Wepélisiananu 17:16 - Kazambale lé Sebe Sauunu 1979

¹⁶ Maa dan a drɔɔ vo lɛ, yé maa dan négɔné do nɔ lɛ i lɛ a ma né nya; maa dan a drɔɔ vo lɛ yé é dan kɛlɛ lɛ bɛngɔnɔ kiɛre nya; bɛnnu nwiinzan blɛnnu é dan si lɛ a gi.

Wepélisiananu 17:16 ပူးပေါင်းရင်းမြစ်များ

Wepélisiananu 1:28

Kazambale wo drɔɔ vo, yé Kazambale lé wo lɛ léé: ’Ka né yaa, ’ka kɛlɛ kiɛre, ’ka fan tɛrɛ la yé ’ka pla a tafɛnu nwiin; wɛyi va pɔnu koo, lagi mianénu koo, wi faa lé éé giéan tɛrɛ la koo, ’ka pla wo nwiin.

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 15:4

Yé Gakelebale é dére fe a lɛ léé: Mian ’bɛ é kɛla i zarablezan nya, ’bɛ ’ka ’bɛ nya lo. Mi lé i dan a yaa lɛ, yee ɛ dan kɛlɛ lɛ i zarablezan nya.

Wepélisiananu 17:15

Kazambale lé Abraam lɛ léé: Té i na Sarai tɔ laa Sarai é dɛrɛ lo; naa, bé laa Sara.

Wepélisiananu 17:19

Kazambale léé: Webozen lé, i na Sara é dan né yaa lɛ gɔné nya i lɛ; yé i dan a tɔ pa lɛ Izak. Maa dan an gi pa lɛ do a va, gipawe do lé é ’ka nyaan lo, ’té é dan kɛlɛ lɛ alé nénu zé nya a zuo, a nya.

Wepélisiananu 17:6

Maa dan i kɛlɛ lɛ né kiɛre yaazan nya fɔɔ ’bɛ glɛ ’ka lo. I nya lé bɛnnu é dan kɛlɛ lɛ yé minwiinzan blɛnnu é dan si lɛ i gi.

Wepélisiananu 21:1

We faa lé Gakelebale a fe Sara lɛ, a sele dɔ Gakelebale gi yé blivolɛdére lé é a fe Sara lɛ léé, é dan a kɛlɛ lɛ é a lɛ sɔɔ.

Wepélisiananu 24:60

Wo Rébéka drɔɔ vo yé wo lé a lɛ léé: Oo, ko zuané, ’i kɛlɛ mi baa wuru é wuru bu nya, yé ilé nénu é pla ’wo nyanézannu nwiin ma.

Wepélisiananu 25:23

Gakelebale lé a lɛ léé: Bɛn fié a i bɔn gi; dé i wo yaa tɔɔn wo dan kini lɛ ékema migɔnɔ fié nya. Bɛn do é dan kɛlɛ lɛ plɛplɛ yé é mini é bɔluzan ta yé a segelezan é dan pla lɛ a kiénézan wuo.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 36:31

Munu lé wo kɛlɛ munu nwiinzan blɛnnu nya Édom tɛrɛ la, ’té Izraɛl lé nénu nwiinzan blɛn ’ka tan kɛlɛ lɛ lo, wo lé ke ’ko:

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Rom munu 9:9

Ka ye, blivolɛdére lé ke ’ko: Maa dan da lɛ lɛɛ bɛ gi bléyi ’ko duo nya yé Sara é dan négɔné yaa lɛ.

Galasi munu 4:23

Wo luudané be yaa tɛrɛlamunu lé né yaabɛ yɛrama, naa, wo miné lu be yaa blivolɛdére yɛrama.

1 Piɛri 3:6

bélé Sara lé é Abraam lɛdɔma yé é a laa ézan, a zo. Dé ka wezin kɛla, ’té kana do kpen ’ka ka gi lo, ’té ka kinin Sara lunu nya.