Wepélisiananu 15:5 - Kazambale lé Sebe Sauunu 1979

⁵ É go a nya béera yé é léé: ’I lagi gini, yé ’i monénénu nɔnɔ, dé i bɔa wo nɔnɔle lɛɛ? Yé é lé a lɛ léé: I kulu é dan kɛlɛ lɛ bélé wo zo.

Wepélisiananu 15:5 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 13:16

Maa dan ilé nénu kɛlɛ lɛ bélé tɛrɛ lé vun zo di. ’Bɛ ma, dé mi é bɔa lɛ é tɛrɛ lé vun nɔnɔ, ’té é bɔa ilé nénu nɔnɔle lɛ é ziin.

Wepélisiananu 16:10

Gakelebale lé lanje lé a lɛ léé: Maa dan i kulunu kɛlɛ lɛ di; wo dan kɛlɛ lɛ kiɛre, ’té mi do ’ka bɔa wo nɔnɔle lɛ lo.

Wepélisiananu 17:2

Maa dan an gi pa lɛ do i va, yé maa dan i kɛlɛ lɛ di, fɔɔ ’bɛ glɛ ’ka lo.

Wepélisiananu 22:17

maa dan i drɔɔ vo lɛ yé maa dan i kulu kɛlɛ lɛ di bélé la gi monénénu zo, bélé wɛyi gɔɔn ma nyéné zo di; yé i kulu é dan pla lɛ é nyanézannu nwiin.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Wepélisiananu 32:13

Fɛkona lé Jakɔb yii. É ’é leefɛnu ke si é bwe Ézau blan nya.

1 Minwiinzannu 3:8

Munu lé i wo si a va, munu kiɛre lé wo ’ka bɔa wo nɔnɔle lɛ wo kiɛre we ma lo, i wuozan a wo méléna.

Minwiinzannu lé Wezuofe Sɛbɛ 27:23

Izraɛl va munu lé wo lɛɛ ’ka tan bɔ lɛ yɔ do lo, David ’ka wo nɔnɔma lo, naa, Gakelebale a fe léé, é dan Izraɛl ’léé gi gyɛ lɛ bélé lagi monénénu zo, azama.

Néémi 9:23

I wo benu fan bélé lagi monénénu zo, yé tɛrɛ lé bé fe wo tranu lɛ léé, wo dan a si lɛ wozé nya, i bɔ wo va yé wo nyana a ta.

JOB (Job) 35:5

’I yuɛ vɔ lanu gi, ’i gi bɔrɔ, Latinu a baa i ta loru fɛan zo, bé ye do.

Lɛrɛvɔ Sɛbɛ 147:4

Éé monénénu nɔnɔan, Éé wo faa tɔ paan do do.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Ézai 51:2

Ka yuɛ ’é vo ka tra Abraam lɛ, Sara lé é ka yaa, ka yuɛ ’é vo ’bɛ lɛ; Naa, yee do kpen lé maa a laa, Maa a drɔɔ vo yé maa a fan.

Jérémi 33:22

Fɛan zo lé wo ’ka bɔa lagi monénénu nɔnɔle lɛ lo yé wo ’ka bɔa wɛyi gɔɔn ma nyéné nɔnɔle lɛ lo, a zo duo lé an wuozan David valé Lévinu lé woo an va nyanama paan, maa dan wo kulunu gi gyɛ lɛ.

Rom munu 4:18

We lé mi bli ’ka kɛla a yele lɛ lo, é bli kɛlɛ ’bɛ lɛ, yé é bli vo a lɛ yé é kinin bɛn kiɛre ti nya, wean Bale a fe a lɛ léé: I kulu é dan kɛlɛ lɛ a zo, a yɛrama.

Bélidɔwesɛbɛ Fiézan 1:10

Gakelebale, kalé Bale, ka fan, yé kyɔ ka a kiɛre bélé lai monénénu zo.

Bélidɔwesɛbɛ Fiézan 10:22

Ka tranu go Éjipiti tɛrɛ la, ’té wa mi yɔ yaa wɔlɛ vu; sin, Gakelebale, kalé Bale ka kɛlɛ mi gu blɛn nya, kiɛre bélé lagi monénénu zo.

Ébrunu 11:12

Bɛwemalé, mi do kpen lé a kɔlɛ kɛlɛ é kwakwa é pia nya, a kulu kɛlɛ kiɛre, bélé monénénu zo di, bélé wɛyigɔɔnma nyéné lé wo ’ka bɔa a nɔnɔle lɛ lo, a zo di.

Jozué 24:3

Maa ka tra Abraam si yuu zi, yé maa a kɛlɛ giézan nya Kanaan tɛrɛ faa la; maa a kulu gi gyɛ yé maa Izak nɔ a lɛ.