Wepélisiananu 15:7 - Kazambale lé Sebe Sauunu 1979

⁷ Gakelebale lé a lɛ é ziin léé: Maa a Gakelebale nya. Maa i si Uu, Kaldé tɛrɛ la, tɛrɛ ’ko nɔle i lɛ izé nya we gi.

Wepélisiananu 15:7 ပူးပေါင်းရင်းမြစ်များ

Wepélisiananu 12:1

Gakelebale lé Abram lɛ léé: ’I si ilé tɛrɛ la, i lelenu va, ’i si i ti lé kɔn ’léé, yé ’i go tɛrɛ lé maa dan ana gɔɔn lɛ i lɛ, a ta.

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

Lɛrɛvɔ Sɛbɛ 105:11

A fele nya léé: An dan Kanaan tɛrɛ nɔ lɛ i lɛ, Izé tɔnɔ nya.

Lɛrɛvɔ Sɛbɛ 105:42

Naa, a dére ’lɛzan sele dɔ a gi, Yé a wuozan Abraam sele dɔ a gi.

Lɛrɛvɔ Sɛbɛ 105:44

É bɛn bɛnu lé tɛrɛ nɔ wo lɛ, Yé nyanama lé bɛn bɛnu a pa, wo a tɔnɔ ble,

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Mi Nɔnɔle 33:53

’Ka wolé tɛrɛ si kazé nya, yé ’ka nyana ana kli; naa, maa ana tɛrɛ nɔ ka lɛ, yé é kɛlɛ kazé nya.

Rom munu 4:13

Bale ’ka blivolɛdére fe lɛ Abraam valé é kulunu lɛ léé, wo dan tɛrɛ ye lɛ ’wozé nya bélidɔwe ma lo, naa, blipale lé éé mi kɛla tegele, ’bɛ ma lé wo dan a ye lɛ.

Bélidɔwesɛbɛ Fiézan 3:18

Maa ka béli dɔ yi la léé, Gakelebale, kalé Bale, é tɛrɛ ’ko nɔ ka lɛ léé, ’ka a kɛlɛ kazé nya. ’Kaa sunyanu faa, ’ka tawo Izraɛl lé nénu ’lɛ, ’té gulidanfɛnu a ka lee.

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.