Wepélisiananu 17:1 - Kazambale lé Sebe Sauunu 1979

¹ Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 17:1 ပူးပေါင်းရင်းမြစ်များ

Wepélisiananu 12:1

Gakelebale lé Abram lɛ léé: ’I si ilé tɛrɛ la, i lelenu va, ’i si i ti lé kɔn ’léé, yé ’i go tɛrɛ lé maa dan ana gɔɔn lɛ i lɛ, a ta.

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 16:16

Yian nya lé Agaa Ismaɛl yaa Abram lɛ, ’té Abram lɛɛ a yɔ ziɛn wɔlɛ suiɛdo.

Wepélisiananu 18:1

Gakelebale bɔra Abraam va Mamré sɛnéyilinu méléna, ’té é a é nyanale élé sɔkɔn ’léé é yiéyi, yiri plɛplɛ nya.

Wepélisiananu 18:14

Gakelebale kelewe aa? Bléyi lé maa a dɔ, maa dan da lɛ ’bɛ bléyi nya i va, bléyi ’ko bɛ nya, lɛɛ bɛ gi, yé Sara é dan né yaa lɛ gɔné nya.

Wepélisiananu 24:40

Yé é lé maa lɛ léé, Gakelebale lé ’é tawo a ’lɛ, é dan ’élé lanje do pa lɛ maa va, yé anlé tawowe é dan vɔ lɛ a ma, yé an le do si ’é be na nya ’é ti lé kɔn gi, ’é ti lé munu va.

Wepélisiananu 26:2

Gakelebale bɔra Izak va yé é léé: Té i zun Éjipiti tɛrɛ la lo; ’i nyana tɛrɛ lé maa dan a fe lɛ i lɛ, a ta.

Wepélisiananu 28:3

Plɛplɛ faazan Bale ’é i drɔɔ vo yé ’é i fan ma, yé ’é i kɛlɛ di ma, i kɛlɛle bɛn kiɛre nya we ma.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 43:14

Plɛplɛfaazan Bale ’é ka kɛlɛ mi zinnu nya mi ’ko yuɛ gi ma; ’é daan ka bwe koɛzan valé Bɛnjamɛn ma, yé ’wo da é ziin ka va ma. Yé maa, dé anlé nénu vuru an ma, ’té an vuru é wo wo gi.

Wepélisiananu 46:3

Yé Kazambale léé: Maa a Kazambale nya; i ti lé Bale lé maa nya. Té i kana gole ma Éjipiti tɛrɛ la lo, naa, ’bɛna lé maa dan i kɛlɛ lɛ bɛn blɛn nya.

Wepélisiananu 48:15

É Jozɛfu drɔɔ vo yé é léé: Bale lé, an tinu Abraam valé Izak tawo a yuɛ va, ’té é ke Bale lé é an pa an yaabléyi va fɔɔ kyɔ, a nya,

Wepélisiananu 48:3

Jakɔb lé Jozɛfu lɛ léé: Plɛplɛfaazan Bale bɔra an yuɛ va Luz, Kanaan tɛrɛ la, yé é an drɔɔ vo.

Wepélisiananu 5:22

Métuséla yaale zuo Énɔk tawo Bale va lɛɛ wuru do yɔ soru, yé é négɔné valé nélomu yaa.

Wepélisiananu 5:24

Énɔk tawo Bale va, yé Bale a si, bɛwemalé wo ’ka a ye lɛ lo.

Wepélisiananu 6:9

Noé lé nénu lé ke ’ko: Noé a mi zin nya, é a mi tegele nya ézé bléyi va. Noé tawoo Kazambale va.

1 Minwiinzannu 2:4

yé we lé Gakelebale a fe an lɛ, yé a lɛ é sɔɔ. Gakelebale lé an lɛ léma: Dé i benu ’wo yuɛ pa ’wolé tawobɛ va, dé wo tawo an ’lɛ yarapalale koo, wo bli faa koo, wo léli faa koo, wo nya, i ’ka dan vuru lɛ i paizan nyanale ma Izraɛl lé webleblin ta monomono lo.

1 Minwiinzannu 3:6

Salomɔn a zi pa léé: An ti i wuozan David tawo i ’lɛ, yarapalale koo, we tegele kɛlɛle koo, é bli drɔle i vazia koo, wo nya, amalé i we zin kɛlɛ a lɛ é baba; i we zin ’ko tadɔ a lɛ yé i négɔné nɔ a lɛ yé ’bɛ nyana alé webleblin ta fɛan zo lé wa ye kyɔ, a zo.

1 Minwiinzannu 8:25

Sin, Gakelebale, Izraɛl lé Bale, blivolɛdére lé bé fe an ti David lɛ, bé tawe kɛlɛ ma. I lé a lɛ léé, é ’ka dan vuru lɛ ’é paizan nyanale ma Izraɛl nwiinzan blɛn lé webleblin ta ’é ’lɛ lo, ’té dé a benu é yuɛ pa ’wo giégane va yé wo tawo ’é ’lɛ ’élé bélidɔwe yɛrama, éé tawoo ’é ’lɛ bɛan zo, a zo. A zo lé bé fe.

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

JOB (Job) 1:1

Mi do ana Usi tɛrɛ la, wa laama Job. Mi ’ko a tegele yé alé tawobɛ a é drɔle; éé kanaan Kazambale lee, yé éé nwun zi dɔa wenaané ta.

JOB (Job) 11:7

I bɔa Kazambale lé we wɔlɛ ma yele lɛ Yé i Plɛplɛfaazan dɔɔle ’wuo plaa?

Lɛrɛvɔ Sɛbɛ 115:3

Kolé Bale a la gi, Weowean é sɔ a lɛ, yee lé éé a kɛla.

Lɛrɛvɔ Sɛbɛ 116:9

An dan tawo lɛ Gakelebale ’lɛ, Mi yuɛmalenu lé tɛrɛ la.

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Fwile 6:3

An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

Wegɔnévɔlenu 10:9

Mi lé a dɔbɛ ke wéiin, éé tawoo ’té kana ’ka a gi lo, naa, mi lé éé zi plinlenu sian, a ta é dan bɔra lɛ.

Ézai 38:3

Oo Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé ké é zima i yuɛ gi, yee lé maa a kɛlɛ. Yé Ézékia yuɛ’yi so kiɛre.

Jérémi 32:17

Aa, Mizan Gakelebale, bé ye, i lanu valé tɛrɛ kɛlɛ ilé plɛplɛ blɛn valé i bɛ plɛplɛ nya; i givuruwe do kpen ’ka lo.

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Mi Nɔnɔle 11:23

Yé Gakelebale a zi pa Moizi lɛ léé: Maa, Gakelebale bɛ ’ka é wo sɔa a nya loo? Wean maa a fe, dé é dan kɛlɛ lɛɛ? dé é ’ka dan kɛlɛ lɛ loo? i dan a ye lɛ sin.

Mi Nɔnɔle 24:16

Mian éé Bale dére maan, ’Té é Loruzan bɔn‐in wenu dɔɔ, ’Té éé Plɛplɛfaazan Bale lé yuɛzi yé, a dére lo. Mian éé diaan é bli la ’té a yuɛ a é fuole, a dére lo.

Matio 19:26

Jézu wo nagini yé é lé wo lɛ léé: Munu ’ka bɔa a kɛlɛle lɛ lo, naa, Kazambale ɛ bɔa we faa kɛlɛle lɛ.

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

WENÉNÉ LÉ LUK A GYE (Évangile selon Luc) 1:6

Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

Kelewenu 23:1

Pɔl vo webolikinimunu ginina téiin, yé é lee: An bwenu, an tawo Kazambale ’lɛ fɔɔ yi ’ko nya ’té anlé wevasibli ’ka we dɔa an nwiin lo.

Kelewenu 24:16

Bɛwemalé maa a anbo tununa yifaama léé, té anlé wevasibli é we dɔ an nwiin Kazambale valé munu yuɛ va lo.

Éfez munu 3:20

Mi lé éé bɔa we faa lé kaa laan, é valé we faa lé kaa gi bɔrɔan a nya, a kɛlɛle lɛ, ’té éé giéan ’bɛ ta é baba, plɛplɛ lé é ke nyanama pana kaa gi, a nya bɛ,

Bélidɔwesɛbɛ Fiézan 10:17

Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

Bélidɔwesɛbɛ Fiézan 18:13

Ka a Gakelebale, kalé Bale zé nya é ta lé kɔn‐an.

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Ébrunu 12:28

Naa fuatɛrɛ lé ke kaazé nya, ’bɛ ma ’ka dan nyɔɔn lɛ lo, amalé kaa Bale bɔ vɔ yé kaa bɔ a bɔbɛ lé é sɔ a lɛ, a nya, a lɛdɔmale valé kanale a lee nya.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.