Wepélisiananu 15:18 - Kazambale lé Sebe Sauunu 1979

¹⁸ ’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 15:18 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 2:14

Wa blan yaazan laama Idékɛl; éé yoroan Asiri tɛrɛ la yirinwanazia. A blan ziɛnzan lé ke Yufrat nya.

Wepélisiananu 24:7

Gakelebale, lagi Bale lé é an si an ti lé kɔn ’léé, é valé an lelenu va, ’té e we fe an lɛ yé ébo ’nyɔɔn an lɛ léé, ’é dan tɛrɛ ’ko nɔ lɛ an kulu lɛ, yeebozen é dan élé lanje nwunvɔ lɛ i ’lɛ; yé i dan le do si lɛ an be na nya ’bɛna.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

Wepélisiananu 35:12

Tɛrɛ lé maa a nɔ Abraam valé Izak lɛ, maa dan a nɔ lɛ i lɛ, yé maa dan tɛrɛ ’ko nɔ lɛ i kulunu lɛ, i zuo.

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

2 Samuɛl 23:5

Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

2 Samuɛl 8:3

David guli dan Tesoba nwiinzan Réob be Adadézɛɛ va, bléyian va lé ’bɛ a gona Yufrat yuu kɛlɛ lɛ ézé nya é ziin, a bléyi va.

1 Minwiinzannu 4:21

Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

1 Minwiinzannu 5:1

Tii minwiinzan Iiram é wuozannu nwunvɔ Salomɔn va, naa yifaama David sɔ a lɛ yé é a ’ma léé, wo nyɔnɔ zén Salomɔn nwiin a kɛlɛle minwiinzan nya we gi é ti pa gi.

Minwiinzannu lé Wezuofe Sɛbɛ 16:16

Gipawe lé é a kɛlɛ Abraam va, Yee valé balekundére lé é a fe Izak lɛ, wo sele a a gi.

Minwiinzannu lé Wezuofe Sɛbɛ 5:9

yirinwanazia, wo nyanale éé sié Yufrat yuu va, fɔɔ yé é bɔ nyéné saa lé fɛna pélisiana, naa, wolé trubɛnu a kiɛre Galaad tɛrɛ la.

2 Minwiinmunu lé Wezuofe Sɛbɛ 7:8

’Bɛ bléyi va, Salomɔn valé Izraɛlnu faa fɛti kɛlɛ yi sɔrafié wuo. Mi gu blɛn lé wo si Amat zi fɔɔ Éjipiti lé ’yiyoro vazia, wo zén ékeva.

2 Minwiinmunu lé Wezuofe Sɛbɛ 8:7

Étinu koo, Amorénu koo, Férézinu koo, Éévinu koo, Jébusinu koo, wolé munu faa lé wo vo, ’té wo ’ka Izraɛlnu nya lo bɛ,

2 Minwiinmunu lé Wezuofe Sɛbɛ 9:26

Salomɔn pla minwiinmunu faa nwiin, é sia yuu ma fɔɔ yé é bɔ Filisiti tɛrɛ glɛ la yé é bɔ Éjipiti tɛrɛ glɛ la.

Ezidras 4:20

Minwiinzan blɛn plɛplɛnu kɛlɛ yuu zi, Jérusalɛm, ’té wa é plale tɛrɛ faa nwiin. Vagɔɔli koo, fɛnu ta banwo gɔɔli koo, zibanwo gɔɔli koo, ’té wa no wo lɛ.

Néémi 9:8

Bii ɛ bli ye tegele i ’lɛ, i gipawe kɛlɛ a va, yé i blivolɛdére nɔ a lɛ, léé, tɛrɛ lé ke Kanaannu koo, Étinu koo, Amorénu koo, Férézinu koo, Jébusinu koo, Giigazinu koo, wozé nya, i dan a nɔ lɛ a kulu lɛ, yé i dɔ i dére ta, naa, i a tegele.

Lɛrɛvɔ Sɛbɛ 105:11

A fele nya léé: An dan Kanaan tɛrɛ nɔ lɛ i lɛ, Izé tɔnɔ nya.

Fwile 13:11

Dé Gakelebale ka wɔra Kanaan munu lé tɛrɛ la, ébo ’nyɔɔn ka valé ka tranu lɛ fɛan zo, a zo, dé é nyaa tɛrɛ nɔle nya ka lɛ,

Fwile 2:24

Kazambale wolé dunnule ’ma yé gipawe lé é a kɛlɛ Abraam koo, Izak koo, Jakɔb koo, wo va, a sele dɔ a gi.

Fwile 23:23

Anlé lanje é dan tawo lɛ i ’lɛ, yé é dan go lɛ i nya, Amorénu koo, Étinu koo, Férézinu koo, Kanaannu koo, Éévinu koo, Jébusinu koo, wo va, yé maa dan wo si lɛ tɛrɛ la tata.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 34:11

We lé maa i bélidɔ a nya kyɔ, bé kɛlɛ ma. Amoré munu koo, Kanaan munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ ka ’lɛ.

Fwile 34:24

Naa, maa dan bɛnnu bin lɛ ka ’lɛ, yé maa dan ilé tɛrɛglɛnu buru so lɛ é zuo; bléyian va lé i go Gakelebale, ilé Bale ’lɛ, lɛɛ do gɔnɔ yaa bɛ, mi do kpen bli ’ka dan bɔ lɛ ilé tɛrɛ ma lo.

Fwile 6:4

Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Ézai 27:12

’Bɛ bléyi va Gakelebale é dan yilinu nyɔɔn lɛ yé wo poro é dan dia lɛ; é sia yuu yorole ma fɔɔ Éjipiti lé yuu blɛn va, ’kaa Izraɛlnu, é dan ka sia lɛ do do.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Jérémi 32:22

I tɛrɛ ’ko nɔ wo lɛ, tɛrɛ lé ibo ’nyɔɔn léé, i dan a nɔ lɛ wo tranu lɛ, yee lé, tɛrɛ nyɔnɔzan lé.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Lévinu 26:42

Gipawe lé maa a kɛlɛ Abraam va, a sele é dan dɔ lɛ an gi, yé gipawe lé maa kɛlɛ Izak va, a sele é dan dɔ lɛ an gi, yé gipawe lé maa a kɛlɛ Jakɔb va, a sele é dan dɔ lɛ an gi, yé tɛrɛ boen sele é dan dɔ lɛ an gi.

Lévinu 26:45

Gipawe kyɛn lé maa a kɛlɛ, ’té maa wo si Éjipiti tɛrɛ la bɛnnu yuɛ va a nya, an kɛlɛle wolé Bale nya we gi bɛ, a sele é dan dɔ lɛ an gi wo vazia. Maa a Gakelebale nya.

Mi Nɔnɔle 34:5

a péli sia Asimɔn yé éé nɔlaan fɔɔ yé é bɔ Éjipiti lé ’yiyoro plɛplɛ ma, yé é bɔ wɛyi ma.

Kelewenu 7:5

Bale ’ka tɛrɛ kiéné nɔ lɛ a lɛ azé nya lo yé é ’ka é gane dɔrana boen ye lɛ lo, naa, Bale blivolɛdére fe a lɛ léé, é dan tɛrɛ nɔ lɛ a lɛ azé nya, ’bɛ valé a kulunu zé nya é voéla lii, dɔlé ’té alé né do kpen ’ka lo.

Bélidɔwesɛbɛ Fiézan 11:24

Fɛ faa lé ka dan ka gane zun lɛ ana, é dan kɛlɛ lɛ kazé nya; kalé tɛrɛ glɛ do é dan kɛlɛ lɛ Liban lé bwi nya, yé kalé tɛrɛ glɛ do é dan kɛlɛ lɛ Yufrat yuu nya, yé kalé tɛrɛ é dan go lɛ fɔɔ yé é bɔ wɛyi lé ke yirivɔnazia, a ma.

Bélidɔwesɛbɛ Fiézan 12:20

Dé Gakelebale, kalé Bale kalé tɛrɛ glɛ buru so é zuo, é a fe ka lɛ fɛan zo, a zo, dé wiblelɔrɔ ka gyɛ yé ka léé, é sɔ ’wo lɛ léé, ’wo wi ble, a se a ka lɛ léé, ka a ble, é sɔ ka lɛ fɛan zo, a yɛrama.

Bélidɔwesɛbɛ Fiézan 19:8

Dé Gakelebale, kalé Bale kalé tɛrɛglɛnu buru so é zuo, ébo ’nyɔɔn ka tranu lɛ fɛan zo, a zo, tɛrɛ lé é a fe ka tranu lɛ léé, é dan a nɔ lɛ ka lɛ, ’té dé ka Gakelebale, kalé Bale lɔrɔ pa yé bélidɔwenu faa lé maa a fena ka lɛ kyɔ, dé ka wo lɛdɔama yé ka wo ta tawo, yé ka tawo yifaama Bale lé zinu faa ta, dé Gakelebale nyaa tɛrɛ ’ko faa nɔle nya ka lɛ faa, ka dan fla yaa pa lɛ fla yaa ’ko va, a taa nya.

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Bélidɔwesɛbɛ Fiézan 7:1

Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Jozué 13:3

wolé tɛrɛ sia Sisɔɔ yuu lé éé yoroan Éjipiti tɛrɛ la zia, a ma fɔɔ yé é bɔ Ékrɔn yirinwana bɛbolazia glɛ la; tɛrɛ ’ko lé wa fe léé, é a Kanaannu zé nya yé Filisiti mi blɛnnu soru nyanaan ana; Gazazan koo, Azdɔdzan koo, Azkalɔnzan koo, Gatzan koo, Ékrɔnzan koo, woo lé, yé woo mi blɛnnu valé Avinu woo nyanaan tɛrɛ ’ko la;

Jozué 15:4

’bɛ zuo é Asimɔn kini yé é go fɔɔ Éjipiti lé yuu va yé é nyaa wɛyi ma. Yee lé ke kalé yirinwana bɛyilazia glɛ nya.

Wegɔɔnle 9:14

yé é lé lanje suiɛdozan lé, béli ke a lee, a lɛ léé: Lanje ziɛn lé wo ke é yerele Yufrat yuu blɛn ta, ’i wo fuo.