wepélisiananu 48:4

É lé an lɛ léé, ’é dan an fan lɛ, yé ’é an kɛlɛ di. Yé ’é dan an kɛlɛ lɛ bɛn gɔnɔ kiɛre nya. ’É dan tɛrɛ ’ko nɔ lɛ an kulunu lɛ an zuo, yé é vo wozé nya lɛɛfaama.

2 Samuɛl 23:5

Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

Minwiinzannu lé Wezuofe Sɛbɛ 16:18

A fele nya léé: ’An dan Kanaan tɛrɛ nɔ lɛ i lɛ, Izé tɔnɔ nya.

Lɛrɛvɔ Sɛbɛ 103:17

Naa, munu lé woo kanaan Gakelebale lee, alé zin éé voo wo ta lɛɛfaama, Yé a nyanai éé zén‐é wo é nénu é nénu ta,

Lɛrɛvɔ Sɛbɛ 105:11

A fele nya léé: An dan Kanaan tɛrɛ nɔ lɛ i lɛ, Izé tɔnɔ nya.

Lɛrɛvɔ Sɛbɛ 105:9

Gipawe lé é a kɛlɛ Abraam va, Yee valé balekundére lé é a fe Izak lɛ, wo sele a a gi.

Fwile 13:11

Dé Gakelebale ka wɔra Kanaan munu lé tɛrɛ la, ébo ’nyɔɔn ka valé ka tranu lɛ fɛan zo, a zo, dé é nyaa tɛrɛ nɔle nya ka lɛ,

Fwile 21:6

’té azan é dan da lɛ a nya Kazambale ’lɛ; yé dé duoli léé, dé duoli vɔgiyili léé, é dan bié lɛ a ma, yé azan é dan a tɔné fɔn lɛ foroné nya, yé luu é dan vo lɛ alé nyanama pana lɛɛfaama.

Fwile 29:45

Maa dan nyana lɛ Izraɛl lé nénu va, yé maa dan kɛlɛ lɛ wolé Bale nya.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 40:15

yé i dan nyɔnɔ zén lɛ wo ta, i nyɔnɔ zén wo ti ta fɛan zo, a zo, wolé balebannyanama pale an lɛ we gi. Nyɔnɔ zénle wo ta ’ko, ’bɛ é dan balebannyanama pale kɛlɛ lɛ wo kulunu zé nya sɔbɛla we nya lɛɛfaama, a glɛ ’ka lo.

Fwile 6:4

Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Jérémi 25:5

Yee balelayezannu léma: ’Kaa faa do do, ’ka si ka kɛlɛwe naané valé ka kɛlɛwe nyanénu zuo, yé ka dan nyana lɛ tɛrɛ lé maa a nɔ ka valé ka tranu lɛ, a ta, ’té ’bɛ glɛ ’ka dɔa lo.

Jérémi 31:1

Gakelebale léma: ’Bɛ yi ’ko la, maa dan, kɛlɛ lɛ Izraɛl lele faa lé Bale nya, yé wo dan kɛlɛ lɛ anlé munu nya.

Ézékiɛl 11:20

léé, ’wo an déretawenu kɛlɛ, yé ’wo anlé bélidɔwenu lɛdɔma yé wa sɔnnénu pa, yé wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Ézékiɛl 33:24

Blami be, Izraɛl munu éé nyanaan Izraɛl tɛrɛ la fla ’wiilenu ta, ’té wa fé léé, Abraam a yi la é do, yé é tɛrɛ ’ko yi tɔnɔfɛ nya; kaa lé kaa ke kiɛre, wo tɛrɛ ’ko nɔ kaazé nya.

Lévinu 14:34

Dé ka bɔ Kanaan tɛrɛ lé maa dan a nɔ lɛ ka lɛ kazé nya, a ta, dé maa ana tɛrɛ la kɔn do gyɛ pantɛn gyɛ nya,

Lévinu 16:34

É a kalé bélidɔwe do lé a glɛ ’ka lo, a nya; lɛɛ do do faa ma wo dan Izraɛl lé nénu lé wenyané ’yibo lɛ. We lé Gakelebale a fe Moizi lɛ, wa kɛlɛ.

Lévinu 26:12

Maa dan tawo lɛ ka va, yé maa dan kɛlɛ lɛ kalé Bale nya, yé ka dan kɛlɛ lɛ anlé munu nya.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Mi Nɔnɔle 10:29

Moizi lé é na ti Madian mi Réuɛl be Obab lɛ léé: Tɛrɛ lé Gakelebale a nɔle we fe ko lɛ, ana lé ko dan go lɛ bɛ. ’I da, kaa go, yé ko dan wezin kɛlɛ lɛ i lɛ, naa, Gakelebale a fe léé, é dan wezin kɛlɛ lɛ Izraɛl lɛ.

Mi Nɔnɔle 25:13

É dan kɛlɛ lɛ gipawe lé a glɛ ’ka lo, a nya, yee valé é kulunu zé nya lɛɛfaama. É ’élé Bale lɛi maawo, azama, yé é Izraɛlnu lé wenyané ’yibo.

Mi Nɔnɔle 27:12

Gakelebale lé Moizi lɛ léé: ’I vɔ Abarim gɔ ’ko nwiin, yé tɛrɛ lé maa a nɔ Izraɛlnu lɛ, yé bé nagini.

Kelewenu 7:5

Bale ’ka tɛrɛ kiéné nɔ lɛ a lɛ azé nya lo yé é ’ka é gane dɔrana boen ye lɛ lo, naa, Bale blivolɛdére fe a lɛ léé, é dan tɛrɛ nɔ lɛ a lɛ azé nya, ’bɛ valé a kulunu zé nya é voéla lii, dɔlé ’té alé né do kpen ’ka lo.

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

Bélidɔwesɛbɛ Fiézan 26:18

Kyɔ, ka a fe Gakelebale lɛ léé, ’wo dan kɛlɛ lɛ alé munu ta drɔɔ nya, é a fe ’wo lɛ é kyɛn fɛan zo, a zo, yé ’wo dan tawo lɛ alé bélidɔwenu faa ta, léé,

Bélidɔwesɛbɛ Fiézan 29:13

Dé ka wɔra a gi, ’té ka kɛlɛ kyɔ azé munu nya, ’té yeeboen kɛlɛ kalé Bale nya, é a fe ka lɛ fɛan zo, ’té ébo ’nyɔɔn ka tranu Abraam koo, Izak koo, Jakɔb koo, wo lɛ bɛ, a zo.

Bélidɔwesɛbɛ Fiézan 32:49

Abarim munu lé gɔ lé wa laama Nébo gɔ, ’té é ke Moab tɛrɛ la Jériko yara bɛ, ’i go a nwiin, yé Kanaan tɛrɛ lé maa dan a nɔ lɛ Izraɛl lé nénu lɛ wozé nya, yé bé nagini.

Bélidɔwesɛbɛ Fiézan 32:8

Dé Loruzan bɛnnu lé tɛrɛ nɔ, Dé é munu gi bɔi nuu, É munu lé tɛrɛ glɛ dɔ Izraɛl lé nénu ’léé yɛrama.

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Bélidɔwesɛbɛ Fiézan 4:37

Ka tranu sɔ a lɛ, yé wo kulunu lé wo vo wo zuo, é wo si a va; yeebozen ɛ ka fwi Éjipiti tɛrɛ la élé plɛplɛ blɛn nya.

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.

Ébrunu 9:15

We ’ko ma lé Krist kɛlɛ gipawe dɛrɛ gizan nya; wenyanénu lé munu a kɛlɛ bléyian va lé wo ke gipawe vininzan va, é ga wo sile wo lee we gi, munu lé Bale wo laa, tɔnɔ lé é ’ka nyaan lo, ’té Bale a fe léé, é dan a nɔ lɛ wo lɛ bɛ, wolé a blele we gi.

Jozué 1:2

An wuozan Moizi ga; sin, ’i nwa; bii valé munu ’konu faa, ’ka Juudɛn ’ko kini, gole we gi tɛrɛ lé maa a nɔ Izraɛl lé nénu lɛ, a ta.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.